"An" (Contén)

PERSOEIRO

Anacoreta. Fillo dun rei de Persia, algunhas fontes fano rei de Hungría. Viviu durante sesenta anos nunha cova e alimentouse só de dátiles. A tradición atribuíulle o tecido dunha túnica feita con follas de palmeira. Represéntase como un home vello e nú, cuberto coa súa barba e como atributos porta un caxato, unha palmeira, un cranio e, ás veces, unha coroa tirada no chan, alusión á súa orixe real. A súa festividade celébrase o 12 de xuño.

MONTAÑA

Montaña situada no centro-oeste da illa de Honshū, Xapón (3.063 m). É a segunda montaña sagrada do país, despois do Fuji-san.

PERSOEIRO

Astrónomo neerlandés. En 1924 ingresou no Observatorio Astronómico de Leiden e en 1935 converteuse no seu director ata 1970. Presidente da Unión Astronómica Internacional (1958-1961), dedicouse ao estudo e distribución das galaxias, especialmente da Vía Láctea, da que descubriu e determinou a rotación diferencial (1927), así como as características da súa estrutura espiral (1952). En 1950 propuxo a teoría sobre a orixe dos cometas, na que expón que os cometas se orixinan nunha nube de corpos xeados (nube de Oort) que xira ao redor do Sol e que está formada por restos da nube de gas e po primitiva.

PERSOEIRO

Bioquímico. Estudou a formación das primeiras moléculas orgánicas a partir dos compoñentes inorgánicos dunha atmosfera primixenia, baixo a influencia dos raios ultravioletas do Sol. Das súas obras destacan A orixe da vida (1924) e A orixe química da vida (1965).

1. Relativo ou pertencente aos opistobranquios.

2. Molusco da subclase dos opistobranquios.

3. Subclase de moluscos, da clase dos gasterópodos, que se caracterizan por unha distorsión parcial do saco visceral que ten como obxectivo desfacer a espiralización primitiva. A maioría non teñen cuncha, ou é moi fina e está recuberta polo manto, e adoitan ser mariños, bentónicos litorais, aínda que hai algúns peláxicos. Existen formas herbívoras e depredadoras.

1. Punto craniométrico saxital que se sitúa no punto máis sobresaínte do occipital cara a atrás.

2. Punto somático saxital que se sitúa no punto máis sobresaínte do occipital. É o punto máis afastado da glabela.

PERSOEIRO

Realizador cinematográfico alemán. Coñecido como Max Ophüls, os seus filmes reflicten un grande interese por diversos aspectos do romanticismo alemán e mostran unha técnica pictórica case barroca. Dirixiu Liebelei (Amoríos, 1933), La signora di tutti (1934), Werther (1938), Letter From an Unknown Woman (1948), La ronde (1950), Madame de... (1953) e Lola Montès (1955). Recibiu un premio honorario en Berlín polo conxunto da súa carreira (1966).

PERSOEIRO

Físico. Foi un dos pioneiros da investigación nuclear e do estudo dos raios cósmicos. Traballou no proxecto Manhattan - a fabricación da primeira bomba atómica estadounidense- que foi dirixido polo seu irmán, Julius Robert Oppenheimer.

PERSOEIRO

Economista e sociólogo. Interesouse pola análise do cambio social, que explicou mediante modelos dinámicos, e foi o introdutor do socialismo liberal. Escribiu Die Siedlungsgenossenschaft: Versuch einer positiven Überwindung des Kommunismus durch Lösung des Genossenschaftsproblems und der Agrarfrage (A cooperativa agraria: ensaio dunha superación positiva do comunismo mediante a solución do problema cooperativo e da cuestión agraria, 1896) e System der Soziologie (Sistema da socioloxía, 1922-1935).