"IBE" (Contén)

CORDILLEIRAS

Cordilleira do S da Península Ibérica, que se estende paralela ao Mar Mediterráneo, desde Xibraltar ata o cabo de Gata. É a máis importante e máis meridional das cordilleiras Béticas, cunha altitude de case 2.000 m. O núcleo principal é Sierra Nevada, onde se atopa a súa máxima altitude, o Mulhacén (3.478 m alt). É unha cordilleira constituída por materiais cristalinos e xistos, e calcarios moi metamorfoseados, e na periferia, por sedimentos paleozoicos non metamórficos. As serras principais son, de O a L, a de Ronda, Tejeda, Almijara, Nevada, Baza, Gádor, Filabres e Estancias.

PERSOEIRO

Político. Figura relevante do socialismo ourensán na segunda década do s XX, foi secretario do Centro de Sociedades Obreras de Ourense en 1914. Foi detido en diversas ocasións, como en 1917, despois da folga antidinástica convocada pola UGT e a CNT, e en 1921, despois da folga xeral iniciada en solidariedade coa loita anticaciquil de Vilamartín de Valdeorras. A partir de 1922 afastouse do PSOE e colaborou coa Confederación Regional Agraria de Basilio Álvarez Rodríguez, participando no seu congreso fundacional (1922) como defensor do abolicionismo foral da Federación Provincial Agraria de Ourense. No verán dese mesmo ano achegouse dun xeito temporal ao anarcosindicalismo e asistiu en Vigo á conformación da Confederación Regional Galaica da CNT, que logo representou no mitin celebrado en Ourense en protesta pola represión dos agrarios de Guillarei (Tui). Durante a Ditadura de Primo de Rivera seguiu vinculado á organización agraria ata que se retirou da actividade pública.

MUNICIPIOS

Municipio da provincia de València, Comunitat Valenciana (3.045 h [2001]). A agricultura de regadío é un dos seus recursos económicos básicos. A auga do Júcar aprovéitase principalmente para o cultivo de laranxeiras.