"GR" (Contén)

1. Título de margrave.

2. Territorio gobernado por un margrave.

PERSOEIRO

Emperatriz de Bizancio e raíña de Tesalónica, filla do Rei Bela II e de Agnes de Antioquía. Casou en 1185 co Emperador Isaac II Anxo. Enviuvou en 1204 e volveu casar co marqués Bonifacio I de Monferrato, rei de   Tesalónica (?-1207), e posteriormente con Nicolao de Saint-Omer, señor de Tebas.

PERSOEIRO

Raíña de Nápoles, filla do Rei Estevo V de Hungría e de Isabel de Cumania. En 1290 herdou o trono do seu irmán o Rei Ladislau IV de Hungría pero finalmente o sucesor foi o seu curmán André III de Hungría. Casou en 1270 co príncipe Carlos, futuro Carlos II de Nápoles. Renunciou aos seus dereitos ao Reino de Hungría en favor do seu fillo Carlos Martel de Nápoles.

MONTES

Monte situado na parroquia de San Fiz de Monfero (Monfero) que acada os 617 m de altitude.

GALICIA

Mariño mercante. De ideoloxía anarquista, desde moi novo andou embarcado nos vapores que recalaban na costa L de EEUU e do Caribe, contribuíndo xunto cos tamén galegos Juan Vidal e Secundino Brage á organización dos traballadores do mar de diversas nacionalidades na Unión de Fogoneros, Marineros y Similares. Impulsor con Pedro Esteve e Alberto Martín do semanario neoiorquino en lingua española Cultura Obrera, en que asinaba como Xan da Graña, continuou a manter durante a primeira e a segunda década do s XX vencellos cos libertarios galegos a través dos voceiros Germinal e Cultura Libertaria.

PERSOEIRO

Escritor. Cultivou un tipo de peza dramática sentimental e superficial, así como poesía e novela do mesmo carácter. Dirixiu a editorial Renacimiento e foi un dos principais promotores e directores teatrais da época. Publicou a súa primeira obra baixo o título El poema del trabajo (1898). Traduciu ao castelán a Maeterlinck e Rusiñol, e das súas obras destacan Tu eres la paz (1907) e Canción de cuna (1911).

MUNICIPIOS

Municipio da provincia de València, situado na Comunitat Valenciana (13.131 h [2001]). A agricultura dedícase ao cultivo de hortalizas en réxime intensivo, e nos regadíos o arroz tende a desaparecer en favor das laranxeiras. A industria limítase á almacenaxe de froita, produtos metálicos e confección, ademais da embalaxe e os plásticos.

PERSOEIRO

Atleta. Especialista na proba de marcha, foi campión (1993) e subcampión (1995) do mundo na distancia de 20 km, e obtivo a medalla de bronce na distancia de 50 km nos Xogos Olímpicos de Atlanta (1996). Participou tamén nos Xogos Olímpicos de Sydney (2000). Gañou 18 veces o campionato de España en diferentes distancias.

PERSOEIRO

Rei de Hungría (1458-1490), fillo de János Hunyadi e sucesor de Ladislau VI de Hungría. Dedicouse a manter a independencia húngara contra Austria e os turcos. Impuxo a súa vontade aos nobres por medio dun exército negro composto por mercenarios e interveu en Bohemia, onde se fixo coroar (1469). Nunha importante ofensiva contra os turcos, conseguiu reconquistar Bosnia (1463), Moldavia e Valaquia (1467) e Serbia (1482). Pouco despois atacou o Emperador Federico III e amparouse en Viena (1485) e en Estiria (1486).

PERSOEIRO

Monxe e humanista. Colaborou con Aldo Manuzio na edición de libros gregos. En Moscova, en 1515, revisou a tradución eslava dos libros litúrxicos bizantinos e conectou plenamente coa corrente de pobreza monástica propugnada por Nilo de Sora.