"RC" (Contén)

PERSOEIRO

Arquitecto. Primeiro director da Escuela Especial de Arquitectura de Madrid, foi o autor do edificio da Universidad de Zaragoza (1849) e do palacio do Congreso de los Diputados de Madrid (1843). En Madrid reformou o convento do Noviciado (1845), restaurou San Jerónimo el Real e fixo os palacios de Béjar, Vista Alegre e o do marqués de Salamanca (1854).

1. 1. Cada un dos epónimos que, na tradición sacerdotal do Pentateuco, forman as dúas xenealoxías de dez nomes que van desde a creación ao diluvio e deste a Abrahán; sobre todo Abrahán, o seu fillo Isaac, o fillo deste Xacob, e os fillos deste, epónimos das doce tribos de Israel.

   2. Título dado antigamente aos bispos das cinco sés máis importantes do Imperio Romano e que se outorga aos xefes das igrexas orientais e honorificamente a algúns bispos da Igrexa Católica. Comezou a utilizarse a partir do Concilio de Calcedonia (451), en que foron organizados definitivamente os cinco patriarcados de Roma, Alexandría, Antioquía, Constantinopla e Xerusalén. As xurisdicións e dereitos sobre os territorios asignados, quedaron codificados na lexislación de Xustiniano, pero xa anteriormente (325) os bispos de Roma, Antioquía e Alexandría exercían as funcións sen ter o título. Co monofisismo instaurouse un dobre patriarca en Alexandría e Antioquía, e con ocasión do monotelismo os maronitas fundaron un propio. A independencia das diversas igrexas ortodoxas fixo que o título fose dado a algúns dos seus líderes. Dentro do catolicismo e desde os últimos séculos, a cabeza de cada un dos ritos recibiu de Roma a dignidade patriarcal con algúns poderes. No rito latino o título considérase...

2. Persoa que pola súa autoridade ou sabedoría goza dunha grande autoridade moral ou de veneración.

1. 1. Dignidade ou cargo de patriarca.

   2. Época e duración do goberno dun patriarca.

   3. Territorio sometido á xurisdición dun patriarca. O Concilio de Nicea (325) recoñeceu a tripla xurisdición de Roma sobre Italia, de Alexandría sobre Exipto e Libia, e de Antioquía sobre Asia Menor. O Concilio de Calcedonia (451) sostivo a Palestina en Antioquía para confiala ao patriarcado de Xerusalén e deu ao patriarcado de Constantinopla a xurisdición sobre Asia, Tracia e o Ponto, e así organizou a cristiandade na pentarquía. Os límites actuais dos patriarcados corresponden aínda aos antigos, se ben as diversas escisións crearon un desdobramento de xurisdicións en cada unha das antigas sés patriarcais.

2. Sistema político-xurídico segundo o que os fillos entran a formar parte do grupo ao que pertence o pai e toman nomes, dereitos e poderes que transmiten ao descendente ou descendentes máis inmediatos e directos en liña masculina.

1. Relativo ou pertencente ao patriarca ou ao patriarcado.

2. Que goberna ou exerce a súa autoridade con benevolencia e sinxeleza.

PERSOEIRO

Matemático e astrónomo estadounidense. Dedicouse a examinar os conceptos básicos de álxebra, matrices, probabilidades (onde estableceu o criterio ao que lle deu o seu nome) e outros. Como astrónomo estudou as perturbacións de Urano e Neptuno e os aneis de Saturno.

FILOSOFOS

Filósofo e científico estadounidense, fillo de Benjamin Peirce. Editou e ampliou a obra de seu pai, Linear Associative Algebra (1882), e tamén Studies in Logic, de diversos membros da John’s Hopkins University. Está considerado como un dos fundadores do pragmatismo e a súa obra recolleuse no libro Collected Papers of Charles Sanders Peirce (1931-1958).

GALICIA

Observador meteorolóxico. Foi instrutor de voo de Aviación Civil e instrutor e inspector de Mercancías Perigosas da Federal Aviation Administration en EE UU. Desde 1986 realiza as predicións meteorolóxicas na TVG. Escribiu Guía meteorológica del Camino de Santiago.

MONTES

Monte situado no N da parroquia de Feás (Boborás). O seu cumio acada os 800 m de altitude.

MONTES

Monte situado no extremo NO da parroquia de Lamas de Campos (A Fonsagrada). O seu cumio acada os 768 m de altitude.

MONTES

Monte situado na parroquia de Cernado (Manzaneda). O seu cumio acada os 1.428 m de altitude.

SERRAS

Pequeno sistema montañoso que se estende en dirección SO-NL polo límite dos concellos de Rodeiro, Taboada e Chantada.

SERRAS

Aliñación montañosa situada entre os concellos de Camariñas, Vimianzo e Laxe. O seu cumio, o alto de Rascabolos, acada os 300 m de altitude.

MONTES

Monte situado no SL da parroquia de Beariz, no concello homónimo. O seu cumio acada os 539 m de altitude.

MONTES

Monte situado no extremo S da parroquia dos Remedios (Mondoñedo). O seu cumio acada os 738 m de altitude.

GALICIA

Profesora e escritora. Licenciada en Filoloxía Románica pola Universidade de Santiago de Compostela, estudou belas artes na Academia de San Fernando en Madrid. A súa actividade literaria centrouse na poesía, se ben tamén escribiu teatro e colaborou con diversas publicacións con artigos sobre arte e literatura, especialmente da obra de R. Otero Pedrayo e Álvaro Cunqueiro. Publicou os poemarios Con los pies en la frontera (1976), Ya soy para tu muerte (1980), Galicia, fondo val (1982), en que contrapón o mundo rural ao urbano e onde o amor, a terra e a morte son os temas principais; e O santuario intocable (1992), con algúns elementos mitolóxicos. Ademais, traduciu unha escolma de poemas de Eusebio Lorenzo Baleirón (2000) e publicou as pezas teatrais A volta de Edipo (Premio Abrente de Teatro, 1974) e Algún deus está a soñar. Foi galardoada nos Xogos Minervais de Santiago de Compostela (1970) e nos III Xogos Florais Populares...

PERSOEIRO

Fundador e primeiro rei (632?-654) do Reino de Mercia. Someteu Cheshire, Shrophire e Herefordshire. Morreu na Batalla de Winwaed, enfrontado a Oswy de Northumbria.