"An" (Contén)

GALICIA

Enxeñeiro e político. Foi decano do colexio de Enxeñeiros de Camiños, Canais e Portos (1988-1996 e desde 2000) e presidente da Autoridade Portuaria da Coruña (1982 e 1996-1999). Presidiu o Partido Demócrata Liberal en Galicia e foi membro do comité executivo nacional (1982-1989). Foi deputado no Parlamento de Galicia por Coalición Popular (1985-1989) e conselleiro de Pesca, Marisqueo e Cultivos Mariños (1986-1987).

GALICIA

Relixioso. Foi cóengo, coa dignidade de cardeal, da catedral de Santiago de Compostela, onde tamén exerceu como fabriqueiro, capelán maior e xuíz privativo eclesiástico do Hospital Real e reitor da Universidade de Santiago de Compostela. Foi un dos fundadores da Real Sociedad Económica Amigos del País de Santiago de Compostela e das escolas de Artes e Oficios e Debuxo (1784) e restaurou o antigo Colexio de Fonseca. Carlos III presentouno para o bispado de Lugo en 1785, aínda que morreu antes de tomar posesión.

IGREXAS

Igrexa parroquial situada en Val do Dubra. Realizada en granito durante o s XIII, ten unha nave e ábsida rectangulares. Destaca a ventá da cabeceira, de estilo románico e enmarcada por un arco de medio punto, cunha arquivolta axadrezada, e dúas columnas con capiteis vexetais. A sancristía, pegada ao muro meridional, é da época da restauración da igrexa (1646).

RIOS

Río de América do Sur, que en parte sinala o límite entre Brasil e Paraguay, e entre Paraguay e Arxentina. Fórmase pola unión dos ríos Grande e Paranaíba, que se orixinan no altiplano de Brasil. No tramo brasileiro presenta as características dun río de altiplano, con dúas series de cataratas: o salto do Urubupungá e o salto de Sete Quedas. Os afluentes pola esquerda (Tietê, Paranapanema, Ivaí, Iguaçú) presentan tamén numerosas cataratas, das que destacan as do Iguaçú. En Corrientes, recibe as augas do seu grande afluente, o Paraguay. Entre Santa Fe e Rosario o río modifica a súa dirección e atravesa La Pampa, antes de chegar a unha especie de delta interior que precede ao esteiro de Río de La Plata, onde desemboca, tras un percorrido de 3.700 km. É unha importante vía navegable; os barcos oceánicos de tonelaxe regular poden chegar a Rosario e Santa Fe, os de rexistro inferior chegan a Corrientes e os máis pequenos poden chegar ata Paraguay.

CAPITAIS

Capital da provincia de Entre Ríos, Arxentina, na rexión Litoral, situada na beira esquerda do Paraná (256.602 h [1999]). É un porto de exportación de cereais, gando bovino e produtos de gandaría ovina.

RIOS

Río de Brasil que baixa da serra da Canastra e que, xunto co río Grande, forma o Paraná, despois dun percorrido de 800 km.

CIDADES

Cidade da illa de Luzón, Filipinas, situada na costa sudoriental da baía de Manila (308.000 h [1990]). A expansión urbana de Manila converteuna nun suburbio meridional desta cidade. Son tradicionais os bordados a man. O aeroporto internacional de Manila está nesta cidade.

PRAIAS

Praia da ribeira dereita da ría de Muros e Noia, situada na parroquia de Esteiro (Muros).

PERSOEIRO

Escritor polaco. Nas súas novelas e ensaios exaltou o humanismo e os valores da civilización occidental. Destacan as súas novelas Dysk olimpijski (O disco olímpico, 1932) e Niebo w plomieniach (O ceo en chamas, 1935), así como os ensaios Godzina śvódziemnomorska (Horas mediterráneas, 1949), Zegar slonenczwy (As horas do sol, 1953) e Petrarka (1954).

1. Facer comparación dunha cousa con outra.

2. Xustificar nunha liña as letras, adornos, signos, etc, de corpos diferentes.

1. 1. Persoa, amiga do noivo, que na Antigüidade ía buscar a noiva á casa de seus pais para levarlla ao noivo.

   2. Persoa que apadriñaba un casamento.

2. 1. Persoa que anunciaba o comezo do curso nas universidades e que estimulaba ao estudo cunha oración retórica.

   2. Salón dalgunhas universidades ou doutros centros de ensino en que se inaugura o novo curso ou se realizan outros actos que revisten carácter solemne.

1. Pedra da lareira que se emprega para tornar a borralla.

2. Estante aberto da cociña sobre o que se poñen cousas.

3. Pedra, en forma de viseira, que leva o forno na boca ou na porta.

MONTES

Monte situado na parroquia do Regueiro (Boborás). O seu cumio acada os 800 m de altitude.