"BRE" (Contén)

2brea.

Nome de orixe celta que significa ‘xefe dunha briga’, sendo briga unha ‘altura, elevación, monte’ e, por extensión semántica, ‘comunidade que vive nunha altura’. O elemento céltico brig, que forma parte deste topónimo, foi moi produtivo na toponimia galega, pois deu lugar ao -bre que levan tantos nomes de lugar como Barallobre, Callobre, Xobre, O Grove, Alcabre, Cecebre, etc. Breogán é o patriarca fundador da nación galaica, que a tradición remonta á Idade do Bronce (1º milenio a C), e ao que se lle atribúe a fundación de Brigantium ou Brigantia (A Coruña ou Betanzos). Entre as moitas lendas de heroes míticos semellantes ás galegas que están espalladas por terras de Irlanda e Bretaña, destaca a de Breogán (en gaélico Breoghan), recollida no manuscrito irlandés do s XII Leabhar Ghabhála ou Libro das invasións, copia doutros anteriores do s VIII redactados por monxes irlandeses. Despois da desgraciada expedición do seu fillo Ith, quen embarcara...

Heroe e caudillo lendario galego ao que se lle atribúe a fundación da antiga cidade de Brigantium. A primeira mención que se fai deste personaxe é no Leabhar Ghabhála ou Libro das Invasións irlandés. Foi escrito no mosteiro irlandés de Terryglass no s XII, pero nel recóllense lendas e relatos anteriores (s VI-VII). Segundo esta fonte, Breogán era o rei dun gran territorio dentro da Península Ibérica. Era descendente dos escitas, que despois de moitas penalidades se estableceron na Península e dos que Breogán foi rei. El foi quen fundou a cidade de Brigantium ou Brigantia, da que se coñece a súa existencia grazas aos distintos historiadores latinos. Aínda hoxe se discute se a cidade de Brigantium se corresponde coa Coruña ou con Betanzos, sendo maioritaria a opinión dos que a localizan nesta primeira cidade, xa que a presenza da Torre de Hércules se identifica co gran faro que mandou construír Breogán nas proximidades de Brigantium. Conta o Libro das Invasións que Breogán...

Nome dun proxecto, inspirado na lenda de Breogán, que puxeron en marcha algúns investigadores novos da Universidade de Santiago entre os anos 1974 e 1976. Consistía na realización dunha expedición marítima desde Galicia a Irlanda, seguindo o ronsel doutras aventuras similares como a que levou a Thor Heyerdahl a atravesar o Pacífico nunha embarcación feita de xuncos. O seu traballo inicial consistía na construción dun prototipo de barco, de vimbio e coiro, ao xeito dos que se utilizarían en Galicia na época prerromana. Para o prototipo baseáronse nas referencias dos autores clásicos, no sistema de construción dos curraghs (pequenos barcos pesqueiros de Irlanda e Gales) e nos datos da arqueoloxía mariña. Os petroglifos bretóns de motivos mariños e o petroglifo galego de Borna supuxeron outra fonte de inspiración. Malia os problemas para construír a armazón do barco e para o curtido, cosido e impermeabilización do coiro, o prototipo foi probado con éxito na ría de Vigo. A nave posuía...

Boletín informativo publicado en xullo de 1972 en Quebec-Montreal (Canadá). Cesou aos dous anos, trala imposibilidade de obter colaboracións e medios económicos para seguir editándoo.

Club Baloncesto Breogán.

Grupo de Teatro escolar creado en 1970 por Xosé Redondo no Colexio Anxo da Guarda, na Coruña, que desenvolveu unha intensa actividade ata mediados da década dos oitenta. A súa traxectoria, marcada por máis de quince espectáculos, constitúe un exemplo da vizosidade do teatro escolar.

Alteración brusca e súpeta.

Gran pazo de Milán, construído en 1615 e reconstruído en 1686. Alberga a Biblioteca Nacional Bridense, creada en 1773, e a Pinacoteca Brera, fundada en 1803, un dos museos máis importantes polo seu conxunto de pintura italiana. Tamén acolle un observatorio astrolóxico e unha academia de belas artes.

Provincia de Lombardía, Italia (4.784 km2; 1.088.346 h [estim 1998]). A súa capital é Brescia.

oivodato de Silesia, Polonia (6.287 km2; 1.137.300 h [estim 1998]). A capital é Breslau.

País de Francia, considerado como parte de Borgoña, que comprende parte dos departamentos de Ain, Saône-et-Loire e Jura. É unha área de solos pobres, con bosque nas partes máis altas, cunha economía baseada na agricultura e, sobre todo, na gandería e na avicultura. Os centros comarcais son Louhans e Bourg-en-Bresse.

ou Brest-Litovsk Capital da oblast’ de Brest, Bielorrusia, situada na confluencia dos ríos Mukhavec e Bug (294.620 h [estim 1997]). Atópase a carón da fronteira con Polonia, país ao que pertenceu ata 1795, cando foi incorporada ao Imperio Ruso. Antes que polaca fora posesión lituana. Porto fluvial, durante o período soviético experimentou un notable desenvolvemento industrial, asentado sobre a base que lle proporcionaba a súa condición anterior de encrucillada dos ferrocarrís e das estradas entre Moscova, Kiev, Varsovia e a Prusia Oriental.