"OCR" (Contén)

Organización feminista constituída en 1977 a partir da Federación de Organizacións Feministas (FOF) e formada por militantes e simpatizantes do Partido del Trabajo de España (PTE). Defendeu unha práctica máis ligada ás reformas sobre a situación existente ca a un cuestionamento de fondo da estrutura patriarcal da sociedade. Disolveuse en 1979.

Sistema político no que o poder do gobernante se considera derivado del mesmo e non recoñece, polo tanto, ningún outro límite á súa actuación. Foi o sistema oficial da monarquía rusa ata o 1917. Sono todas aquelas ditaduras que deixan o poder en mans dun só home.

Relativo ou pertencente á autocracia ou a un autócrata.

Aplícase ao primeiro proceso práctico necesario para a obtención de fotografías a cor, inventado en Francia en 1906 polos irmáns Lumière. Consiste nunha trama de grans de amidón, tinguidos e esparexidos sobre a placa fotográfica, que se expón á luz. Revelada por inversión, pode verse por transparencia.

Relativo ou pertencente ao auxocromo.

Grupo substituínte dunha molécula cromóxena que lle favorece a cor ao variarlle a lonxitude de onda e a intensidade de absorción da rexión de absorción máxima de radiación electromagnética do cromóforo. Os auxocromos inflúen no matiz da cor segundo a súa natureza, o seu número e a súa posición na molécula cromóxena; comunican á substancia propiedades tinguidoiras e convértena de substancia coloreada en colorante.

Xuntanza político-literaria que tivo lugar en Santiago de Compostela a comezos do 1881. O seu protagonista foi Eduardo Pondal coa lectura dunha composición que pouco despois publicou La Ilustración Gallega y Asturiana. Nesta xuntanza non se reiteraba a demanda política e social do brinde do 1856 no Banquete de Conxo, senón que só destacaba o contido ético.

Aplícase ao efecto de desprazamento dunha banda de absorción nunha rexión de lonxitude de onda máis longa, provocado por un auxocromo ao ser introducido nunha molécula.

Tempo transcorrido entre a formación e a extinción dun taxon.

Derivado semisintético da ergocriptina, alcaloide do centeo afectado polo caruncho. Terapeuticamente se emprega para suprimir a secreción láctea e pola súa acción sobre a hormona do crecemento, para o tratamento da acromegalia e da enfermidade de Parkinson.

Relativo ou pertencente á burocracia.

Influencia abusiva no funcionamento dun estado por parte da burocracia.

Candidatura presentada conxuntamente polo Partido Socialista Galego (PSG), o Partido Socialista Obrero Español (PSOE), o Partido Comunista Galego (PCG), o Partido Popular Galego (PPG) e o Movemento Comunista de Galicia (MCG) para o Senado nas eleccións de 1977.