"An" (Contén)

Mamífero que pertence aos xéneros Manis e Phataginus, da familia dos mánidos e que presenta a cabeza, o lombo, a cola e a cara externa das patas recubertos de escamas epidérmicas colocadas a xeito de tellas. A cabeza é pequena e a lingua longa, estreita e protráctil, coa que captura formigas e térmites, e carece de orellas e de dentes. É un animal lento, con potentes garras nas patas anteriores e que se despraza sobre as patas traseiras empregando a cola como contrapeso e pode envolverse sobre si mesmo formando unha bóla. Comprende 7 especies de distribución africana (zona tropical) e asiática (zona suroriental).

Empresa francesa dedicada á fabricación de automóbiles e vehículos militares, unha das máis antigas e importantes de Europa. Foi fundada polos enxeñeiros René Panhard e Emile Levassor en 1889. Fabricou o seu primeiro automóbil en 1891 e foi absorbida por Citroën en 1965.

Movemento político grego que, despois da Guerra de Independencia (1829), pretendía estender o dominio territorial grego ás antigas colonias de Asia Menor e da rexión balcánica. Este propósito converteuse nunha realidade ao rematar a Primeira Guerra Mundial durante o goberno de E. Venizelos, pero a resposta de Turquía provocou a derrota grega en 1922. Ao ano seguinte o Tratado de Lausanne puxo fin aos anhelos panhelenistas.

Síndrome fisiopatolóxica que se caracteriza por un conxunto de signos e síntomas que revelan o fracaso na secreción das hormonas elaboradas na adenohipófise, con atrofia e hipofunción consecutiva das glándulas endócrinas que están baixo a súa influencia. As súas causas máis importantes son a necrose isquémica hipofisaria por shock hemorráxico posterior ao parto e a destrución hipofisaria producida por tumores cromófobos, por craniofarinxiomas, por granulomas infecciosos e por traumatismos craniais. OBS: Tamén se denomina enfermidade de Simmonds ou síndrome de Sheehan.

  cincografía.

Inflorescencia composta en forma de acio, que está constituída por un eixe con ramas que se ramifican de novo en acios.

Que está disposto en panícula.

Relativo ou pertencente á panícula.

Que é semellante a unha panícula.

Tecido adiposo que se acumula no conxuntivo subcutáneo. Ten unha grande importancia como illante e como reserva. Nalgúns animais (mamíferos mariños, por exemplo) está especialmente desenvolvido.

Xénero de plantas herbáceas, anuais ou perennes, da familia das poáceas, que presentan rizoma e talo ergueito, follas dísticas, planas e cunha lígula membranosa, e inflorescencia disposta en panícula con dúas flores. En Galicia está presente en solos húmidos e areosos, especialmente preto do mar a especie P. repens.

panificable.

Que pode ser panificado.

Conxunto de procesos físicos, químicos e bioquímicos que teñen lugar na transformación en pan dunha mestura de fariña, auga, sal e lévedo, e en determinados casos outros ingredientes, cando é sometida a unha combinación de traballo mecánico e repouso, a unha temperatura de 25-27°C e durante un tempo previsto, ata a saída do forno ao rematar a súa cocción. Tras deixar fermentar a masa comeza a división, a amasadura e a formación das pezas. Cando estas están xa maduras e ben esponxosas entran no forno, a uns 230-250°C, segundo o tipo de pan. Sucesivamente, e mentres se expande o gas carbónico producido pola fermentación, morre o lévedo, xelatiniza o amidón, destrúense os enzimas, coagulan as proteínas e queda fixada definitivamente a textura do miolo, sen que chegue a exceder os 100°C. O vapor de auga inxectado no forno no momento oportuno axuda ao dextrinado da superficie do pan e á reacción de Maillard entre os azucres e as proteínas, o que dá lugar á cor dourada da codia. Ao cabo de 30-40...

Conxunto de instalacións totalmente mecanizadas que se destinan á fabricación de pan en grandes cantidades.