"An" (Contén)

CIDADES

Cidade da provincia de Pavia, na Lombardía, Italia (64.672 h [2001]). Situada á dereita do Ticino, destaca a industria do calzado.

PERSOEIRO

Arquitecto. Transformou a igrexa da Madeleine de París (comezada en 1764 na época de Luís XVI) no templo da Gloire (1806-1828), con planta de cruz latina, con cúpula e interior, frontón na fachada e pórticos con columnas.

GALICIA

Xornalista e deseñador gráfico. Realizou ilustracións para a revista viguesa Tintimán (Premio Medios de Comunicación da RNE-Galicia) e para o Diario de Galicia. Diagramador editorial de Edicións Xerais de Galicia, ilustrou os libros Proyecto Pomba Dourada (1987) e Contos por palabras (1991).

GALICIA

Historiador da arte. Especializouse no estudo da arquitectura e da cidade nos seus aspectos histórico-artísticos desde o s XVI ata o s XX, fundamentalmente no s XVIII. Foi asesor histórico-artístico do Plan Especial de Protección e Rehabilitación do Barrio da Madalena de Ferrol e da reconstrución virtual do Arsenal de Ferrol, e director de diversos proxectos de investigación. Das súas obras destacan Arquitectura y urbanismo en el Ferrol del siglo XVIII (1984) e La arquitectura de la Ilustración. Clasicismo y Neoclasicismo (1995); ademais coordinou Fontes escritas para a Historia da Arquitectura e do Urbanismo en Galicia (séculos XI-XX) (2000) e dirixiu Planos y dibujos de arquitectura y urbanismo. Galicia en los siglos XVI y XVII (2003).

IGREXAS

Igrexa situada no centro histórico de Vigo. Antiga colexiata, comparte a condición de cátedra do bispo da diocese de Tui-Vigo coa catedral de Nosa Señora da Asunción de Tui. Obra de Melchor de Prado, construíuse a partir de 1815 en estilo neoclásico. Ten planta basilical de tres naves. As laterais sepáranse da central por monumentais columnas toscanas sobre as que se estende un entaboamento con métopas e tríglifos; sobre este atópase unha cornixa na que se apoia a bóveda de canón, en cuxo arranque se abren vans en forma de arco que iluminan cenitalmente o templo. A fachada está enmarcada por dous campanarios. O corpo central remata nun frontón clásico e sobrio. No interior acóllese a imaxe do Santísimo Cristo da Vitoria. Foi declarada BIC en 1946.

IGREXAS

Igrexa parroquial situada en Vigo. Proxectouna Manuel Felipe Quintana e construíuse entre 1896 e 1907 en estilo neogótico. Ten tres naves, a central de maior altura e anchura, cubertas con bóveda de cruzaría, reforzadas por contrafortes laterais que rematan en pináculos. As naves laterais sepáranse da central por arcadas e piares compostos. A ábsida é poligonal. O interior ilumínase a través das vidreiras das ventás e dos óculos trilobulados dos muros laterais. O exterior presenta un aspecto macizo polo reducido número de vans. A fachada principal organízase en tres rúas: a central, de maior anchura, está composta por un corpo baixo amodo de pórtico tripartito, e nun corpo superior no que destaca unha gran ventá de estilo oxival; as laterais rematan en campanarios finalizados en torres piramidais.

PERSOEIRO

Biblista. Foi profesor de Sagradas Escrituras e de hebreo no Séminaire de Saint-Sulpice (1868) e no Institut Catholique de París (1890). Escribiu, entre outras obras, Manuel biblique (1879-1880) e Ditionnaire de la Biblie (1891-1912).

GALICIA

Pintor. Coñecido como nitodavila, comezou a debuxar á plumiña para despois traballar, case en exclusiva, ao óleo. A súa obra reflicte a estética natural do ser humano, que aborda desde a presenza do corpo e desde a evocación da persoa mediante bodegóns. Traballa sobre lenzo engurrado, pois non emprega o bastidor, cunha paleta de terras, vermellos e brancos. Realiza os retratos a tamaño natural e foxe do hieratismo do retratado. Entre as súas obras destacan Cabeza de Bautista (1999), Maestitia (2000), Mi padre (2000) e El Grano (2001).

GALICIA

Impresor. Instalou os seus obradoiros tipográficos en Santiago de Compostela entre 1804 e 1812. Tirou do prelo Oración fúnebre (1804) e, durante a Guerra da Independencia, numerosos folletíns, follas soltas e xornais. Entre 1809 e 1820 traballou na Coruña, onde imprimiu o Diario de La Coruña. Tras a voda da súa filla co impresor Verea trasladou os seus obradoiros a Pontevedra.

IGREXAS

Igrexa parroquial situada en Castroverde. Coñecida como A Catedral, mandouna construír Fernando de Castro en 1457 para acoller unha comunidade franciscana. Ten planta rectangular cunha soa nave, dividida en tres tramos e cuberta con bóvedas de cruzaría tripartita. O presbiterio cóbrese cunha bóveda de cinco claves. A portada principal está formada por tres arquivoltas aguzadas que se apoian en tres pares de columnas acobadeladas e imbuídas que teñen capiteis vexetais. Ante a portada construíuse un pórtico renacentista con cinco vans e frontón triangular. Foi declarada BIC en 1979.

GALICIA

Enxeñeiro e escritor. Fundador da Casa de Galicia Celso Emilio Ferreiro de Pasaia e presidente da Casa de Galicia en Gipuzkoa (1995-1999), é autor de El aguardiente y la queimada (1995), Lareiras de Galicia (1998), La gastronomía en los caminos de Santiago por Gipuzkoa (1999) e Gallegos en Sestao: 50 años (1952-2002) (2002).

MUNICIPIOS

Municipio situado na provincia de Barcelona, Catalunya (56.841 h [2001]). Destacan as industrias metalúrxicas, de electrodomésticos, alimentación, química e outras relacionadas coa construción e o transporte.

MUNICIPIOS

Municipio situado na provincia de Girona, Catalunya (4.303 h [2001]).

PARROQUIA

Parroquia do concello de Trabada baixo a advocación de san Xoán.

MUNICIPIOS

Municipio situado na illa de Mallorca, Illes Balears (2.466 h [2001]).

MUNICIPIOS

Municipio situado na provincia de Barcelona, Catalunya (31.248 h [2001]). É unha vila mercantil e comercial, onde os seus polígonos industrias esténdense ata os termos veciños.

1. Relativo ou pertencente a Vilagarcía de Arousa ou aos seus habitantes.

2. Natural ou habitante de Vilagarcía de Arousa.