"trona" (Contén)

Relativo ou pertencente á matrona.

Radical de fórmula ã C=N(O)R.

Serie de cadernos editados en Lugo a partir de 1904. Subtituláronse “Boletín de la coronación canónica de Nuestra Señora de los Ojos Grandes”. No seu interior incluíron información sobre o certame literario e musical celebrado en honra da patroa de Lugo e todos os documentos e traballos relativos á coroación da Virxe. Imprimíronse nos obradoiros tipográficos de La Minerva, propiedade de Xerardo Castro.

Agrupación cultural creada en Montevideo o 8 de xuño de 1964, a iniciativa de Xosé Cancela Freixo. Tivo como finalidade o achegamento da colectividade galega ao pobo uruguaio e o espallamento da cultura galega en todas as súas expresións. Das súas iniciativas destacaron a creación da Escuela Galicia, a edición de libros e publicacións en galego -xunto a unha biblioteca con máis de 10.000 exemplares-, a creación do Día da Poesía Galega e o galardón Vieira de Prata, concedido cada ano a unha persoa ou institución que traballase a favor dos fins da agrupación. Tamén se fixeron cargo do programa radiofónico Sempre en Galicia e da publicación do boletín cultural Guieiro.

Boletín de carácter benéfico publicado na Coruña a partir de xullo de 1959. Cunha periodicidade mensual nos seus inicios, co tempo pasou a editarse cada dous meses. Recolleu os gastos, ingresos e balances económicos produto das doazóns.

Institución fundada na Coruña en 1903 polas Escuelas Populares Gratuítas, baixo a presidencia de Alfredo Bermúdez de Castro. As súas actividades abarcaron os campos relixioso, instrutivo, económico e recreativo, e dirixíronse tanto ao persoal da clase obreira, como a membros da burguesía e da nobreza. Os seus fins eran a protección dos obreiros cunha base relixiosa católica, e abranguían actividades culturais e recreativas. Desapareceu na década de 1920.

Fundación cultural privada de interese galego fundada en 1964 por Avelino Abuín de Tembra e Maximino Rodríguez Buján, baixo a presidencia de Octavio Sanmartín Rodríguez. Os seus obxectivos dirixíronse a premiar as personalidades que destacaran polas súas achegas á cultura galega, polo que anualmente entregan o galardón do Pedrón de Ouro e o Pergamiño de Honra e Loubanza, que se outorgan en Padrón.

Fundación constituída en Santiago de Compostela o 15 de novembro de 1947 por prestixiosos intelectuais e galeguistas, como Manuel Beiras García, Fermín Bouza Brey, Felipe R. Cordero Carrete, Xesús Ferro Couselo, Antonio Fraguas Fraguas, Manuel Gómez Román, Aquilino Iglesia Alvariño, Luís Iglesias Iglesias, Xaime Isla Couto, Xosé Mosquera Pérez, Ramón Otero Pedrayo, Paulino Pedret Casado e Xose Villar Granjel, que nomearon presidente a Luís Iglesias Iglesias, daquela reitor da Universidade de Santiago de Compostela. Os seus obxectivos eran adquirir a casa onde Rosalía de Castro viviu os seus últimos anos e cuidar do seu mausoleo, co compromiso engadido de celebrar anualmente as conmemoracións do seu nacemento e a súa morte. As misas por Rosalía, que se celebraban cada 25 de xullo, convertéronse durante o Franquismo nun acto público en que se consentía o emprego do galego e as reivindicacións nacionalistas. En 1951 accedeu á presidencia Xoán Gil Armada, e sucedérono Xosé Mosquera Perez (1961-1965)...

Cadeira de brazos, ampla e cómoda.

Carbonato ácido de sodio, de fórmula Na3H(CO3)2·2H2O, que cristaliza no sistema monoclínico en cristais tabulares ou prismáticos. É incoloro, branco ou amarelado e ten unha dureza de 2,5 e unha densidade de 2,17.

Asentamento situado en Pías (Ponteareas). Foi escavado por F. López Cuevillas e Pericot (1927, 1930 e 1950) e por J. M. Hidalgo Cuñarro (1981 e 1989). O seu período de habitación estendeuse entre os ss VI e V a C e finais do s I. Ten unha planta elíptica ou oval, defendida por dúas liñas de muralla e un foso no sector L. As cabanas, de forma circular, elíptica e cadrada, construíronse con materiais vexetais e xabre, e con pedra as máis recentes. Probablemente tiña dúas entradas: unha ao L e outra ao O. Os restos de enxoval atopados son de cerámica autóctona decorada, ánforas romanas e muíños circulares e planos, alisadores e obxectos metálicos como fíbulas, aneis, alfinetes, pendentes, contas de colar e moedas romanas. Descubriuse tamén un gravado rupestre cunha serpe.