"An" (Contén)

Grupo de comunicación fundado en 1909 por Torcuato Luca de Tena a partir do xornal ABC. De carácter familiar, o grupo estableceu outras sociedades ao redor do xornal expandindo os seus intereses coa adquisición do 1% do Grupo Correo (1998) e do 30% do Grupo Negocios (1999). Constituído como holding (2000), dividiuse en catro sociedades para xestionar ABC, os intereses do grupo nos xornais locais e rexionais (Mediateca), os negocios da radio, TV, multimedia e Internet (E-Media) e Globalia, encargada da publicidade dos medios do grupo. En setembro de 2001 o grupo, baixo a presidencia de Nemesio Fernández-Cuesta Luca de Tena, incorporouse ao Grupo Correo, pasando a denominarse Vocento a partir de maio de 2003.

. Que constitúe motivo de preocupación

Calidade de preponderante.

Que prepondera.

Aplícase ao período artístico anterior ao románico que comprende diversas formas e solucións artísticas e estruturais. Estendeuse desde Carlomagno ata a introdución do románico (ss IX e X), pero pode incluír a arte dos séculos precedentes desde antes da disolución do Imperio Romano de Occidente (s V). Presentou as variantes ostrogoda, lombarda, merovinxia, saxoa, visigoda, carolinxia, otónica, viquinga e irlandesa. Segundo os países, pódense atopar varias solucións artísticas, as de maior personalidade agrúpanse baixo as denominacións de arte carolinxia, asturiana e mozárabe, as dúas últimas na Península Ibérica. A arte carolinxia, de clara vontade monumentalista, ten as súas fontes na arte da antigüidade romana tardía e bizantina, como a capela palatina de Carlomagno en Aquisgrán (790-805). A arte asturiana, propia da monarquía asturiana, é unha reinterpretación das formas do mundo hispánico, romano tardío e visigodo. Destacan San Julián de los Prados (791-842), Santa María del Naranco...

Que é anterior á época romana.

Corrente ideolóxica, artística e literaria que apareceu en Europa durante a segunda metade do s XVIII e na que agromaron as ideas que levaron ao romanticismo. Caracterizouse pola volta ás orixes, sexa aos clásicos, aos nórdicos ou á natureza, e ao sentimento, fronte ás academias e aos racionalismos. Das orixes clásicas grecorromanas partiron os principios da burguesía ascendente; as orixes nórdicas expresáronse na plástica pola volta á arte gótica; e a natureza expresouse plasticamente coa pintura de paisaxes e a moda dos xardíns de estilo inglés. No ámbito literario déronse ademais as características de revolta, desesperación e melancolía, dentro dunhas tendencias formais que se aproximaban a posturas clásicas. Estas actitudes manifestáronse, en Inglaterra e Escocia, na obra de J. Thomson, Young, Richardson, nos pretendidos poemas de Ossián, publicados por Mcpherson, e nos poemas de Th. Gray, W. Collibs, W. Blake e R. Burns. Nos países xermánicos, baixo o influxo dos ingleses, de Diderot...

Movemento xurdido dentro do protestantismo que acentuou a forma de organización eclesiástica desenvolvida por Xoán Calvino e outros reformadores do s XVI, distinta da corrente episcopaliana e do congregacionalismo. De acordo coa doutrina calvinista, a organización eclesiástica ten tres niveis: comunitario ou parroquial, no que a administración está a cargo da xunta de goberno ou consello, encabezada por un pastor e algúns laicos elixidos; sinodal, formado polos pastores dunha mesma rexión e un ancián por cada parroquia; e a asemblea xeral, constituída por igual número de pastores e anciáns que gobernan todas as comunidades presbiterianas. Os actos litúrxicos que se desenvolven son o canto, a lectura e comentario das Sagradas Escrituras, e a pregaria. En 1877 constituíuse a Alianza Presbiteriana Universal que agrupa todas as igrexas presbiterianas.

Que ten prestancia.

Influencia do exército sobre o estado. O corpo dos pretorianos romanos interveu decisivamente en diversas ocasións no desenvolvemento da historia do imperio. Entre os seus actos cóntase o asasinato de Calígula e o nomeamento de emperadores como Claudio e Otón.