"Tsu" (Contén)

PERSOEIRO

Compositor. Formouse en Xapón e en Praga con Čerepnin. Foi presidente da sección xaponesa da Sociedade Internacional de Música Contemporánea (1956-1960). Nas súas composicións, das que destacan Canto de amor (1954), para soprano; U-mai (1959) e Bugaku (1962), para orquestra; e Rapsodia sobre un tema gagaku (1983), para orquestra de cámara, conxugou a tradición xaponesa coa técnica serial.

CIDADES

Cidade do ken de Chiba, na illa de Honshū, Xapón (461.126 h [1997]). Está situada no centro da illa, 17 km ao NL de Toquio.

CIDADES

Cidade da illa de Honshū, Xapón, situada preto do mar de Xapón (143.586 h [1991]).

CIDADES

Cidade da perfectura de Nagano, situada na illa de Honshū, Xapón, ao S de Ueda (206.801 h [1997]).

PERSOEIRO

Político xaponés. Foi ministro de Asuntos Exteriores, e negociou o Pacto Tripartito con Alemaña e Italia (1940) e o Pacto de Non-agresión coa URSS (1941). Foi detido e aprisionado por EE ; UU como criminal de guerra e morreu en prisión antes do xuízo.

ARQUIPELAGOS

Arquipélago de Xapón, composto por 249 illas, que se situa na baía de Sendai, na illa de Honshū.

PERSOEIRO

Xurista e economista. Foi director xeral da Oficina de Cooperación Económica do Ministerio de Asuntos Exteriores (1988) e da Oficina de Asuntos Estadounidenses do Ministerio de Relacións Exteriores (1990). Foi embaixador de Xapón en Francia desde 1994, presidiu o comité do Patrimonio Mundial da UNESCO (1999) e foi elixido director xeral da UNESCO en 1999 por un período de seis anos.

CAPITAIS

Capital do ken de Ehime, situada ao NO da illa Shikoku, Xapón (466.133 h [1997]). É un importante centro comercial con industrias mecánicas, químicas, papeleiras e sobre todo téxtiles. Posúe unha refinería de petróleo.

CIDADES

Cidade do ken de Mie,   situada na illa de Honshū, Xapón, na badía de Ise (119.191 h [1991]). É unha antiga cidade feudal e centro comercial, e destaca o porto como exportador de produtos agrícolas da chaira de Ise-wan.

PERSOEIRO

Pintor neerlandés. Pertenceu á escola de Leiden e trasladouse a Amsterdam en 1657. Discípulo de Gerrit Dou, a súa arte afastouse do concepto sobrio do inspirador da escola, Rembrandt, e pintou de xeito sentimental, con pinceladas de trazo amplo. Realizou temas de historia, retratos, bodegóns e escenas costumistas. Pintou O almorzo, Muller lendo unha carta e O galo morto (1650).

1. Relativo ou pertencente aos mitsukurínidos.

2. Peixe da familia dos mitsukurínidos.

3. Familia de peixes condritios, da orde dos lamniformes, que se caraterizan por presentar un fociño longo, a aleta caudal moi longa e a segunda aleta dorsal e a anal moi desenvolvidas. Viven en augas profundas de mares tropicais e temperados. O único representante vivo desta familia é Mitsukurina owstoni.

PERSOEIRO

Escritor xaponés. Coñecido co pseudónimo de Bashō, foi un dos escritores que máis axudou na modernización do haikai xaponés. O éxito do seu primeiro libro, Kaiōi (1672), levouno a instalarse en Toquio, onde tivo numerosos discípulos. En 1684 realizou diversas peregrinacións, que constituíron a base do diario Nozarashi Kiko (1685) e de numerosas antoloxías de haikais. Tamén destaca a súa obra Oku no Hosomichi (O estreito camiño a través do norte profundo, 1694).

PERSOEIRO

Novelista. Colaborador habitual do xornal Bungei Shunju, foi director do Museo da Literatura de Kamakura (1985-1990). É autor de Kuroi Gohan (O arroz negro, 1923), Su no naka (Ata o niño, 1934), Tebukuro no Katappo (Unha soa luva, 1943), Osagiri (Orballo, 1949) Aodensha (O tren azul, 1950) ou Kaze futatabi (De novo o vento, 1951).

CAPITAIS

Capital do ken de Shiga, na illa de Honshū, Xapón, situada na costa meridional do lago Biwa-ko (282.070 h [2000]). A súa economía baséase na industria téxtil e de maquinaria. É un centro turístico.