"Roa" (Contén)

GALICIA

Anarcosindicalista. Afiliado ao Sindicato de Petróleos de carácter autónomo, loitou durante a Segunda República Española pola integración do colectivo na Federación Local de Sindicatos Únicos da CNT olívica. Detido tras os sucesos de outubro de 1934, cando estoupou a Guerra Civil Española participou na resistencia ao golpe nas rúas viguesas e despois integrouse nunha partida guerrilleira. Contrario ao control sobre a guerrilla exercido polo PCE desde 1943, abandonou a loita armada e permaneceu agochado ata 1946. Detido en 1950, foi condenado a morte, logo conmutada por 23 anos de cadea en El Dueso (Santoña). Ao saír en liberdade (1973), tomou contacto co exilio cenetista en Toulouse e contribuíu á reorganización da Confederación Regional Galaica.

1. Efecto retroactivo.

2. retroalimentación.

1. Acción de aplicar, nun sistema calquera, unha fracción do sinal de saída novamente á entrada para que actúe tamén sobre o sistema. Un dos sistemas provistos de retroacción é o servosistema. En electrónica aplícase nos amplificadores e pode ser en fase ou en oposición de fase.

2. Regulación da resposta dentro dun sistema (molécula, célula, organismo ou poboación) que inflúe sobre a actividade ou a produtividade do sistema, que está constituído por elementos interactuantes que poden presentar moitos estados diferentes en función dos estados dos outros. Cómpre distinguir a retroacción negativa ou homeostática, que conserva o equilibrio entre dous valores límite e tende a ese equilibrio, da positiva, que tende a desequilibrar o sistema por unha autoaceleración da desviación.

PERSOEIRO

Político e naturalista. Foi conselleiro de Agricultura, Gandería e Montes (1982-1983) e de Agricultura, Pesca e Alimentación (1983-1984). Presidente da Xunta Reitora do Parque Natural do Complexo Dunar de Corrubedo e Lagoas de Carregal e Vixán e coordinador de suplemento do medio ambiental Ozono publicado por El Correo Gallego, foi secretario de ADENA-WWF en Galicia e presidente da Asociación Nacional Frisona. Recibiu, entre outros galardóns, o Premio Xunta de Galicia de Medio Ambiente e Conservación da Natureza e Premio Bandera Europea do Medio Ambiente.

PERSOEIRO

Pintor. Activo en Betanzos, foi un dos primeiros pintores barrocos de Galicia. Cara a 1650 pintou o retablo de Santo Antón de Padua no santuario da Nosa Señora do Camiño de Tiobre e o retablo maior da capela da Madanela de Betanzos. Nestas obras amosou unha concepción pictórica sinxela, co emprego de fondos escuros, unha gama cromática pobre de tons escuros e pardos, onde domina o debuxo sobre a cor.

PERSOEIRO

Xurista e historiador. De orixe galega, participou no proceso de transición á democracia en Uruguay e foi profesor de Ciencia Política na Universidad de Montevideo e analista e consultor político da ONU. Foi un dos compiladores de Uruguay y la democracia (1984-1985) e The military and Democracy (1990) e escribiu Uruguay, el país urbano (1981), Partidos, Democracia y Autoritarismo (1984), De mitos y memorias políticas (1986), con C. Perelli, Las Fuerzas Armadas. Soldados-políticos garantes de la democracia? (1986), Una tarea inconclusa (1992) e Urnas y desencanto político (1998).

MUNICIPIOS

Municipio da provincia de Burgos, Castela e León, situado no val do Duero (2.277 h [2001]). A súa economía baséase na agricultura e gandaría, destacando os seus viños. Dos patrimonio cultural destaca a colexiata renacentista de Santa María (BIC 1980). O seu Museo del Vino foi sede do Consello Regulador da denominación de orixe Ribera del Duero.

PERSOEIRO

Escritor mexicano. Decantado pola temática indíxena e popular, das súas obras destacan Leyendas mexicanas (1862) e Noche al raso (1870).

PERSOEIRO

Escritor. En 1947 exiliouse pola súa manifesta oposición ao réxime de Stroessner e non regresou ao seu país ata 1989. Considerado como unha das figuras máis representativas da literatura hispanoamericana no s XX, das súas obras destacan Hijo de hombre (1960), Yo, el supremo (1974), Contar un cuento y otros relatos (1984), El fiscal (1987), La vigilia del almirante (1992), El Fiscal (1993) e Madama Sui (1996). Recibiu o Premio Cervantes en 1989.

PERSOEIRO

Batería e compositor de jazz. Compoñente de varias agrupacións musicais desde a década de 1950 xunto con Charlie Parker, Dizzi Gillespie ou Miles Davis, foi considerado un dos principais representantes do bop. Na década de 1980 formou unha orquestra de percusión.

CAPITAIS

Capital das illas Virxes Británicas, situada na illa Tortola, na parte O de Road Bay (6.330 h [1991]).

PARROQUIA

Parroquia do concello de Sobrado baixo a advocación de santo André.

PARROQUIA

Parroquia do concello de Cospeito baixo a advocación de san Miguel.

GALICIA

Enxeñeiro de minas. Mostrouse contrario ao intervencionismo estatal e acusou ao Estado da deixación das industrias extractivas. Escribiu Ensayo sobre la historia de las minas de Río-Tinto (1859) e Minas de Río-Tinto: estudios sobre la explotación y el beneficio de sus minerales (1868).

GALICIA

Xornalista e dramaturgo. Licenciado en Medicina pola Universidade de Santiago de Compostela, foi membro da Academia Literaria de Santiago e fundou con A. Romero Ortiz o xornal satírico Santiago y a ellos. Progresista, participou no levantamento de 1846 e tras o seu fracaso fuxiu a Portugal ata que foi indultado. En Madrid fundou o periódico La Unión, colaborou en Semanario Pintoresco Español e dirixiu La Gaceta de Madrid. Escribiu a peza teatral Fernán Pérez Curruchao y el arzobispo D. Suero (1841), Reseña histórica de los últimos acontecimientos de Galicia (1846) e o ensaio Observaciones sobre los nuevos proyectos de reforma constitucional del Sr. Bravo Murillo (1850).