"An" (Contén)

Abolición completa ou parcial dos movementos dunha articulación móbil. Pode estar causada pola rixidez dos tecidos intraarticulares, por modificacións periarticulares ou ben pola soldadura dos ósos que constitúen a articulación (anquilose verdadeira). Existe a anquilose cirúrxica empregada como medio terapéutico.

erme dun ou dous cm de longo e menos dun mm de diámetro, de cor branca ou rosada, parasito do home, con algúns estadios de vida libre. Presenta unha cápsula bucal provista de catro garfos cos que se fixa ao intestino delgado, onde se alimenta de células da mucosa intestinal do hóspede. Ao mesmo tempo segrega toxinas hemolíticas causantes da patoloxía denominada anquilostomiase, de aparición cosmopolita.

Enfermidade causada polo anquilostoma, parasito que penetra a través da boca ou de feridas na pel do hóspede ata fixarse no intestino delgado. Prodúcese principalmente nas zonas tropicais e subtropicais e soe afectar as persoas que traballan en profundidade, como os mineiros, polo que tamén se denomina anemia dos mineiros.

Aceleración da velocidade dunha certa reacción dunha molécula orgánica por efecto da participación dun grupo veciño do centro reactivo, que aparentemente non está implicado.

Heroe troiano. Dos seus amores con Afrodita naceu Eneas quen o salvou do incendio de Troia.

Siglas coas que se coñece a máis importante das axencias de noticias italianas de información xeral. Fundada en 1945, ten a central en Roma.

Antigo nome galego procedente do xermánico ans ‘Deus, divindade’ e wald ‘poder, forza’. Este antropónimo parece corresponderse coa forma moderna Osvaldo. Non existe santo con este nome.

Antiga cidade do reino de Elam, de localización incerta.

Anexión de Austria ao Terceiro Reich alemán (13.3.1938). A unión fora proposta por primeira vez polo Partido Socialista Austríaco ao final da Primeira Guerra Mundial. A ascensión de Hitler ao poder en Alemaña fortaleceu as milicias fascistas austríacas de Seyss-Inquart, partidarias da anexión, sobre todo despois do esmagamento dos socialistas en febreiro de 1934. En marzo de 1938 as tropas alemanas invaden Austria e proclámase a anexión, ratificada en abril por plebiscito.