"Mur" (Contén)

1. Muro baixo de fortificación que se levanta diante do muro principal para maior defensa das murallas.

2. Porción continua de muralla entre dúas torres.

PERSOEIRO

Político. Abandonou os estudios de teoloxía polos de dereito. Entre 1833 e 1835 foi fiscal da Audiencia de Cáceres. En 1835 creou o Boletín de jurisprudencia. Afiliado ao partido moderado, foi deputado no 1837. Participou en moitos dos gobernos de Narváez, foi ministro de Gracia e Xustiza no 1847 e de Comercio, Instrución e Obras Públicas entre 1847 e 1849, e en 1849 de Finanzas, cargo dende o que intentou nivelar os orzamentos e ordenar a débeda pública. En 1851 presidiu o consello de ministros. Negociou o concordato coa Santa Sé no 1853. En 1852 tentou impoñer unha nova Constitución de orde ultraconservadora, o que motivou a súa saída do goberno. Foi presidente do Congreso en 1858 e senador a partir de 1863.

1. Composto binario de bromo cun elemento menos electronegativo no que o bromo actúa co número de oxidación -1. Os bromuros metálicos, especialmente os alcalinos e os alcalinotérreos, obtéñense por reacción dos hidróxidos ou carbonatos respectivos con ácido bromhídrico. Cómpre destacar os bromuros de sodio e de potasio que se empregan en medicina como tranquilizantes.

2. Denominación vulgar dalgúns derivados do bromo, como o dibromuro de etileno, que, segundo a nomenclatura sistemática, é o 1,2-dibromoetano.

3. Derivado dun ácido carboxílico por substitución dun grupo -OH por un átomo de bromo, conseguida por reacción do tribromuro de fósforo sobre o ácido anhidro ou sobre o seu anhídrido.

4. Substancia empregada para fumigar as sementes co fin de desinfectalas, especialmente as do algodón. Penetra polas vías respiratorias ou polos tegumentos, bloqueando as deshidroxenasas que interveñen na síntese do ATP e rompendo a cadea respiratoria. É moi tóxico para o ser humano.

PERSOEIRO

Filósofo, sociólogo e pedagogo norteamericano. Foi profesor e reitor da Columbia University de Nova York (1901-1945) e presidiu a American Academy of Arts and Letters (1928-1941). Militou no partido republicano e presentouse sen éxito ás eleccións presidenciais de 1912 e 1920. Editou Educational Review (1891), e publicou The Meaning of Education (O sentido da educación, 1898), Education in the United States (Educación nos Estados Unidos, 1910) e The Path to Peace (O camiño cara á paz, 1930). No 1931 concedéuselle o Premio Nobel da Paz.

PERSOEIRO

Biólogo. Licenciado en Farmacia, doutor en Bioloxía e profesor titular na Universidade de Santiago de Compostela. As súas principais obras son Pulmonados desnudos de Galicia (1981), Caracoles terrestres de Galicia (1983) e Babosas de la Península Ibérica y Baleares (1990).

PERSOEIRO

Economista e político mexicano. Presidente do Partido Revolucionario Institucional (PRI) en 1991, foi ministro de Desarrollo Social (1992) e candidato nas eleccións presidenciais de 1994, nas que foi asasinado durante un acto electoral.

PERSOEIRO

Xornalista e escritor. Comezou a carreira de filoloxía románica na Universidade de Santiago de Compostela, estudios que abandonou para ingresar na Escuela de Periodismo de la Iglesia en Madrid. O seu primeiro traballo xornalístico desenvolveuse no Diario SP. Da man de Raimundo García Rodríguez, Borobó, entrou a formar parte da revista Chan como redactor, e ademais, escribiu artigos para o Diario de Noticias Médicas. Posteriormente, colaborou na revista Triunfo e noutras publicacións como Actualidad Económica ou Gaceta Universitaria. Xunto co editor Silverio Cañada, en calidade de director editorial, participou na publicación da Gran Enciclopedia Gallega, que comezou a súa edición en 1974. Traballou no centro da TVE en Galicia e na revista Teima. A partir de 1976 principiou o seu labor como correspondente do xornal El País e como delegado da revista Interviu en Galicia, publicación á que estivo...

GALICIA

Poetisa. Colaborou en diversas revistas e en El Heraldo Gallego. Publicou La letanía lauretana (1878), Penumbras (1880), Romances y cantares (1885), Follatos (1891) e Fe (1911). Foi membro correspondente da Real Academia Galega desde 1907.

PERSOEIRO

Derradeiro rei da rexión irlandesa de Leinster (1126-1171). Unha rebelión interna (1166) obrigouno a buscar a axuda de Inglaterra. En 1168 conseguiu dominar o sueste da illa e Dublín coa colaboración de Richard Strongbow, que o sucedería no goberno de Leinster.