"Est" (Contén)

Aplícase ao relevo en que a estrutura é a base das formas actuais. Diferéncianse diversos tipos de relevo estrutural como o aclínico, o monoclinal, o dobrado, o fallado e o apalachense, onde prima o criterio da tectónica; e o volcánico, o granítico e o cárstico, onde prima o criterio litolóxico.

Festival de Teatro organizado pola Agrupación Cultural Xiria en Cangas do Morrazo desde 1984. Contou na súa dirección coa colaboración de Henrique Harguindey, Xosé Manuel Pazos, Casilda García e María Xosé Mariño. Desde o primeiro momento, os organizadores prestaron especial atención a espectáculos do exterior que dificilmente se podían ver en Galicia, e así pasaron pola Mostra compañías e intérpretes como Teatro de la Danza, Cambaleo, Trapu Zaharra, Teloncillo, A Barraca, Ángel Paulovski, Colombaioni ou Geroa, ademais de colectivos galegos. Tamén se organizaron debates, cursos e outras actividades como exposicións, conferencias e presentacións de revistas e libros, xunto coa organización en 1997, 1998 e 1999, das tres edicións dos Encontros de Reflexión do Teatro de Galicia e o Norte de Portugal (Teatragal).

Aplícase ao televisor capaz de recibir imaxes de diferentes características, como son o número de liñas, a banda, a modulación ou a sincronización.

Museo situado na casa de turismo rural A Rectoral de Artes (Ribeira). Naceu pola iniciativa do seu propietario Javier Expósito para mostrar a súa colección particular. Mostra gravados de autores desde o s XV ata a actualidade. Xestionado pola Fundación do Museo do Gravado e da Estampa Dixital de Artes, entre os seus obxectivos atópase o de actuar como centro de promoción das técnicas dixitais aplicadas á estampa.

Museo municipal da Estrada fundado por Manuel Reimóndez Portela. Centra as súas actividades na custodia, exposición e estudo dos restos históricos, artísticos e etnográficos que proceden do concello da Estrada, entre outros os procedentes do vello laboratorio municipal. Dedica unha sección etnográfica aos oficios e incluso expón unha aula de clase tradicional. Entre as súas iniciativas destaca a elaboración dun arquivo fotográfico relacionado coa historia do concello cunha especial atención á emigración. Edita o anuario Miscelánea histórica e cultural.

Museo de titularidade estatal situado en Santillana del Mar (Cantabria). A súa primeira apertura tivo lugar en 1979, co obxecto de coordinar os estudos da Dirección General de Patrimonio Artístico. En 2001 construíuse unha nova instalación e reabriuse. A súa creación respondeu ao interese pola conservación, investigación e difusión da Cueva de Altamira e da Prehistoria en xeral. Articúlase en dúas grandes áreas: a reconstrución en tamaño orixinal da Cueva de Altamira, e varias salas de exposicións cos restos atopados no interior da cova e en que se recrean os tempos de Altamira.

Brazo de mar situado na zona ártica de Canadá, entre a illa do Príncipe Patrick e a de Melville, ao N, e a de Banks ao S.

Libro de poemas de Ramón Cabanillas que apareceu en 1926 co subtítulo de “Sagas de R. Cabanillas. Dibuxos de Castelao”, editado por Lar. Está composto por tres sagas tituladas “A espada Escalibor” e “O cabaleiro do Sant Grial”, que xa se publicaran anteriormente por separado en varias publicacións da época, e “O sono do Rei Artur”. A través da súa poesía narrativa trata da lendaria corte artúrica e da busca do Santo Graal, polo que se encadra na tradición da orixe céltica do pobo galego e da súa dignificación a través do mito. Nos poemas, ademais das referencias á materia de Bretaña, é constante a presenza de elementos pondalianos e ossiánicos, algúns deles relacionados coa relixión dos druídas e outros ligados á cultura celta, na procura dun sincretismo entre os mundos celta, artúrico e galego. No relativo ás súas características, trátase duns versos provistos dun léxico, dunha fraseoloxía e dun gran número de adxectivos, propios da escola modernista. Ademais, cómpre salientar o emprego...

Institución financeira británica constituída en 1968 pola fusión do National Provincial Bank (1883) e o Westminster Bank (1843), ambos os dous bancos resultado doutros procesos de concentración.

Proba biolóxica para o diagnóstico da sífilis.

Partido fundado por Habib ibn Alí Bourguiba en 1934 froito da división e reorganización do Destour. Encabezou a loita contra os franceses. Recibiu a axuda dos grupos de esquerda franceses e entrou en contacto cos nacionalistas de Marrocos e Arxelia. Foi ilegalizado en 1938 e, tras a proclamación da independencia (1956), loitou en favor da república. En 1964 transformouse no Parti Socialiste Destourien (PSD), único partido legal ata 1981.

Relativo ou pertencente ao Novo Testamento.

Forma contracta que agrupa a preposición en + o demostrativo este(s), esta(s).