"AP" (Contén)

Nome grego de Trebisonda.

Abadía situada preto de Soligny-la-Trappe, no departamento de Orne, Baixa Normandía. Fundada en 1140 con monxes beneditinos, pasou en 1147 á reforma do Císter, ata que en 1664 o abade Armand Jean Le Bouthillier de Rancé instaurou nela unha observancia estrita que deu orixe á orde de Trapa.

Extraviar(se) un ou varios papeis entre outros.

Controversia iniciada pola política conciliatoria do Emperador Xustiniano I cara aos monofisitas. Os Tres Capítulos eran escritos de Teodoro de Mopsuestia, Teodoreto de Ciro e Ibas de Edesa que Xustiniano condenou como nestorianos. En Occidente, a decisión imperial foi tomada como un ataque ao Concilio de Calcedonia, e o Papa Vixilio rexeitou aceptala. Convocado á Corte, tivo que asinar baixo presión o Iudicatum (548) ou condena dos Tres Capítulos, aínda que despois retractouse. Coa convocatoria do Concilio II de Constantinopla (553), na que o emperador condenou os Tres Capítulos, Vixilio tivo que recoñecer finalmente a condena, ao ser sometido a prisión e torturas en Constantinopla.

Tribunal supremo eclesiástico de casación constituído por seis cardeais elixidos polo papa, que xulga normalmente cuestións sobre violación do segredo por parte de auditores da Rota ou sospeitas sobre a súa actuación, nulidade das súas sentenzas, conflitos de competencia entre tribunais eclesiásticos menores e outras causas. A súa denominación provén da sinatura que estampaba o papa nos documentos de resposta.

Tribunal eclesiástico colexiado, ordinario, con sede en Madrid, constituído principalmente para recibir as apelacións contra as sentenzas eclesiásticas pronunciadas en España. Tivo a súa orixe no Tribunal del Nuncio que,a instancia de Carlos V, o Papa Clemente VII concedeu a España en 1529 como tribunal de apelación onde, amodo de privilexio, puideran terminarse as causas españolas sen necesidade de acudir a Roma. Este tribunal reformouno Clemente XIV en 1771 mediante a constitución Administrandae iustitia zelus e concedeulle unha organización similar ao da Rota Romana, polo que a partir de entón se denominou Rota de la Nunciatura Apostólica ou Tribunal de la Rota de la Nunciatura Apostólica. No s XIX suspendeuse en 5 ocasións, a causa das persecucións políticas contra a igrexa española. Pío XI suprimiuno o 21 de xuño de 1932, debido ás circunstancias particularmente antieclesiais creadas durante a Segunda República. Pío XII restableceuno o 7 de abril de 1947 mediante o motu...

Xénero de fungos, da clase dos basiodiomicetos, que teñen o sombreiro pequeno, semicircular, coa cutícula pilosa e están unidos ao substrato lateralmente. En Galicia pódese atopar en zonas de coniferópsidos a especie T. abietinum.

Corporación rexional de Trinidad e Tobago, na illa Trinidad (170.767 h [2000]).

Instrumento de percusión de orixe vasca que consiste nuns taboleiros de madeira colocados horizontalmente sobre uns cestos e que se percuten cuns paus. Tocada por dous txalapartariak, un marca o ritmo binario e outro improvisa. Antigamente utilizouse para transmitir noticias a distancia.

chapela.