"Iglesias" (Contén)

GALICIA

Gaiteiro. Coñecido como Moxenas, foi profesor de gaita e percusión e compositor de pezas para gaita. Formou parte de grupos como Os chavales de Sárdoma, Vento das Cíes, Lembranzas Galegas e Muxicas. Das súas obras destacan Pasodoble de Sárdoma, Cereixas de beade, Foliada para Andrea. Foi nomeado Vigués Distinguido.

GALICIA

Médico. Licenciouse en Medicina na Universidade de Santiago de Compostela en 1931 e doutorouse en Madrid en 1934. De gran prestixio na especialidade de cardioloxía e medicina xeral, ingresou na Real Academia de Medicina e Cirurxía de Galicia e Asturias en 1963. Publicou numerosos traballos e libros, como Radiodiagnostico de la tuberculosis pulmonar (1934), Pleuritis tuberculosa (1940), Contribución al estudo médico--legal de la silicosis (1946), El pronóstico de la tuberculosis pulmonar (1953) e Emoción, angustia e infarto de miocardio (1968).

1. Forma castelá correspondente ao apelido galego Igrexa e ás súas variantes, como Da Eirexa, Da Airexa ou Da Irexa, que se empregaron como apelidos toponímicos ata o s XVII. A súa orixe está nos abondosos topónimos espallados polo territorio galego. Esta forma castelanizada en plural atéstase por primeira vez no s XIX, usada como apelido administrativo. Actualmente é un dos apelidos máis frecuentes en Galicia.

2. Liñaxe que trae, en campo de azul, unha igrexa acaroada a unha torre, todo de prata, acompañada no cantón destro do xefe dunha cuncha de vieira de ouro, resaltada a porta dun guerreiro armado e cunha alabarda na man destra, todo de prata. Outra variante leva, en campo de goles, unha igrexa de prata, resaltada a porta dun guerreiro armado, levando na súa man dereita unha alabarda coa pica de prata e a vara de azul e bordo de azul co lema de ouro: “A pesar de todo venceremos a los moros”.

GALICIA

Pianista e crítico musical. Estudiou no Conservatorio de Música de Madrid e en distintos países. Actuou por todo o mundo tanto de solista como con orquestras moi prestixiosas dirixidas por profesionais destacados como Leopold Stokowski, Ataúlfo Argenta ou Conrado del Campo, e é autor de ensaios sobre grandes músicos como Marcial del Adalid. Dirixiu un gran número de organismos, como o Conservatorio de Ourense, do que tamén foi o fundador, o Conservatorio de Segovia ou o Instituto de Música Religiosa de Cuenca. É académico correspondente da Real Academia Galega e da Real Academia de Bellas Artes Nuestra Señora del Rosario da Coruña, entre outras institucións. Posúe distintos galardóns, dos que cómpre mencionar a Orden Civil de Alfonso X El Sabio e a Orde do Mérito Civil, e foi nomeado Chevalier de L’Ordre dels Arts et Lettres de Francia.

GALICIA

Político. Licenciado en Dereito pola Universidade de Santiago de Compostela, exerceu como avogado e liderou o Partido Republicano Federal en Pontevedra. Redactor de La Unión Republicana de Pontevedra, foi nomeado correspondente do xornal El País e en 1903 dirixiu o diario republicano vigués La Justicia. Despois de coñecer a A. Lerroux en 1904, seguiuno a Barcelona, onde se instalou en 1906 e onde destacou polas campañas contra Solidaritat Catalana que fixo desde El Progreso, que el mesmo dirixía. Cando A. Lerroux marchou de España, quedou como cabeza do lerrouxismo liderando o Partido Republicano Radical. Elixido concelleiro en Barcelona (1909), foi encarcerado tralos acontecementos da Semana Tráxica (1909) e despois defendeu a algúns dos implicados máis destacados. Deputado a Cortes (1910), intentou fusionar o Partido Radical e a Unió Federal Nacionalista Republicana para constituír unha alternativa aos rexionalistas cataláns (1914). Estivo detido trala...

GALICIA

Profesor e escritor. Licenciado en Historia Contemporánea pola Universidade de Santiago de Compostela, é catedrático de Lingua e Literatura galegas. Colaborador da revista Dorna, é autor do libro de relatos eróticos Aventura en Nassau (1991). Ademais, tirou do prelo Vento de seda (1992), a novela policial Miss Ourense (1994), Conta os latidos (1995), o relato de terror “Non sabía que doía tanto” (1995), O mellor francés de Barcelona (1999), A noite das cabras do aire (1999), A historia escríbese de noite (2001) e A vida apoteósica (2001). Foi galardoado co Premio da Crítica Galicia, co Premio Merlín de Literatura Xuvenil e co Premio García Barros de Novela; ademais foi o gañador do Certame de Narracións Curtas Modesto R. Figueiredo co relato “Luanda” (1995) e do III Premio de Novela Ciudad de Salamanca coa súa primeira novela en castelán Bajo las más bellas estrellas (1999).

GALICIA

Aviador. Formouse na Academia de Guadalajara, participou na Guerra de Marrocos e chegou a capitán en 1926. Realizou a travesía aérea Sevilla-Karachi (1928) e en 1929, co avión Jesús del Gran Poder, a do Atlántico Sur (1929), na que partiu de Tablada (Sevilla) coa intención de chegar ata Rio de Janeiro, pero a falta de combustible obrigoulle a aterrar en Bahia, despois de percorrer 6.746 Km en 43 horas. Dirixiu o primeiro continxente da Sociedade de Nacións na fronteira entre Colombia e Perú, na rexión de Leticia (1934), e ao tempo explorou a rexión en hidroavión. Tiña prevista unha expedición científica polo Amazonas que non puido realizar por causa da Guerra Civil, na que participou a carón dos sublevados. Trala guerra foi secretario xeral e técnico do Exército do Aire. Foi xefe de obras do aeroporto de Santiago de Compostela, co rango de tenente coronel, e dirixiu o proxecto para o aeroporto da Coruña, aprobado polo goberno en 1953. Presidiu o comité técnico de Iberia e o consello de...

PERSOEIRO

Académica e profesora. Doutora en Ciencias Políticas e Socioloxía, é membro da Real Academia de la Historia (1989) e da Real Academia de la Lengua (2000). Obtivo o Premio Nacional de Periodismo, e o Premio Nacional de Historia de España (2000) pola obra Símbolos de España.

GALICIA

Político. É licenciado en Dereito pola Universidade de Santiago de Compostela. Elixido concelleiro pola Coruña nas eleccións municipais de 1931, foi alcalde da cidade entre 1932-1933. Nas eleccións xerais de 1933 elixírono deputado pola Coruña polo Partido Republicano Gallego e foi nomeado fiscal xeral da República, en xaneiro de 1936. Tralo franquismo retomou a actividade política como senador na lexislatura constituínte pola Candidatura Democrática Galega, pasando a mediados da lexislatura ás filas da UCD, agrupación pola que foi senador durante a I lexislatura, e por Coalición Popular na III. No Parlamento galego foi deputado pola Coruña na I lexislatura por UCD e durante parte da II por Coalición Popular. No campo empresarial ocupou diversos cargos como presidente de Frigoríficos del Noroeste SA e secretario xeral de Industria Ballenera Española SA. Foi presidente da Academia Galega de Xurisprudencia e Lexislación e foi condecorado coa Legión de Honor.

PERSOEIRO

Cantante. Máis coñecido como Julio Iglesias, é un artista vinculado con Galicia, xa que o seu pai é natural de Ourense. Foi porteiro do Real Madrid ata que o tivo que deixar por culpa dun accidente. Posteriormente, comezou a cantar e a compoñer as súas propias cancións. En 1968 gañou o Festival de Benidorm coa canción “La vida sigue igual”. Protagonizou a película La vida sigue igual (1969) e representou a España no Festival de Eurovisión de 1971. Gravou numerosos discos en distintos idiomas e entre as súas cancións máis destacadas figuran “Gwendolyne”, “Bamboleo”, “Agua dulce, agua salada” ou “Un canto a Galicia”, homenaxe musical á terra do seu pai. En 1983 recibiu o Disco de Diamantes por ter vendido máis de cen millóns de discos en todo o mundo. Gañador de varios premios Grammy, en 1992 foi nomeado “Embajador de Galicia en el Mundo”. Recibiu numerosos premios e galardóns ao longo da súa carreira, entre os que destacan o Golden Record Award (1995), o Premio Mónaco da...

PERSOEIRO

Patinadora galega. Comezou a seguir os pasos da súa irmá máis vella e iniciouse na patinaxe artística no ano 2004 nun club da súa cidade natal, o Club de Patinaxe Artística Compostela, logo adestrou no Maxia da Coruña e dende o ano 2019 patina no Reus Esportiu, sendo o seu adestrador Óscar Mollíns. A súa traxectoria nas competicións iniciouse no ano 2005, con 5 anos, e, dende que no ano 2009 se proclamou campioa galega en categoría alevín, o que lle permitiu clasificarse para o Campionato de España, participou en todos os campionatos de España que se convocaron. Así mesmo, dende o ano 2013, ano no que participou no Trofeo Prestige Issy-Paris, onde se proclamou campioa, e na Copa de Europa (4ª clasificada), é patinadora internacional. Ademais, dende o ano 2007 está incluída no programa de Tecnificación de Xoves Valores da Federación Galega de Patinaxe e foi convocada pola RFEP entre a súa selección en varias ocasións. Entre o seu palmarés figuran 6 títulos galegos nas categorías...

GALICIA

Escritor e mestre. Creador da Federación de Estudiantes Católicos (1932), fundou en 1943 a agrupación artística La Farándula e en 1950 a sociedade Amigos de la Ópera. Crítico de cine e teatro en RNE na Coruña, colaborou tamén en diversas publicacións. Presidiu a coral polifónica El Eco e dirixiu a revista Abrente. Cómpre salientar a súa obrapoética Cancionero tardío (Premio Nacional de Poesía, 1969); e en narrativa, El Aguijón (1968), obra finalista do Premio Nacional de Literatura; As historias do anxo azul (1991) e O vello das pombas (1998). No eido teatral destaca Triunfó la vida (1957). Foi membro correspondente da Real Academia de Bellas Artes Nuestra Señora del Rosario e da Real Academia Galega.

GALICIA

Historiador. Doutor en Xeografía e Historia pola Universidade de Santiago de Compostela, especializouse en tecnoloxía lítica e evolucionismo humano. Colaborador de diversas publicacións, foi autor, entre outras, de Historia do pensamento antropolóxico en Galicia: O discurso sobre a evolución humana, 1859-1976 (1999), Manuel Murguía (2000) e Pablo Iglesias (2001). Recibiu o Premio Puro Cora de xornalismo (1996).

GALICIA

Escritor. Doutor en Filosofía e Letras pola Universidade de Santiago de Compostela (1974), tamén foi profesor nesta universidade. Membro do consello de redacción da revista Anales de la Literatura Española Contemporánea, da University of Nebraska, é experto na obra de A. Buero Vallejo e Valle-Inclán. Publicou El teatro de Buero Vallejo (1974) e La trayectoria dramática de Antonio Buero Vallejo (1982).

GALICIA

Xornalista. Doutor en Ciencias da Información pola Universidad de Navarra, é profesor de xornalismo na Universidad Complutense de Madrid. Colaborador de numerosas revistas e xornais, publicou Historia de una empresa periodística (1980), La televisión dominada (1990) e Una semana sin televisión (1994).

GALICIA

Franciscano. Doutorouse en Teoloxía (1808) en Salamanca. Catedrático en Santiago de Compostela, foi nomeado arquiveiro extraordinario do Arquivo e Biblioteca da Universidade (1812).

GALICIA

Xornalista e escritor. Participou no mundo literario madrileño da época, e colaborou en diferentes xornais e revistas. Da súa obra cómpre salientar Horas trágicas de la historia (1910), Los aventureros del gran mundo (1911), En los campos de batalla e La guerra de las naciones (1915).

GALICIA

Pintor. Coñecido como Xondo, realizou unha obra desde o surrealismo ata a desnaturalización. Destacan entre outras, Elementos e Arca de Noé. Tamén fixo retratos de embaixadores e artistas.

GALICIA

Futbolista. Formado nos equipos da súa vila natal, debutou como xogador en primeira división co Real Club Deportivo de La Coruña na tempada 1951-1952, fichando polo Sevilla C. F. (1957), Granada (1958-1963), Real Oviedo (1963-1964) e Albacete Balompié (1964-1965). En 1967 fíxose cargo da dirección técnica do filial deportivista, o Fabril, e tomou o mando do primeiro equipo do Deportivo mediada a tempada 1970-1971, conseguindo o ascenso a primeira división. Adestrou o Hércules de Alacant, Real Zaragoza, Burgos, Elx e Almería, e regresou ao Deportivo (1982-1985), que militaba na segunda división. Na campaña 1987-1988 dirixiu a S. D. Compostela, e na 1988-1989 asumiu novamente a dirección do Deportivo, que salvou do descenso a segunda división B. Na campaña 1988-1989 conseguiu por vez primeira na historia do club herculino alcanzar as semifinais da Copa do Rei, ascendéndoo a primeira división na tempada seguinte, e rematou a tempada 1992-1993 logrando a primeira clasificación da súa historia...

GALICIA

Bibliotecario e arquiveiro. Participou na Guerra Civil Española xunto aos republicanos e, trala derrota, marchou a Suecia e despois a México. Profesor no Colexio de México (1940), traballou tamén nas universidades de California, Illinois e Wisconsin (1941-1948). Publicou, entre outras obras, Cronistas e historiadores de la conquista de México. El ciclo de Hernán Cortés (1942).