"cc" (Contén)

PERSOEIRO

Escultor. Estudiou na academia de arte da súa localidade natal e en 1943 conseguiu unha bolsa da École des Beaux-Arts de París. Empezou a traballar co metal e, a partir de 1954, utilizou materiais de refugallo e instrumental industrial para a construción mesturada de masas integradas no espacio, como insectos e homes alados de formas agresivas, cheas de vitalidade e cunha gran forza plástica: L’ homme de Saint-Denis (O home de Saint-Denis, 1958) e Relleu (1961). Despois continuou coa liña do novo realismo que cultivara na súa primeira época. En 1975 deseñou a estatua dos César, premios da cinematografía francesa. En 1976 foi nomeado cabaleiro de honor da Lexión Francesa.

CIDADES

Cidade da provincia de Roma, no Lazio, Italia, á beira do Mar Tirreno (51.008 h [1998]). O porto realiza o aprovisionamento de Roma e é o punto principal de enlace con Sardeña. As principais actividades económicas están relacionadas co sector metalúrxico e químico. A cidade romana, coñecida como Centum Cellae, cobrou importancia coa inutilización do porto de Ostia e a construción doutro novo por orde de Traxano. Destruída polos ostrogodos, ocupárona os bizantinos (533) e os árabes (828). Estivo sometida a diversos señores feudais ata que se converteu no principal porto dos Estados Pontificios (1431). Urbano VIII levantou as fortificacións e Inocencio XII declarouna porto franco. Foi ocupada polos franceses durante o s XIX ata o 1870.

1. Procedemento violento co que se obriga a alguén a facer ou dicir algunha cousa.

2. Forza lexítima vinculada ao dereito, que permite o seu exercicio contra a oposición inxusta ou permite esixir o cumprimento das obrigas. Maniféstase esencialmente na execución de sentencias e nas funcións policiais.

3. Delito contra a liberdade da persoa que consiste en empregar, sen estar lexitimamente autorizado, violencia material ou moral sobre outro para obrigalo a facer o que non quere ou para impedirlle facer o que a lei non prohibe.

4. Influencia que un grupo exerce sobre os membros do seu ámbito social e tamén sobre o seu propio grupo, para que se someta ás leis e normas do grupo e para impedir que vaia contra a moral, os intereses ou o seu xeito de vida. Para Durkheim, a coacción é unha característica definitoria do feito social.

PERSOEIRO

Folclorista italiano. Profesor de historia das tradicións populares e de etnoloxía na Universidade de Palermo. Da súa produción destaca Storia dell folklore in Europa (Historia do folclore en Europa, 1952).

1. Relativo ou pertencente aos coccidios.

2. Protozoo da orde dos coccidios.

3. Subclase de protozoos apicomplexos da clase dos esporozoos, integrada por individuos pequenos, parasitos de invertebrados e vertebrados. Presentan un ciclo biolóxico moi complexo, no que hai formas móbiles e formas inmóbiles. Poden causar doenzas graves, como paludismo no ser humano e coccidiose nos animais domésticos.

1. Relativo ou pertencente aos cóccidos.

2. Insecto da familia dos cóccidos.

3. Familia de insectos homópteros á que pertencen as cochinillas.