"CIO" (Contén)

Acción e efecto de implantar ou implantarse.

1. Inserción dun implante.

2. Anastomose cirúrxica terminolateral.

3. Introdución subcutánea dun medicamento sólido coa finalidade principal de conseguir unha absorción metabólica lenta.

4. implantación coclear

   Técnica cirúrxica empregada para o tratamento da xordeira bilateral profunda, baseada na implantación dunha prótese que, mediante unha estimulación eléctrica directa sobre o nervio auditivo, produce no paciente unha sensación de audición. Mediante un proceso de rehabilitación chégase, en moitos casos, á discriminación de todos os sons e as palabras do idioma, o que permite a reincorporación a unha vida social normal.

Fixación na mucosa uterina do ovo fecundado.

Procedemento que consiste en bombardear un material con átomos ionizados de suficiente enerxía para penetrar máis aló da capa superficial do material. A introdución destes ións permite cambiar as propiedades do material implantado; esta técnica é amplamente utilizada en electrónica e en metalurxia. Permite controlar de maneira precisa a cantidade de átomos introducida e a profundidade de penetración.

Acción e efecto de implicar ou implicarse.

Relación formal que consiste no feito de que unha idea ou proposición non implica outra. Na lóxica simbólica exprésase mediante o signo „ e nas matemáticas utilízase o símbolo .

Acción de importar.

1. Cousa importada.

2. Conxunto de bens e servicios que importa un país. O volume de importacións é compatibilizado na balanza de pagamentos, onde non se distingue entre as adquisicións de materias primas e produtos acabados (importacións visibles) e de servicios (importacións invisibles), e as de bens de capital en forma de investimentos ou préstamos.

1. Acción e efecto de impoñer ou impoñerse.

2. Cantidade de diñeiro que se impón.

3. imposición de mans

   Xesto mediante o que se consagran ou bendicen persoas ou cousas.

4. imposición da cinsa

   Cerimonia do mércores de cinsa consistente en impoñer unha pouca cinsa sobre a cabeza dos fieis en sinal de penitencia.

1. imposto.

2. Volume de impostos atribuídos a un período.

Distribución dun determinado número de páxinas, na orde e posición preestablecidas e coas marxes indicadas, sobre unha superficie axeitada para que, unha vez impreso e pregado o folio, queden correctamente ordenadas.

Acción e efecto de impregnar ou impregnarse.

Proceso de fixación e resposta de seguimento e comportamento social e sexual que presentan todos os anseriformes e algúns rálidos. É un proceso irreversible e ten lugar durante as primeiras 48 horas de vida.

Extensión dun aglutinante bituminoso líquido sobre unha capa porosa dunha superficie para darlle impermeabilidade e cohesión.

Recubrimento pictórico dun alto contido de cargas e pigmentos co que se aplica unha primeira capa sobre unha superficie para asegurar unha boa adherencia do recubrimento definitivo. Da imprimación depende a luminosidade da obra.

Acción de improvisar.

1. Cousa improvisada.

2. Execución musical espontánea non codificada nin escrita. Na música polifónica medieval, improvisábase sobre un canto dado. A partir do s XVI foi a base da música instrumental que acompañaba e enriquecía o canto. Formas musicais baseadas na improvisación foron o preludio, o tiento, a intonatio, a fantasía e o ricercare. Nos ss XVII e XVIII foi limitada aos instrumentistas de teclado e ás cadencias de concertos e música vocal. A música de jazz está estreitamente vinculada á improvisación.

3. Invención de diálogo no curso dunha interpretación. A improvisación constitúe unha das características principais da commedia dell’arte. Nas técnicas modernas empregouse a improvisación de diálogo e accións durante os ensaios como unha medida de integración do actor no proceso de creación.

Acción e efecto de impugnar.

Actividade dirixida a combater a validez ou eficacia dun acto xurídico. A impugnación máis xeneralizada é o recurso.

Acción e efecto de imputar.

Asignación de rendas, pagos ou custos asignables a un determinado destino.

Operación de cálculo da lexítima en virtude da que o que se recibira como herdeiro, legatario ou donatario diminúe a parte de valor da masa hereditaria que se ten dereito a percibir.

Aplicación dun pagamento a unha débeda determinada cando son varias as débedas que un debedor mantén cun mesmo acredor.