"An" (Contén)

MUNICIPIOS

Municipio da provincia de Sevilla, Andalucía, situado en Sierra Morena, delimitado ao L polo río Retortillo, afluente do Guadalquivir (3.293 h [2001]). Ademais das actividades agrícola e gandeira, posúe industrias alimentarias.

MUNICIPIOS

Municipio da provincia de Toledo, Castela-A Mancha, situado ao O da capital provincial e regado polo Tajo (7.131 h [2001]). A súa economía baséase na agricultura, na gandaría e nas industrias alimentarias e téxtiles.

MUNICIPIOS

Municipio da provincia de Badajoz, Extremadura, situado ao pé de Sierra de San Pedro e regado polo Guerrero, afluente do Guadiana (2.062 h [2001]).

MUNICIPIOS

Municipio da provincia de Zamora, Castela e León, situado ao N de Portugal e regado polo río Tera (1.565 h [2001]). É un centro agrícola, gandeiro e pesqueiro, no que tamén destaca o turismo. Pertenceu aos condes de Benavente. O seu conxunto histórico artístico, do que destaca o castelo dos condes, foi declarado BIC en 1994.

MUNICIPIOS

Municipio da provincia de Badajoz, Extremadura, situado en Tierra de Barros, ao S de Zafra (2.887 h [2001]). A súa economía baséase na agricultura e na gandaría e no termalismo.

MUNICIPIOS

Municipio da provincia de Toledo, Castela-A Mancha, situado no val do Tajo, que delimita o sector N do termo (2.017 h [2001]). A súa economía baséase na agricultura e na gandaría. Son característicos os mosaicos de cerámica.

MUNICIPIOS

Municipio da provincia de Badajoz, Comunidad Autónoma de Extremadura, situado a 24 km da capital provincial (2.096 h [2001]).

GALICIA

Xornalista e escritor. Foi gobernador civil en Alacant e León. De ideais provincialistas dirixiu o periódico afín a esa ideoloxía, El Defensor de Galicia, e o literario El Iris de Galicia. Participou no Álbum de la Caridad coa composición “O gaiteiro da Coruña, aos vencedores de África”. Escribiu diversos dramas (Un juramento cumplido, 1847), comedias (De la mano a la boca, 1870) e zarzuelas (Cuento de hadas, 1875).

GALICIA

Escritor. Integrante do primeiro provincialismo, foi profesor de retórica e poética no Instituto da Coruña. Foi membro da Academia Literaria en Santiago de Compostela e colaborou en El Porvenir, El Liceo, Boletín Mercantil, El Iris de Galicia, El País e El Defensor de Galicia. Publicou o drama romántico en verso María Pita e a colección de lendas románticas Preludios del arpa (1847).

GALICIA

Empresario e galeguista. Emigrou a Bos Aires en 1919, onde se dedicou a activadades comerciais. Formou parte da directiva da Cámara de Comercio Española, da que dimitiu para cofundar a Cámara de Comerciantes Republicanos Españoles en 1936. Foi directivo da Federación de Sociedades Gallegas e presidente da Unión Progresista do distrito de Salvaterra de Miño. Contribuíu á fundación do Consello de Galicia, foi membro de honor do Centro Provincial Ourensán e Pontevedrés, fundou a Editorial Nós e patrocinou o xornal Correo de Galicia. Pola súa dedicación á promoción da cultura galega, a súa filla R. Puente Foglia fundou a Fundación Manuel Puente, en Bos Aires, para a conservación e difusión do seu arquivo persoal, promocionar a lingua, a literatura e a cultura galegas, así como catalogar os fondos documentais e editoriais daquelas institucións galegas establecidas en Arxentina.

MUNICIPIOS

Municipio da provincia de Cádiz, Andalucía, situado na desembocadura do Guadalete (76.236 h [2001]). É porto pesqueiro e de exportación dos viños de Jerez de la Frontera. De aquí saíron moitos barcos da descuberta americana. Ademais, conta con industrias relacionadas coas vidrarías e salinas. Conserva o castelo de San Marcos (s XIII) e a igrexa de Santa María.

MUNICIPIOS

Municipio da provincia de Cádiz, Andalucía, situado ao S de Morón de la Frontera e regado polo río Guadalete (6.810 h [2001]). A súa economía baséase na agricultura, sobre todo da oliveira, a remolacha e os amorodos.

PERSOEIRO

Escritora. Traballou como xornalista e na súa obra evolucionou desde a preocupación polo perspectivismo ata a recuperación dun realismo clásico. É autora dos libros Una enfermedad moral (1983) e das novelas El bandido doblemente armado (1979, Premio Sésamo), Burdeos (1986), Queda la noche (1989, Premio Planeta), Días del Arenal (1992), La vida oculta (1993, Premio Anagrama de Ensayo), Gente que vino a mi boda (1998) e Con mi madre (2001).

MUNICIPIOS

Municipio da provincia de Ciudad Real, Castela-A Mancha, situado ao N de Sierra Morena (48.086 h [2001]). A súa economía baséase na industria da extracción de carbón, e nos xacementos petrolíferos, cun oleoduto que chega ata Málaga.

PERSOEIRO

Político. Foi un dos homes de prol da Revolución de 1810 en Bos Aires, membro do Triunvirato de 1812 e xefe das Provincias Unidas del Río de La Plata (1816-1819). Dimitiu polas súas tendencias centralistas e monárquicas.

PERSOEIRO

Xurista e político. Licenciouse en Dereito Civil e Canónico na Universidade de Santiago de Compostela e doutorouse pola Universidad Central de Madrid en 1867. Foi alcalde de Santiago de Compostela (1870-1871), deputado en Cortes polo distrito de Santiago de Compostela (1871-1871) e polo da Coruña (1884-1886), e gobernador do Banco Español en La Habana (1891). Foi senador pola Real Sociedad Económica Matritense de Amigos del País (1891) e pola provincia cubana de Matanzas (1893). Ao volver de Cuba foi nomeado fiscal do Tribunal Supremo (1895). Defendeu a M. Curros Enríquez, cando foi condenado por Aires da miña terra e publicou Informe oral pronunciado por (...) en defensa de D. Manuel Curros Enríquez (1881).

PERSOEIRO

Xurista. A partir de 1678 foi catedrático de Instituta en Salamanca e, en 1689, foi nomeado presidente do Consello Real de Nápoles, cargo que ocupou ata 1693. Destacou como autor de textos latinos de dereito civil e procesual. Escribiu Commentaria de rei alienae pignori, de servo pignore dato manumisso et de transmissione haereditatis e Ioannis de Puga et Feijoo. Primarii Salmanticensis Juris Civilis methodica Commentaria ad (...). Parte da súa produción recolleuse na obra Dom. Joannis Puga et Feijoo J. C. et Primarii Antecessoris Salmanticensis, Regii Neapolitanae Senatus Praesidis, Tractatus Academici sive Opera Omnia Posthuma.

GALICIA

Escritor e político, fillo de Luciano Puga Blanco. Coñecido como Picadillo, licenciouse en Dereito pola Universidade de Santiago de Compostela e foi xuíz municipal de Arteixo, concelleiro (1914) e alcalde da Coruña (1917). Colaborador de El Noroeste e El Orzán, destacou como escritor de temas gastronómicos e costumistas. Da súa obra destacan Treinta y seis maneras de guisar el bacalao (1901), Integración de algunas materias de derecho civil (1901), La cocina práctica (1905), Las 56 maneras de hacer el bacalao (1906?), El rancho de la tropa (1909), Pote aldeano (1911), Vigilia reservada. Minutas y recetas (1912) e Mi historia política (1917).

GALICIA

Biólogo e farmacéutico. Doutor en Ciencias pola Universidade de Santiago de Compostela (1982), especializouse en farmacia industrial e galénica, e en análise e control de medicamentos e drogas. En 1975 comezou a súa actividade investigadora no departamento de edafoloxía da Facultade de Farmacia (USC) e no Instituto Universitario de Estudios y Desarrollo de Galicia. En 1981 incorporouse aos laboratorios farmacéuticos ICI Farma, SA -posteriormente ASTRAZENECA Farmacéutica Spain-, onde ocupou os cargos de director técnico e director da fábrica do Porriño.
Presidente da Fundación Galicia-Empresa desde 2002, escribiu Ernestina Otero Sestelo: Pedagoga (1992) e Redondela (1995). En 1978 recibiu o premio Federico Maciñeira da Deputación Provincial da Coruña como coautor do traballo “Contribución al estudo de las condiciones naturales de San Andrés...

GALICIA

Pintor. En 1630 estaba en Madrid, onde recibiu encargos da corte de Filipe IV e traballou con Eugenio Caxés no Salón de Reinos do palacio del Buen Retiro. Partiu do estilo manierista escurialense para achegarse ao de Velázquez. A súa obra caracterizouse por unha reducida paleta cromática con primacía dos tons ocres e terra, reflectindo modelos naturalizados. Realizou obras de temática relixiosa, en que se mostrou como un gran debuxante, e escenas de xénero en que a luz tenebrosa define os personaxes do cadro de forma escultórica. Cultivou tamén o retrato de carácter realista. Só están asinadas San Jerónimo (1636) e Magdalena penitente; as demais obras son atribucións, entre elas, Anciana sentada, El afilador, El aceitero, La taberna e El bebedor.