"Mars" (Contén)

1. Relativo ou pertencente a Marsella ou aos seus habitantes.

2. Natural ou habitante de Marsella.

PERSOEIRO

Músico. Coñecido como Jimi Hendrix, formou parte da banda de Little Richard e tocou con Ike e Tina Turner. En 1966 trasladouse a Inglaterra, onde formou o grupo The Jimi Hendrix Experience, xunto con Mitch Mitchell e Noel Redding. Desenvolveu un estilo caracterizado pola fusión do blues cun pop-rock de vangarda. Dos seus discos destacan Are you experienced? (1967), Axis Bold as Love (1967), Electric Ladyland (1968) e Band of Gypsys (1970).

PERSOEIRO

Economista. Foi o fundador da escola neoclásica. Introduciu diversos conceptos, como a elasticidade da demanda, economías internas e externas, e excedente do consumidor, de grande importancia para posteriores estudios económicos. A súa principal obra, Principles of Economics (1890), enlaza, mediante a introdución do factor dos tempos, o estudo dos custos de produción co principio de utilidade marxinal formulada por William S. Jevons, K. Menger e Léon M. E. Walras.

PERSOEIRO

Militar e estadista estadounidense. Foi xefe do Estado Maior Central durante a Segunda Guerra Mundial (1939-1945). Como secretario de Estado (1947-1949) foi responsable do plan de axuda económica a Europa, coñecido como Plan Marshall. Posteriormente foi secretario de Defensa (1950-1951). Recibiu o Premio Nobel da Paz en 1953.

ILLAS

Estado do Pacífico occidental formado por un grupo de illas ao L das illas Carolinas e ao NO das Gilbert (181,3 km2; 53.000 h [estim 2001]). A súa capital é Dalap-Uliga-Darrit, situada no atol de Majuro (33.000 h [2001]).
Xeografía
Comprenden un total de 1.152 illas agrupadas en 34 atois e 870 arrecifes. Está formado por dúas cadeas coralinas: Ratak, ao L, e Ralik, ao O. Ao NL encóntranse os atois de Mili, Majuro, Maloelap, Wotje e Likiep. No SO están Jaluit, Kwajalein, Rongelap, Bikini e Enewetak, entre outros. O clima é caloroso e chuvioso aínda que as illas do N, reciben menos choiva ca os atois situados ao S. Todo o seu territorio está baixo a influencia dos tifóns do Pacífico. As principais actividades econó micas son a pesca e a exportación de copra.
Sociedade e goberno

Diversidade étnica e cultural
Os marshalleses representan a etnia maioritaria (97%), fronte aos filipinos (0,5%) e outros grupos...

1. Relativo ou pertencente ás illas Marshal, aos seus habitantes ou á súa lingua.

2. Natural ou habitante das illas Marshall.

3. Lingua da familia malaio-polinesia do phylum austranesio que se fala nas illas Marshall e en Nauru.

REXIÓNS

Rexión dos Abruzos, Italia, que ten por centro a conca do Fucino, na provincia de L’Aquila. É unha rexión pobre e marxinada. En 1915 comezouse unha reforma agraria.

1. Relativo ou pertencente ás marsiliáceas.

2. Planta da familia das marsiliáceas.

3. Familia de fentos acuáticos que posúen o talo horizontal con follas filiformes ou cuadrifoliadas implantadas no talo pola parte superior, e raíces na inferior.

PERSOEIRO

Teólogo. Adversario da supremacía do papado, escribiu o tratado Defensor pacis, onde defendeu a autonomía e independencia do poder político fronte ás pretensións do papado.

PERSOEIRO

Actor, autor e director teatral. En 1946 debutou no teatro profesional na compañía de Alejandro Ulloa, e pouco despois no cine co filme Mariona Rebull (1947). En 1977 foi nomeado director do Centro Dramático Nacional, e a mediados da década de 1980 fundou a Compañía Nacional de Teatro Clásico. Foi director do Instituto de las Artes Escénicas y la Música (INAEM) do Ministerio de Cultura (1989-1990). Dirixiu obras de autores clásicos e modernos, das que destacan Marat-Sade (1968), Tartufo (1978) e El Misántropo (1997), e tamén de produción propia, como Yo me bajo en la próxima...y usted? (1982) e Tan lejos, tan cerca (1998). Recibiu o Premio Nacional de Interpretación (1960), o Premio Nacional de Teatro (1974), a Medalla de Oro al Mérito en las Bellas Artes (1991) e o galardón de honra dos premios Max de teatro (2000).

PERSOEIRO

Escritor neerlandés. Influído polo expresionismo alemán e máximo responsable da revista De Vrije Bladen (1926), desenvolveu un estilo dunha grande expresividade vitalista. Da súa produción destacan o libro de poemas Paradise Renegained (1927), os ensaios De anatomische les (A lección de anatomía, 1926) e De lamp van Diogenes (A luz de Dióxenes, 1928), e as novelas De dood van Angèle Degroux (A morte de Angèle Degroux, 1933) e Heden ik, morgen gij (Hoxe por min, mañá por ti, 1936), en colaboración con S. Vestdijk.

1. Relativo ou pertencente aos marsos.

2. Individuo do pobo marso.

3. Pobo de Italia Central establecido nos Apeninos. É posible que procederan de Xermania. Sometidos por Roma (308 a C), foron fieis ao Imperio na Segunda Guerra Púnica, pero promoveron unha guerra social (91 a C) xunto cos samnitas.

PERSOEIRO

Dramaturgo inglés. Foi un dos críticos máis agudos da época de W. Shakespeare e organizou varios grupos de teatro de xente nova que lograron moita popularidade. Da súa produción destacan Histrionomastix (1599), onde satirizou a Ben Jonson, e The Malcontent (1604), onde fixo unha crítica dos excesos cometidos nunha corte lasciva.

1. Relativo ou pertencente aos marsupiais.

2. Mamífero da orde dos marsupiais.

3. Orde de mamíferos metaterios que se caracterizan pola presenza nas femias dun marsupio na zona ventral do abdome. Tamén carecen de corpo caloso no cerebro. A súa alimentación pode ser insectívora, herbívora, carnívora e omnívora. Viven en Australia e Nova Guinea, salvo unha familia que vive en zonas concretas de América. Pertencen a esta orde os canguros e os coalas.