"GR" (Contén)

1. Que ou a quen non lle gusta traballar e sempre está desocupada.

2. Persoa alta e forte, pero con medidas desproporcionadas.

3. Termo do verbo dos daordes ou xerga dos telleiros que corresponde á voz ‘nugallán’.

MUNICIPIOS

Municipio de Asturias, situado na conca hulleira do Nalón (45.731 h [2001]). Os núcleos máis importantes son Sama e La Felguera. É un importante centro mineiro e siderúrxico, que iniciou a explotación da reserva hulleira no s XVIII. Na actualidade a súa explotación é pouco rendible, aínda que se mantén como centro industrial.

PERSOEIRO

Fotógrafo francés. Formouse cos pintores Picot e H. Delaroche. Empregou diversas técnicas, como o papel encerado seco, o talbotipo e o colodión húmido, do que foi un dos máximos practicantes. Expuxo a súa obra nas principais capitais europeas e escribiu Tratado práctico de fotografía (1849). Parte dos seus traballos consérvanse na Biblioteca Nacional de París e no Victoria and Albert Museum de Londres.

PERSOEIRO

Paleoantropólogo británico. Xefe do departamento de Anatomía Humana de Oxford (1934-1962), en 1953 desenmascarou a fraude do home de Piltdown e en 1964 estableceu que os xéneros Atlanthropus, Maueranthropus, Sinanthropus, Pithecanthropus eran variantes rexionais do Homo erectus. Os seus traballos centráronse nas relacións entre o home e os outros membros da orde dos primates. Entre as súas obras destacan History of the Primates (1949) e Antecedents of Man (1962).

PERSOEIRO

Mariscal de Francia. Coñecido como Boucicaut, combateu en Constantinopla contra os turcos. Fundou en 1399 a orde Écu Vert à la dame blanche, en defensa das mulleres. Foi gobernador de Xénova (1401-1409) e na Batalla de Azincourt (1415) foi feito prisioneiro e levado a Inglaterra. Foi un dos autores da obra de tema amoroso Livre des cent ballades (1388).

1. Ferramenta que utilizan os zoqueiros para baleirar o interior das zocas.

2. Aparato que se utiliza para realizar legrados.

PERSOEIRO

Compositor. Formado na música clásica, traballou para o cineasta Jacques Demy. En EE UU colaborou posteriormente en The Thomas Crown Affair (1968), Summer of 42 (1971, galardoada cun Oscar da Academia) e Les routes du Sud (1977).

MONTES

Monte situado na parroquia de Curra (A Veiga). O seu cumio acada os 1.198 m de altitude.

PERSOEIRO

Compositor italiano. Compuxo óperas, como I due cesari (1683) nas que contribuíu a fixar o esquema da aria da capo, oratorios, cantatas profanas, motetes e sonatas.