"An" (Contén)

PERSOEIRO

Navegante e explorador neerlandés. Despois de diversas viaxes de exploración ao servizo da Compañía das Indias Orientais, entre 1642 e 1643, realizou unha viaxe para a exploración do hemisferio sur, en que descubriu Tasmania, Nova Zelanda, Tonga e as Fixi.

1. 1. Relativo ou pertencente a Tasmania ou aos seus habitantes.

   2. Natural ou habitante de Tasmania.

2. 1. Relativo ou pertencente ao pobo tasmaniano.

   2. Individuo do pobo tasmaniano.

   3. Antigo pobo, considerado como unha subetnia dos pobos melanésidos, que habitaba na illa de Tasmania. Foi un dos primeiros pobos que chegou a Oceanía. A causa do seu illamento, a súa cultura evolucionou moi pouco. Descoñecían o lume e a cerámica, e agrupábanse en tribos e subtribos, que mantiñan entre elas continuas hostilidades.

PERSOEIRO

Poeta e literato italiano. Formouse nas universidades de Boloña, Pisa e Ferrara. A súa obra principal, La secchia rapita (1622), é un poema heroico-burlesco en doce cantos, escrito en oitavas, que ten como argumento a guerra entre os habitantes de Modena e Boloña pola posesión dun cubo de madeira.

CAPITAIS

Capital do megye de Komárom, Hungría (72.000 h [2000]). É un centro comercial e industrial ao NO de Budapest.

PERSOEIRO

Caudillo dos síux de Dakota. Coñecido como Touro Sentado, en 1856 xa destacou como líder guerreiro e en 1866 chegou a xefe supremo dos síux do N. Derrotou (1876) as tropas do xeneral G. Custer na Batalla de Little Bighorn (25.6.1876). Refuxiado en Canadá (1877-1881) volveu a EE UU ao ser amnistiado. Nos anos seguintes formou parte do espectáculo de Buffalo Bill. Foi asasinado ao ser considerado unha ameaza, por practicar unhas danzas cuxo significado era o de expulsar ao home branco das terras indias.

REPUBLICAS

República Federal de Rusia (68.000 km2; 3.783.600 h [estim 1999]). A súa capital é Kazan’. Situada na confluencia do Kama co Volga, a poboación está composta maioritariamente por tátaros (48%) e rusos (44%). Ten industria química de caucho sintético, plásticos, adobes minerais, construcións mecánicas e industria do metal. Tamén destacan os cultivos de cereais e cultivos industriais.

PERSOEIRO

Romanista. Catedrático de Filoloxía Románica e profesor emérito da Universidade de Roma La Sapienza. É autor de numerosas obras sobre poesía medieval provenzal, francesa, galego-portuguesa, catalá e castelá, e estudou a vida e obra de Gil Vicente e Camões, a literatura portuguesa do s XVI e a poesía contemporánea portuguesa, galega e catalá. Das súas obras destacan Repertorio metrico della lirica galego-portoghese (1967), La poesia lirica galego-portoghese (1980), Ensaios portugueses: filologia e linguística (1980), Poesia e ritmo: proposta para uma leitura do texto poético (1983), Methodologie et practique de l’édition critique des textes littéraires contemporains (1985), As Cantigas de escarnio (1995) e Trovadores e Jograis. Introdução à Poesia Medieval Galego-Portuguesa (2002); e edicións críticas como A poesía de Airas Nunez (1992), Arte de trovar do Cancioneiro da Biblioteca Nacional de Lisboa (1999) e...

MUNICIPIOS

Municipio da provincia de València, Comunitat Valenciana (8.653 h [2001]).

PERSOEIRO

Realizador cinematográfico francés. A partir da década de 1970 desenvolveu unha obra baseada no estudo da historia e do cotián. Da súa filmografía destacan Que la fête commence! (1974), Le juge et l’assassin (1975), Un coup de torchon (1981), Un dimanche à la campagne (1984), Round Midnight (1986), Daddy Nostalgie (1990), L-627 (1992), L’âppat (1995, Goldener Bär no Festival de Berlín), Capitaine Conan (1996) e Holy Lola (2004).

GALICIA

Dramaturgo e guionista. Pioneiro do teatro galego, é autor da primeira peza teatral representada en galego polo grupo Troula O Velorio (1978). Seguíronlle Lenta raigame (1982), Caderno de bitácora (1985) e Casta i Albito (2003). Colaborador de La Voz de Galicia, Faro de Vigo e A Nosa Terra, participou en diversos programas da TVG e de RNE, como “Catro Ventos” (RNE 1) e “O láparo cabileiro” (Radio 4). Foi guionista do conto A tola (1974), de M. Gato; e dos filmes O cadaleito (1976) e O caso das galiñas aforcadas (1991). Como actor participou nas producións Fendetestas (1975) e La novia de medianoche (1997).

ENTRADA LARGA

Estado do SL de Asia central que limita ao O e ao NO con Uzbekistán, ao NL con Kirguizistán, ao L con China e ao S con Afganistán (143.100 km2; 6.237.000 h [estim 2000]). A súa capital é Dušanbe.
Xeografía

Xeografía física
Máis da metade do territorio está por riba dos 3.000 m. O territorio atópase nunha zona de intensa actividade sísmica. Distínguense catro rexións fisiográficas: na metade oriental, o Pamir, que culmina no pico Comunismo (7.495 m); as cordilleiras de Turkestán, Zer ǎ vsan e de Gissar ao NO; o extremo O do val de Fergana ao N; e os vales de Vachš, Gissar e Amudarja ao SL. O clima é continental, suave nos vales e extremo nas montañas. As precipitacións son escasas e aumentan cara ao SO. Os ríos máis importantes son o Amudarja, o Sydarja e os seus tributarios. A maioría percorren as rexións centrais e do O, e desembocan no mar de Aral. É importante tamén o lago Karakul’....

GALICIA

Xornalista e escritor. Traballou en El Diario Universal e La Mañana e foi redactor xefe de El Fígaro, e correspondente en Lisboa, Roma e París. Escribiu as novelas Charla. Críticas al día (1912), La vida a distancia (1923), Mi amigo el soldado Kanya (1943) e Amores de las reinas de España (1944), e relatos curtos, traducións e biografías de persoeiros relevantes da época, como Honor y amor al mar: cuatro vidas de navegantes españoles: el Duque de Osuna, Francisco Ribera, el Marqués de la Victoria, Pedro Alonso Niño (1945) e Políticos del siglo XIX (1951).

PERSOEIRO

Soprano neocelandesa. Formada en Londres, destacou en papeis mozartianos. Debutou no Covent Garden en 1970 e en 1978 interpretou a Dona Elvira na ópera Don Giovanni, filmada por J. Losey. Tamén destacou nas representacións de The Marriage of Figaro.