"lus" (Contén)

Segundo nivel e Idade do Mioceno Superior mariño situado sobre o Tortoniense e baixo o Plioceno Inferior. O estratotipo atópase nas proximidades de Carmona e ao N de Villanueva del Río (Sevilla) ( Mesiniense).

Oración que se reza á mañá, ao mediodía e á tardiña en conmemoración do misterio da Encarnación, que comeza coas palabras “ángelus domini”.

Pintura (1858-1859) do francés Jean-François Millet (Musée du Louvre). Representa unha parella de campesiños facendo un descanso no traballo para rezar o ángelus. Tivo unha gran popularidade e influíu na obra de Dalí.

Anexión de Austria ao Terceiro Reich alemán (13.3.1938). A unión fora proposta por primeira vez polo Partido Socialista Austríaco ao final da Primeira Guerra Mundial. A ascensión de Hitler ao poder en Alemaña fortaleceu as milicias fascistas austríacas de Seyss-Inquart, partidarias da anexión, sobre todo despois do esmagamento dos socialistas en febreiro de 1934. En marzo de 1938 as tropas alemanas invaden Austria e proclámase a anexión, ratificada en abril por plebiscito.

Inciso composto dunha ou varias palabras. Na retórica latina tamén se denomina caesum, incisum e particula.

Xénero de crustáceos ao que pertence o aselo.

Celébranse por iniciativa da Academia Galega, co obxectivo de reflexionar sobre a comunidade de cultura entre Galicia e Portugal. A primeira tivo lugar en Braga, os días 29 e 30 de outubro de 1955; a segunda na Coruña, os días 14, 15 e 16 de agosto de 1961. Destas asembleas obteranse unhas corenta ponencias sobre lingua, historia, folclore, etnografía e literatura comúns, publicadas posteriormente pola Academia, no ano 1967.

Xénero de moscas da familia dos asílidos.

Xénero de mofos da subdivisión ascomicotina, de coloración diversa, con conidióforos de extremo globuloso, cuberto de fiálides que producen rosarios de conidiósporas. Abundan sobre materias orgánicas en descomposición e son produtores de aflatoxinas. Hainos que son parasitos de animais como o A. fumigatus, causante da asperxilose. Outras especies úsanse na elaboración de bebidas alcólicas a base de arroz como o sake, na produción de salsa de soia e na industria queixeira. Pola facilidade do seu cultivo puro e do seu ciclo de vida curto empregáronse como material en investigación xenética.

Xénero de herbas perennes da familia das liliáceas ao que pertence a abrótega.

Institución creada en 1982 en Pontevedra (A Seca) e, en 1991, en Braga. Legalizada no Estado español (20.7.1983) e portugués (8.8.1991) está presidida por Jose Luis Fontenla (Galicia) e Mª Rosa da Rocha Valente (Braga), contando ademais cos codirectores Antonio Gil Hernández (Galicia), Cristrina Mello (O Brasil) e J. L. Pires Laranjeira (PALOP). O seu obxectivo é a defensa da Lusofonía e a promoción da lingua portuguesa en Galicia, O Brasil, nos Palop (Países Africanos de Lingua Oficial Portuguesa), Timor, etc. Esta asociación organiza congresos sobre lingua, cultura e literatura dos pobos lusófonos; defende o Acordo Ortográfico de 1990 que unifica as variantes galega, portuguesa e brasileira dentro do diasistema portugués e promove o intercambio cultural e científico entre os países de lingua portuguesa, tendo colaboradores nas principais universidades galegas, portuguesas, brasileiras ou africanas, así como nas de San Petersburgo, Nova York, Utrecth, Hamburgo, Kyóto, etc. Baixo o nome...

Xénero de herbas da familia das fabáceas, de follas case sempre imparipinnadas e flores, azuladas ou amareladas, agrupadas en glomérulos ou acios. Comprende un gran número de especies, principalmente asiáticas e mediterráneas, das que máis de corenta son propias da Península Ibérica. No sueste de Galicia está presente A. glycyphyllos.

Xénero de bacterias, da familia das baciláceas, xeralmente Gram-positivas (aínda que en cultivos vellos o carácter Gram pode variar), en forma de bastonciño, móbiles con flaxelos perítricos, capaces de formar endosporas, que poden ser aerobias estritas ou aerobias facultativas. O máis patóxeno para o home e para os animais é o B. anthracis, o axente causante do ántrax. Hai bacilos patóxenos para os insectos que son utilizados na formulación de bioinsecticidas, como o B. thurigiensis var israelensis, de grande eficacia contra larvas de mosquito, e o B. thuringiensis var kurstaki, eficaz contra larvas de lepidópteros. Algunhas especies son produtoras de antibióticos como a bacitracina, a polimixina, a tirocidina, a gramicidina e a circulina.

Xénero de insectos pau da familia dos fásmidos. En Europa pódese atopar a especie B. rossii, de ata 90 mm de lonxitude, áptera e de cor verde, que se reproduce principalmente por partenoxénese, propia de matogueiras mediterráneas do sur do continente.

Produción francesa dirixida por Jean Delannoy e interpretada por Jean Gabin, Micheline Presle, Jean Desailly e Blanchette Brunoy. Este filme reflicte a historia dun barón arruinado, heroe da Primeira Guerra Mundial, que dedica o seu tempo ao xogo. Un golpe de fortuna fará que gañe un iate e un millón de francos. Baseada nunha novela de G. Simenon.

Xénero de fungos da clase dos zigomicetos, de micelio septado que ao longo do seu ciclo se desenvolve en excrementos de anfibios ou réptiles, e logo sobre coleópteros coprófagos.

Nome co que foi coñecido o doceavo batallón lixeiro da milicia urbana de Barcelona, formado en 1835 e integrado por obreiros de tendencias republicanas. Distinguiuse nas revoltas de 1836 e 1837.