"RG" (Contén)

PERSOEIRO

Relixioso. Bispo de Lima, reuniu numerosos sínodos para promover a vida relixiosa no vicerreinado e defendeu os dereitos da Igrexa. Iconograficamente represéntase con capa, mitra e palio (arcebispo) e cun indio aos pés, como atributo persoal. A súa festividade celébrase o 23 de marzo.

PERSOEIRO

Relixioso. Bispo de Astorga, combateu a idolatría e o priscilianismo. A finais do s IX trasladouse ao mosteiro cántabro de San Martiño de Turieno, que modificou o seu nome polo de Toribio de Liébana. Iconograficamente represéntase con pontifical (por ser bispo) e cunhas ascuas acesas como atributo persoal, como recordo de que as levou no roquete sen se queimar para librarse dunha acusación de crime; nalgunhas estampas aparece pisando herexes e priscilianistas. A súa festividade celébrase o 16 de abril.

MUNICIPIOS

Municipio situado na provincia de Cáceres, Extremadura (1.609 h [2001]). A súa economía baséase na gandaría lanar e no cultivo de cereais.

PERSOEIRO

Poeta austríaco. Publicou a maior parte da súa obra, de carácter expresionista, na revista Der Brenner. Destaca Sebastian in Traum (Sebastián no soño, 1915).

PARROQUIA

Parroquia do concello de Guitiriz baixo a advocación de Santiago.

FILOSOFOS

Filósofo alemán. Discípulo de Hegel, reaccionou contra o idealismo e contra o método dialéctico defendido por aquel. Inspirándose na idea aristotélica da finalidade cósmica, elaborou un sistema propio, que expuxo en Logische Untersuchungen (Investigacións lóxicas, 1840), segundo o que, tanto o mundo como a sociedade son organismos e funcionan como tales. Moitos dos seus traballos foron recollidos en Historische Beiträge zur Philosophie (Contribución histórica á filosofía, 1847-1867).

PERSOEIRO

Economista e político. Licenciado en Ciencias Económicas e doutor en Dereito, fundou Esquerra Democrática de Catalunya (1974), que se fusionou con Convergència Democràtica de Catalunya. Foi conselleiro de Economía e Finanzas da Generalitat de Catalunya (1980-1982), deputado (1977-1986) e senador (1986-1988). Escribiu, entre outras obras, La balanza de pagos interior (1960), Entre el capitalismo y el comunismo, un tercer camino? (1963), El sistema financiero español (1970) e Nacionalisme i llibertat (1979)

PERSOEIRO

Escritor. Protexido polos papas León X e Clemente XII, erixiuse en árbitro de todas as cuestións literarias, e na súa Arte Poetica (1529-1562) estableceu con modelos aristotélicos unha ríxida normativa, que aplicou a toda a súa obra.

PERSOEIRO

Etnólogo e lingüista. Profesor na Universidade de Moscova (1915) e de Viena (1922), participou activamente nas tarefas do Círculo Lingüístico de Praga, onde se converteu nunha das figuras vangardistas da fonoloxía. En colaboración con Jakobson e Karcevski, redactou as teses, básicas para a fonoloxía, presentadas no Primeiro Congreso de Lingüistas da Haia (1928). Especialista en linguas eslavas, ugrofinesas e caucásicas, publicou Descrición fonolóxica da lingua rusa (1934) e Grudzüge der Phonologie (Principios da fonoloxía), publicado postumamente en 1939.

PERSOEIRO

Escritor ruso. Comezou na tradición posrromántica, pero consolidouse como escritor dentro dunha liña realista. O relato “Khor e Kalinyč”, o primeiro da serie Zapiski okhotnika (Apuntamentos dun cazador, 1852) iniciou un tipo de literatura sobre as condicións de vida do pobo ruso e o seu carácter nacional. Cultivou tamén o teatro, pero sobresaíu especialmente na novela e no relato. Destacan Dnevnik lišnego (Diario dun home superfluo, 1850), Mumu (1854), Rudin (1856), Dvor’anskoje gnedo (Niñada de xentilhomes, 1860), Nakanune (A vixilia, 1862), Otcy i deti (Pais e fillos, 1862), Dym (O fume, 1867) e Nov’ (Terra virxe, 1876).

PERSOEIRO

Economista, barón de Aulne. Recibiu a influencia dos fisiócratas e foi funcionario da administración francesa durante os reinados de Luís XV e Luís XVI. Foi ministro da Mariña, inspector xeral de finanzas e comercio e comisario de obras públicas (1774-1776). Estableceu a liberdade de comercio interior dos cereais, mellorou a situación da facenda e as finanzas do estado e suprimiu os gremios. Escribiu Réflexions sur la formation et la distribution des richesses (1766), o primeiro tratado sobre o valor e a distribución.