"Sus" (Contén)

PERSOEIRO

Pintor e escultor. Establecido en Galicia, a súa escultura caracterízase pola preocupación pola materia e traballa principalmente o ferro. A súa pintura ten un compoñente abstracto pero relacionado coa neofiguración.

GALICIA

Escultor. Formouse na Real Academia de Bellas Artes de San Fernando e foi bolseiro da Fundación Juan March. A súa obra evolucionou desde o realismo cara a formas máis libres que dominan a anatomía. Traballou a madeira, o ferro, materiais de refugallo e outros. Amosáse tamén como un gran debuxante. Das súas obras destacan Maternidade (1964), Figura con neno (1974), Figura ecuestre (1985), Afirmación da palabra (1989) e Homenaxe á muller viguesa (1993). Recibiu, entre outros, o Premio Nacional de Escultura en 1967.

PERSOEIRO

Poeta. Coñecido como Lorenzo Varela, os seus primeiros anos transcorreron entre Cuba e Arxentina. Regresou á Península e na súa xuventude participou, xunto con Ramón Piñeiro, na fundación da Federación de Mocedades Galeguistas, en Lugo. En 1935 trasladouse a Madrid para estudar filosofía e letras, foi membro das Misións Pedagóxicas e colaborou no diario El Sol e, con outros intelectuais galegos, no grupo de Poetas Andantes e Navegantes (PAN). Afiliado ao Partido Comunista, durante a Guerra Civil Española comandou unha brigada, ademais de participar na redacción das revistas Hora de España e El Mono Azul, ata que se exiliou forzosamente en Francia e, posteriormente, en México (1940). Alí fundou e codirixiu a revista Romance e colaborou en Taller, dirixida por Octavio Paz. En 1941 estableceuse en Bos Aires e fundou, con A. Cuadrado e L. Seoane, Correo Literario; ademais colaborou con outros medios, como De Mar a Mar, La Nación...

GALICIA

Médico. Especializado en rehabilitación, cirurxía ortopédica e traumatoloxía, foi director da Escola Universitaria de Enfermería, presidente da Asociación Galega de Medicina deportiva e médico na Vila Olímpica de Barcelona 92. Recibiu o 1º Premio Nacional de Rehabilitación (1979) polo traballo “Rehabilitación de la mano postraumática”. Publicou Tradiciones, mitos, creencias y curanderismo en medicina popular de Galicia (1989) e El Masaje terapéutico y deportivo (1991).

GALICIA

Presentador e actor. Presentou diversos programas de televisión, como La 5ª Marcha, Hablando se entiende la basca, Popstar, Gran Hemano, Hotel Glamour e Operación Triunfo. Participou no filme El que no corre vuela (1999), na obra de teatro La importancia de llamarse Ernesto (1995) e gravou o disco A dos milímetros escasos de tu boca (1994).

GALICIA

Pintor, deseñador gráfico e escenógrafo. Coñecido como Suso Montero, formouse na Escola de Artes e Oficios Pablo Picasso da Coruña. No eido teatral iniciou a súa traxectoria con Troula para despois realizar traballos co Centro Dramático Galego, como Caderno de Bitácora (1985), Un refaixo para Celestina (1993) e A fiestra valdeira (1994). Con Ollomoltranvía colaborou en Commedia, un xoguete para Goldoni (1993) e O rei nu (1995), e con Áncora en Ladraremos (1995), Fábula (1996) e Anatomía dun hipocondríaco (1997). Tamén realizou traballos para Artello, Ollomol Teatro Submarino, Teatro do Noroeste, TBO, Teatro do Atlántico, ademais de decorados da TVG.

GALICIA

Escultor. Coñecido como Xuxo Vázquez, formouse na Escola de Artes e Oficios de Vigo, da que foi profesor, e no Círculo de Bellas Artes de Madrid. Desde os seus inicios abandonou os modos tradicionais da escultura para incorporar as tendencias máis vangardistas. Realizou obras figurativas e abstractas, con diversos materias, e fixo medallas de diversos personaxes da cultura galega. Destacan Guerreiro I (1989), Fiel (1990), Zigurat (1997), Dolmen de auga (1998) e Abertura dun disco I (2002). Foi premiado na Bienal de Pontevedra de 1973 con A marcha das cargas eternas e na de 1978 con Torso rosa. Recibiu o Premio Tomás Fernández Prieto da Casa Nacional de la Moneda (1974 e 1984).

GALICIA

Pintor. De formación autodidacta, cultivou tamén o gravado e a escultura. Realizou paisaxes en que inscribiu diversos obxectos. A súa obra evolucionou desde unha pintura reivindicativa cara á abstracción, apoiada nunha base culturalista.

PARROQUIA

Parroquia do concello de Oia baixo a advocación de san Miguel.

GALICIA

Escritor. Traballou no servizo de normalización lingüística da universidade compostelá e como asesor lingüístico da TVG. Colaborou no poemario Ao mar de adentro (1998) e escribiu os relatos “Realmente Inês...” (1990) ou “A busca ou a burla” (Premio Curuxa de Humor Literario, 1991). Publicou Liques da memoria (1993, Premio de Poesía Fermín Bouza Brey 1992), O devalo do mar (1994), A sotavento dunha singradura (1995), Casa ou sombra (1997, Premio Cómaros Verdes) e Días de Sherezade (1999).

GALICIA

Comerciante e filántropo. Emigrou a Cuba, onde presidiu o Centro Galego de La Habana. Enviou material didáctico para as escolas de Ortigueira, apoiou a creación do periódico El Escolar, a investigación científica e literaria e o establecemento do monumento a Pastor Díaz en Viveiro. Regresou a España en 1898. Recibiu a cruz de cabaleiro da Orden de Isabel La Católica.

CONDADOS

Condado de Inglaterra, Reino Unido (1.988 km2; 753.614 h [2001]). A súa capital é Chichester.

ENTRADA LARGA

Mesías. Aínda que a existencia de Xesús de Nazaret foi cuestionada por algúns, ninguén a pon en discusión. Ao redor das datas da Pascua xudía (a comezos da primavera) foi crucificado nas aforas de Xerusalén un xudeu a quen chamaban Xesús de Nazaret. Con posterioridade, polo menos no ámbito cultural occidental, este personaxe histórico pasou a ser chamado Xesús Cristo. Sen dúbida, coa pretensión de unir ao seu nome (Xesús) o título de Cristo que parecía ser o que mellor designaba a súa identidade relixiosa tanto no seu Israel natal como no ámbito da Igrexa dos seus discípulos.
O problema das fontes
O primeiro problema que se presenta para coñecer o Xesús histórico é o das fontes. Entre a segunda metade do s I e os comezos do s II, redactáronse, no ámbito das primeiras comunidades cristiás, os Evanxeos. Foron escritos nun xénero literario peculiar que non pode ser entendido como unha biografía no sentido actual. Aínda que case todo o mundo está de acordo en...

PERSOEIRO

Física nuclear. Desenvolveu, en colaboración con Salomon A. Berson, a técnica do radioinmunoensaio (1959). Realizou importantes investigacións so­bre a insulina plasmática e a diabete. En 1977 recibiu, xunto con R. Guillemin e A. V. Schally, o Premio Nobel de Fisioloxía ou Medicina.

CIDADES

Cidade do ken de Kumamoto, na illa de Kyūshū, Xapón (107.438 h [estim 1994]). Ten produción de fibras artificiais e industria do papel.