"To" (Contén)

Revista que saíu na Coruña en outubro de 1958. A súa periodicidade era mensual nun principio e despois pasou a ser bimensual. Figuraban como colaboradores Manuel Santaella, Xosé Luis Mariño Cea e César Martín, entre outros. Como publicación de tendencia falanxista e fascista as noticias que recollía estaban relacionadas con organizacións como Falange, a Sección Femenina, a Frente de Juventudes, a Organización Sindical, etc. As diferentes seccións que recollía eran “La vieja guardia”, “Cruz y espada”, “Noticias trascendentales” e “Doctrina”. A revista, no seu primeiro número, publicou na portada un poema de Manuel Machado titulado “Francisco Franco” xunto cunha fotografía do ditador.

Boletín que publicou a “Sociedad Cultural y Agraria del Distrito de Mugía” na cidade do Bos Aires. A publicación apareceu probablemente en 1923 pero o primeiro número que se coñece é o número 2, de xaneiro de 1924; o último número é o do 18 de abril de 1934. Na súa coordinación tivo un papel moi importante o poeta muxián Gervasio Paz Lestón, que se converteu en presidente da entidade en maio de 1930. Os contidos eran claramente literarios, incluíanse poemas do propio Gervasio Paz Lestón, de Victorino Abente Lago, Lois Castro Pena, Gonzalo López Abente, do Marqués de Figueroa e doutros escritores. Tamén apareceron contos en galego coa sinatura de Ramón Otero Pedrayo e de Avelino Rodríguez Elías. Reproduciuse por entregas a novela curta Buserana, de Gonzalo López Abente, e unha peza teatral de Leandro Carré Alvarellos. O boletín publicou artigos en galego de Otero Pedrayo, Eduardo Blanco Amor e de Vicente Risco, entre outros moitos intelectuais galegos. Igualmente, publicáronse artigos...

Boletín que saíu na cidade de Santiago en 1935, probablemente relacionado con outro boletín que apareceu no ano 1942 baixo o título de Boletín Diocesano de Acción Católica.

Boletín que xurdiu en maio de 1811 e que se publicou ata que o Cuartel Xeneral marchou de Lugo. A pesar de que se redactaba todos os días tiña unha saída irregular. Estaba dividido en diferentes seccións nas que se falaba das operacións, datos e noticias que tivesen relación co sexto exército. Exemplos dos títulos destas seccións poden ser “Reconocimientos y movimientos de los demás Cuerpos”, “Órdenes del día”, “Actos de valor y heroismo realizados por el ejército y soldados españoles”, “Artículos doctrinales”, “Noticias regionales”, etc.

Boletín que apareceu en Pontevedra no ano 1960. Informaba sobre todos os acontecementos relacionados co concello.

Boletín mensual saído da imprenta de don Antonio Otero por primeira vez en xullo de 1903, e que seguiu a editarse ata finais de 1904. O seu fundador e director, Xosé Casas González, foi substituído polo avogado Enrique Cantón Alvarado en decembro de 1903. Son moitos os clérigos e intelectuais da época que estiveron vinculados a esta publicación. Así, destacan Basilio Álvarez, Lamas Carvajal, Manuel Martínez Sueiro, Antonio Rey Soto, Alfonso Carballo Rey e Marcelo Macías, entre outros. Tiña como obxectivo a defensa dos humildes seguindo as pautas da democracia cristiá, ao tempo que tentaba interromper o progreso das ideoloxías socialistas. Publicou diversos artigos de opinión, aínda que destacou sobre todo por ofrecer información relixiosa, encíclicas do Papa León XIII, ordenanzas dos gremios do Círculo, do mesmo xeito que todo tipo de datos sobre a vida do Círculo Católico de Orense e dos círculos doutras cidades galegas.

  Publicación aparecida na década dos anos 70 do s XX en Santiago, editada pola Comisión de Cultura do propio Colegio. No seu número correspondente a 1975 inclúense artigos e comentarios sobre estudios realizados por Anatole Kopp, Gordon Cullen, Mario Bussagli, Carlos Flores, Xavier Sust. Amais acompañábanse de esquemas e deseños arquitectónicos de diferentes construcións. Entre as seccións figuran: “Traduciones”, “Noticias de libros”, “Revistas recibidas en la Biblioteca del COAG” e “Adquisiciones de la Biblioteca”.

Boletín publicado entre maio de 1811 e o 17 de novembro de 1811. Tiña periodicidade irregular. Editábase na imprenta do Sexto Exército.

Boletín mensual aparecido en Pontevedra no ano 1927. A Deputación fíxose cargo da publicación, mentres que a impresión se realizaba no seu establecemento tipográfico.