"Atén" (Contén)

Digno ou susceptible de ser atendido.

Deusa grega da sabiduría e da intelixencia, das artes e das ciencias, e dos dons da civilización en xeral. Ensina aos homes a arte de navegar, de fiar e de tecer. Filla de Zeus e de Metis, era tamén a deusa da guerra e das vitorias militares así como da paz, motivo polo que se representa con lanza e casco. Fidias esculpiuna, armada e de pé, nas estatuas colosais de Atenea Prómacos, situada no punto máis alto da Acrópole, e de Atenea Partenos, realizada en crisoelefantina, no interior do Partenón.

Socio dun ateneo.

Boletín bilingüe aparecido en decembro de 1978 en Ferrol. Cambiou o seu nome polo de Ateneo Ferrolán. Informaba sobre as diversas vocalías do Ateneo da cidade: arqueoloxía, música, humanidades, teatro e artes, entre outras. Xunto a isto, incluía poesías de A. Martínez Barcón e Celso E. Ferreiro, traballos sobre o medio ambiente de D. Quiroga e sobre Manoel Antonio de X. M. Dobarro, nos seus distintos números. Tamén incluíron algunhas caricaturas de Siro.

Sociedade fundada na Coruña en 1885 para fomentar o estudo científico e literario. Nesta liña organizaba cursos académicos que duraban desde o 1 de outubro ata finais do mes de maio.

Sociedade nacida na vila de Vilalba en 1934. Foi presidida por Sebastián Martínez Risco, escritor galego e presidente da Real Academia Galega. Esta institución desenvolvía unha serie de actividades vencelladas á cultura tales como a organización de conferencias -coa participación de Otero Pedrayo, Filgueira Valverde, Noriega Varela e Demetrio Méndez Curiel, entre outros-, xunto con concertos e recitais musicais, representacións teatrais, -alí estreouse a obra El poder de la conduta de Martínez Risco-, e bolsas de estudios para o Instituto Manuel Murguía da mesma localidade. Desapareceu no ano 1936.

Sociedade fundada en México no ano 1962, divulgadora da cultura e lingua galegas nese país. Colaborou coa Universidade de México e produciu unha serie de programas de información cultural en Radio Metropolitana e Radio Universidad. Publicou tamén a revista Compostela. Nesta institución participaron numerosos intelectuais e políticos da sociedade mexicana.

Sociedade fundada no ano 1971 e presidida por Manuel Cabaleiro Goás. Entre as súas actividades destacou a organización de conferencias coa participación de González Seara, Aranguren, Camilo José Cela, Tierno Galván, Blanco Amor, Alonso Montero e Ramón Valenzuela. En 1974 organizouse unha homenaxe á figura de Castelao coa edición dun exemplar antolóxico da súa obra e unha exposición de pintura e escultura.

Sociedade fundada o 25 de abril de 1965 cunha finalidade cultural. Organizou ciclos de conferencias coa participación de Xosé M. Beiras, Álvaro Cunqueiro, Torrente Ballester, etc. Xunto a estas, numerosas exposicións de pintura e escultura con obras de Conde Corbal, Virxilio Fernández, Acisclo Manzano e Manolo Caballero, entre outros. Ao longo dos anos homenaxeou as figuras de Valle-Inclán, Miguel Hernández e o musicólogo Agustín Isorna Ríos.

Institución fundada polo Emperador Adriano cara ao 135 d C, cerca do foru, para a promoción das letras. Era o lugar de reunión de poetas e oradores, onde se realizaban cursos de Retórica, Xurisprudencia, Gramática e Filosofía. Denominada despois Escola Romana continuou o seu labor ata o s V.

Sociedade fundada no 1879 baixo a presidencia de Manuel Estrada y Madán. Exerceu a súa actividade ao longo de diferentes fases ata 1936 (1879-1880, 1903-1917, 1931-1936) e, de forma continua, desde 1976. Esta institución presidida por Eliseo Zaera Ríos, desenvolveu diversas actividades culturais e lúdicas na cidade de Ferrol e na súa comarca. Organizou exposicións de artes plásticas, ciclos de cine e vídeo, conferencias, cursos de galego, solfexo, pintura, teatro ou encadernación. Entre os certames anuais destacan: Eidos, Feitura, Xoves Teatrais e o concurso de gaita galega Constantino Bellón, de ámbito internacional.

Sociedade fundada a finais do século XIX na cidade de Santiago. Foi presidida por Luís Rodríguez Seoane. Nela organizáronse conferencias coa participación de Alfredo Brañas e Vázquez de Mella. Publicou tamén a obra Os meus votos de Aurelio Ribalta.

  (Rodas s I a C) Escultor grego. Autor, xunto con Axesandre e Polidoro, do grupo escultórico de Laocoonte e os seus fillos, exemplo salientable da estatuaria helenística, malia estar realizado con carácter de relevo, predominando a visión frontal, contraria aos esquemas helenísticos de aprehensión espacial da obra de arte (multiplicidade de puntos de vista, desenvolvemento helicoidal, visualización en perímetro circular completo, etc).

Bloqueador cardioselectivo dos receptores β-adrenérxicos. Emprégase no tratamento da hipertensión.