"CIO" (Contén)

1. 1. Acción e efecto de informar ou informarse.

   2. Noticia ou noticias que se queren coñecer.

   3. Contido dun ou máis datos, nos que se fai abstracción da representación concreta que adopta.

   4. información xenética

      Conxunto de caracteres hereditarios que se transmiten polos xenes.

   5. teoría da información

      Teoría matemática que trata a transmisión, o almacenamento e a transformación da información. Comprende todos os aspectos da comunicación humana e entre máquinas. Baseándose nos traballos de N. Nyquist e R. W. L. Hartley feitos entre 1924 e 1928, C. E. Shannon expuxo en 1948 unha teoría, chamada da comunicación, sobre a transmisión da información, que deu lugar a este apartado relacionado coa cibernética. Cómpre salientar igualmente as achegas de Gabor, Weaver, Wiener e Tuller.

2. Oficina ou departamento destinados a informar algo.

PUBLICACIÓNS

Publicación que xurdiu en 1991 nunha terceira etapa como continuadora do Boletín de Información Teatral da Escola Dramática Galega e do Boletín de Información Teatral. Conta con novos colaboradores, como Roberto Salgueiro, Mª Xosé Queizán, Maite Rodal ou Euloxio R. Ruibal. Nesta etapa introduciu un caderniño central de textos dramáticos tanto de autores estranxeiros coma galegos, ademais dunha nova sección “Opinión desde a butaca”. Os seus últimos números eran monográficos.

1. Acción e efecto de ingurxitar.

2. Repleción dos tecidos ou condutos producida por unha estase sanguínea.

1. Acción de inhabilitar.

2. Pena que consiste na incapacitación para exercer os cargos públicos e na restrición dos dereitos civís ou políticos.

1. Acción e efecto de inhalar.

2. Substancia ou vaporización que se emprega nas inhalacións.

1. Acción e efecto de inhibir ou inhibirse.

2. Detención ou restrición da función dun órgano ou dunha actividade fisiolóxica determinada polo feito de estar alterada a acción que exercía un centro nervioso, unha substancia ou unha hormona específica.

3. 1. Supresión parcial ou completa da actividade espontánea ou condicionada dun sistema excitable (un órgano, un centro nervioso), debido a unha causa física ou mental.

   2. Estado psíquico que tende a frear ou evitar os modos de expresión que poderían revelar publicamente o carácter ou os pensamentos dun individuo.

4. Acción reversible ou irreversible dunha substancia sobre un enzima, de maneira que non lle permite actuar. Na inhibición non competitiva a presenza do substrato non inflúe sobre a reacción do inhibidor coa molécula do enzima, e a acción inhíbese completamente; un exemplo é o bloqueo dos enzimas respiratorios polo ión cianuro. A inhibición competitiva preséntase cando unha molécula orgánica, estruturalmente semellante ao substrato, pode unirse reversiblemente ao centro activo dun enzima. Na inhibición alostérica o inhibidor únese reversiblemente ao enzima nalgún centro diferente do centro activo, pero deforma a estrutura da molécula do enzima e impide a unión do substrato. Este tipo de inhibición é moi importante na regulación de moitas vías metabólicas polo proceso de inhibición retroactiva.

1. Acción e efecto de iniciar ou iniciarse.

2. Conxunto de ritos e cerimonias polas que un membro xa formado dun clan ou dunha tribo é admitido na comunidade. Estas cerimonias comprenden unha simbolización das ideas de forza, de proba e de dor e a instrución nas leis do clan ou da tribo transmitidas oralmente. Normalmente, efectúase no paso á puberdade e pode implicar ablacións, incisións ou marcas corporais e a segregación de ambos os sexos.

3. Conxunto de rituais polos que un candidato é admitido nunha sociedade relixiosa como membro efectivo, cunha instrución previa nos seus segredos e na súa teoloxía. As relixións mistéricas, como a do culto á Mitra, iniciaban os seus neófitos co Bautismo e, con frecuencia, cunha comida sacramental. Na relixión cristiá, os rituais de iniciación comprenden o Bautismo, a Confirmación e a Eucaristía.

1. Calidade de inmediato.

2. Territorio próximo que rodea un lugar.

3. Conxunto de dereitos atribuídos ao sucesor inmediato dunha vinculación.

1. Acción e efecto de inmobilizar.

2. Tratamento empregado para sandar certas enfermidades articulares, na redución de fracturas e en determinadas afeccións nerviosas e mentais.

3. Conversión de recursos monetarios líquidos en bens de difícil realización.