"Van" (Contén)

PERSOEIRO

Político galés. Licenciado en Dereito en Aberyswith, foi líder do partido nacionalista galés Plaid Cymri entre 1941 e 1981. Entre as súas obras destacan Cyfle olaf y Gymraeg (1962), Aros Mae (1971), Diwedd Preidendod (1981), Darlith goffa Dewi-Prys Thomas: Cymro, pesaer, athro (1987) e Fight for Welsh freedom (Loitar pola liberdade dos galeses, 2000). Recibiu o título doutor honoris causa pola Universidade de Gales.

PERSOEIRO

Arranxador, pianista e director de orquestra. Coñecido como Gil Evans, tivo unha formación autodidacta e debutou en Stockton como director de orquestra entre 1941 e 1949. Colaborou coa orquestra de Claude Thornhill e posteriormente traballou con Miles Davis, con quen gravou Birth of the Cool e Miles Ahead. Dende os anos setenta interesouse polos instrumentos acústicos e electrónicos con obras como There Comes a Time (1974).

PERSOEIRO

Arqueólogo, numismático e anticuario inglés. Fundador da arqueoloxía prehistórica no Reino Unido, afirmou en 1859 que o xénero humano tiña unha antigüidade maior que os 6.000 anos mantidos ata a súa época. Baseouse na existencia nun mesmo estrato de instrumentos de factura humana e ósos de animais extintos e opúxose á cronoloxía ofrecida pola Biblia. Entre as súas obras destacan The coins of the ancient Britons (Moedas dos antigos britanos, 1864) e Instrumentos antigos de pedra, armas e ornamentos de Gran Bretaña e o Bronce Antigo (1881). Foi distinguido co título de sir.

PERSOEIRO

Economista e historiador norteamericano. Profesor de economía política (1930-1935) e director dos servicios de investigación histórica (1935-1939) na Princeton University, foi director da Biblioteca do Congreso dos EE UU (1945-1953) e director xeral da UNESCO (1953-1958). Entre as súas obras destacan New Guinea under Australian mandate rule (Nova Guinea baixo o mandato australiano, 1929), The Virgin islands: from naval base to new deal (As illas Virxes: desde unha base naval ata un novo acordo, 1945), Copyright and the public interest (Copyright e interese público, 1949) e The decade of development: problems and issues (Unha década de desenvolvemento: problemas e cuestións, 1966).

PERSOEIRO

Escritora. Coñecida co pseudónimo de George Eliot, tivo unha sólida formación cultural e estivo influída nas súas ideas filosóficas e relixiosas polos intelectuais racionalistas. En Londres publicou ensaios sobre a literatura e filosofía francesa e alemá en Westminster Review. Da súa produción destaca Scenes Clerical Life (Escenas sobre a vida clerical, 1898), Silas Marner (1861) e Impressions of Theofrastus Such (1878).

PERSOEIRO

Fotógrafo norteamericano. Estudiou en Kenilworth, traballou nunha biblioteca pública en Nova York e, posteriormente, trasladouse a París para estudar na Sorbonne. Regresou a Nova York en 1927 e comezou a traballar como fotógrafo. No ano 1930 ilustrou o libro The Brigde e comezou unha serie sobre casas vitorianas que se expuxo no MOMA neoiorquino en 1933. A súa primeira exposición individual tivo lugar na galería Julien Levy. Traballou para a Fram Security Administration (FSA) e con Lincoln Kirstein na revista Hound & Horn. En 1935 realizou fotografías sobre arte africana no MOMA para distribuílas por centros de ensino. Colaborou tamén nas revistas Fortune e Time. A partir de 1965, e ata a súa morte, exerceu como profesor de deseño gráfico na Universidade de Yale. Publicou: American Photographs (Fotógrafos americanos, 1938), Let Us Now Praise Famous Men (1941) e Message from the Interior (Mensaxe dende o interior, 1966).

PERSOEIRO

Pianista de jazz. Coñecido como Bill Evans, recibiu formación musical no Southeastern Louisiana College de New Orleans. Nos anos cincuenta colaborou, entre outros, con Jerry Wald, Cannonball Adderley, Lucy Reed, Charles Mingus e Miles Davis. O seu primeiro trío formouno con Teddy Kotick e Paul Motian, cos que gravou o disco New Jazz Conceptions.

PERSOEIRO

Antropólogo inglés. Formado en Oxford e na London School of Economics and Political Science, foi catedrático de Antropoloxía Social na Oxford University entre 1946 e 1970. Entre 1926 e 1939 realizou diversas expedicións ás rexións nororientais e centrais de África. Interesouse pola organización política e as institucións sociais dos pobos africanos, especialmente dos azandes e dos nuers. Entre 1942 e 1944 levou a cabo traballos de campo entre os beduínos do N de África. Entre as súas obras destacan Witchcraft, Oracles and Magic among the Azande (Bruxería, oráculos e maxia entre os azande, 1937), The Nuer: a Description of the Modes of Livelihood and Political Institutions of the Nilotic People (Os nuer: unha descrición dos modos de vida e institucións políticas dos pobos do Nilo, 1940), The Sanusi of Cyrenaica (Os Sanusi da Cirenaica, 1949) e, en colaboración con Meyer Fortes publicou African Political Systems (Sistemas políticos africanos, 1987).

CIDADES

Cidade do estado de Indiana, EE UU, na marxe dereita do río Ohio (126.270 h [1990]). É un centro industrial e comercial moi importante pola súa situación ao S da conca hulleira de Indiana. Fundada o 27 de marzo de 1812 polo coronel Hugh MacGary, recibiu o nome do primeiro lexislador da área Robert M. Evans.

1. Relativo ou pertencente ao Evanxeo.

2. Aplícase ao que ou a quen pertence á Igrexa Evanxélica.

1. Núcleo fundamental da fe cristiá. A palabra evanxeo, que significa ‘boa nova‘, pasou a entenderse como o conxunto das ensinanzas e o testemuño de Xesús de Nazaret.

2. Cada un dos catro primeiros libros do Novo Testamento nos que se contén a mensaxe cristiá. As proclamas evanxélicas fixéronse, en orixe, de viva voz. As primeiras predicacións axiña foron recollidas por escrito na lingua dos apóstolos, o arameo. Posteriormente, diversas tradicións e sucesivos conxuntos redaccionais xurdiron nas distintas comunidades cristiás (san Lucas, na introdución ao seu Evanxeo, alude a esta pluralidade de escritos). Entre os diversos relatos que apareceron no s I, houbo catro que se impuxeron oficialmente dende a Igrexa, que os recoñece como canónicos: Mateo, Marcos, Lucas e Xoán. Segundo as investigacións bíblicas, o máis antigo é o Evanxeo segundo San Marcos. O autor deste Evanxeo parece que foi un curmán de Bernabeu, Marcos, que puxo por escrito a predicación en arameo de san Pedro aos membros da Igrexa de Roma; cabe situar a redacción a finais dos anos sesenta. Algúns eséxetas sinalan que corresponde a unha comunidade xudeocristiá...

3. Parte da liturxia eucarística que consiste na lectura dun fragmento dos Evanxeos.

4. Lado esquerdo do altar dende o punto de vista dos fieis. O seu nome fai referencia á situación do misal cando se lía o Evanxeo na misa segundo o rito romano anterior ao Concilio Vaticano II.

PERSOEIRO

Pintor e gravador neerlandés. Visitou Suecia e Noruega, onde comezou a desenvolver os temas paisaxísticos que despois popularizou nos Países Baixos. Realizou tamén mariñas e augafortes. O seu irmán Caesar van Everdingen (Alkmaar 1617-1687) cultivou a pintura de xénero, a mitolóxica e o retrato nun estilo clasicista italianizante. Entre as súas obras destaca Oficiais da compañía Orange da Garda Municipal de Alkmaar (1641).

PERSOEIRO

Pintor flamengo. Foi un dos fundadores da primeira escola flamenga e un dos primeiros en empregar a pintura ao óleo nunhas obras que se caracterizaron pola súa minuciosidade. Non se coñecen datos da súa formación. En 1422 trasladouse á Haia, onde foi pintor de corte e axudante de cámara de Xoán de Baviera, conde de Holanda, ata 1424. Dende 1425 e ata a súa morte foi pintor da corte de Filipe III, duque de Borgoña, e cara ao 1430 trasladouse a Bruxas. Nesta primeira época realizou miniaturas e as dúas táboas da Crucifixión e do Xuízo Universal. En 1432 pintou o políptico de A adoración do Cordeiro Místico na catedral de Sint Baafs (Gante) obra que, segundo unha inscrición, foi iniciada por Hubert van Eyck (?-1426?), o seu irmán, aínda que existen investigadores que negan a súa existencia e a dobre autoría. Os seus retratos son realistas e neles amosou unha preocupación pola representación dos rostros humanos. Da súa produción destacan, entre outras...