"Bay" (Contén)

PERSOEIRO

Ilustradora. Estudiou na Escola de Belas Artes de Barcelona (1959-1964). A súa andaina como debuxante, comezou na editorial La Galera e na revista Cavall Fort, onde iniciou as súas colaboracións en 1964. Asina os seus debuxos como Pilarín, e destacan os da colección Petites Històries, da editorial Mediterránea, dedicada a personaxes do mundo da arte e da ciencia. Colabora en distintas publicacións periódicas (El correo catalán, Oriflama e El 9 nou). Recibiu a medalla de ouro Ville d’Avignon (1987), a Creu de Sant Jordi (1991) e o Premi de Crítica Serra d’Or (1993).

PERSOEIRO

Matemático e pastor presbítero. Publicou postumamente a súa memoria Ensaio sobre a resolución dun problema na doutrina de probabilidades (1763), de grande importancia estatística e epistemolóxica, onde introduciu o concepto de inferencia indutiva ao tentar determinar a probabilidade das causas a partir da dos efectos observados. Tamén escribiu An introdution to the doctrine of fluxions (Unha introdución á doutrina dos fluídos, 1736).

PERSOEIRO

Debuxante e retratista. Foi pintor da corte dende o ano 1767 e director da Academia de San Fernando de Madrid no ano 1788. Dun rococó brillante, evolucionou cara a un clasicismo académico, e foi o máis persoal dos pintores do círculo de Mengs. Dedicouse sobre todo á pintura mural.

PERSOEIRO

Pintor. Foi discípulo de Merclein e de Luzán en Zaragoza. No ano 1757 ingresou na cartuxa de Auladei, onde fixo o noviciado. Logo de realizar pequenos encargos para decorar varias cartuxas, a obra que o acredita como mestre foi a decoración da sancristía da igrexa de San Gil de Zaragoza. No ano 1793 realizou as pinturas do presbiterio da catedral de Jaca e, pouco despois, do ciclo da vida de santo Bruno, para a Cartuxa de Las Fuentes (Colegio Mayor de Santiago, de Huesca). O seu estilo mantense fiel á tradición barroca.

CIDADES

Cidade do departamento de Calvados, na Baixa Normandía, Francia, centro do Bessin (14.704 h [1990]). Mercado agrícola e pequeno núcleo industrial (imprenta e plásticos); a súa manufactura tradicional de encaixes ten moita sona. A catedral de Notre-Dame, edificada orixinariamente no s XI, foi reconstruída no s XIII e é unha mostra típica do gótico normando. O museo da Raiña Matilde contén o Tapiz de Bayeux. Cidade de orixe galorromana, foi saqueada numerosas veces por causa das invasións normandas -ata a formación de Normandía, no s X-, da Guerra dos Cen Anos (1356) e das guerras de relixión. Durante a Segunda Guerra Mundial estivo en poder dos nazis ata que foi conquistada polos aliados en 1944.

PERSOEIRO

Escritor turco. De familia campesiña, traballou como mestre e foi un activo sindicalista. En 1958 gañou o Premio Yunus Nadi coa novela Yilanlarin Öcu (A vinganza das serpes), a primeira dunha monumental triloxía onde describe as condicións de vida dos campesiños en Anatolia. Malia o éxito, a publicación foi mal recibida entre os elementos oficiais conservadores e Baykurt foi apresado e exiliado na RFA.

PERSOEIRO

Pensador e escritor. Combateu a intolerancia relixiosa e as disputas teolóxicas ou filosóficas, que el consideraba inútiles. O seu Ditionnaire historique et critique (Dicionario histórico e crítico, 1695-1697) é considerado un precedente da crítica histórica da Encyclopédie. O seu pensamento foi interpretado de diversas formas, dende un escepticismo puro e simple ata un fideísmo racional baseado en determinadas verdades fundamentais das que non se podería dubidar.

PERSOEIRO

Piloto militar. Estableceuse en Barcelona ao inicio da Guerra Civil (1936-1939); dirixiu, con éxito, a expedición republicana para someter Eivissa, e despois pasou a Mallorca, desde onde se tivo que retirar. Posteriormente marchou a Madrid, onde obstaculizou a ofensiva franquista coa táctica da guerrilla. Ao rematar a guerra (1939), estableceuse primeiramente en Cuba e despois en México, onde coñeceu en 1955 a Fidel Castro, do que foi dende entón colaborador. Escribiu, entre outras obras, Mi desembarco en Mallorca (1944) e Mi aporto a la Revolución Cubana.

GALICIA

Poeta. No 1989 coa obra O poeta azul de Ferrol foi galardoado co II Premio Nacional de Poesía e no 1991 acadou o Premio Esquío. É autor do poemario Tempo de chover (1994). Ademais, colabora na revista Poesía Galicia.

PERSOEIRO

Pianista. Profesora nos conservatorios de Pamplona e Zaragoza e da Universidade de Verán de Jaca. De formación musical autodidacta, difundiu as obras de Federico Mompou, Jesús Guridi ou Fernando Remacha, entre outros compositores, e versionou con grande éxito a suite Iberia de Isaac Albéniz. Para piano e orquestra estreou a Rapsodia de Estella de Remacha e a Fantasía homenaje a Walt Disney de Guridi, entre outras obras.

CIDADES

Cidade de Baviera, Alemaña, á beira do Main, nos contrafortes de Fichtelgebirge (72.000 h [1990]). Núcleo comercial, industrial (téxtil) e universitario de importancia rexional. Obtivo sona internacional a raíz de que Richard Wagner a escolleu como lugar de residencia e instalou nela o teatro dos festivais, o Festspielhaus. Os festivais, totalmente dedicados á obra de Wagner, celébranse regularmente desde 1876. A cidade foi fundada no s XII polos condes de Andechs-Diesse; no ano 1791 converteuse en posesión de Prusia e no 1810 de Baviera. O s XVIII foi o do seu maior esplendor cultural e artístico.

CIDADES

Cidade da illa de Samar, nas Filipinas (113.000 h [1990]).