"AND" (Contén)

PERSOEIRO

Escritor dinamarqués. De orixe humilde e formación autodidacta, estableceuse na RDA en 1949. A súa obra literaria, composta de novelas e narracións autobiográficas, reflicte a situación do proletariado. Entre as novelas cómpre mencionar Pelle Erobreren (‘Pelle o Conquistador’), escrito entre 1906 e 1910, e Morten hin Rode (‘Martiño o Rubio’), publicada en 1945. Deixou libros de viaxes e de ensaio; destaca na narración curta.

PERSOEIRO

Escritor arxentino. É autor dunha notable Historia de la literatura hispanoamericana (1954) e de estudos literarios como Ensayos (1946), La crítica literaria contemporánea (1957) e Teoría y técnica del cuento (1979), entre outros. Dedicouse tamén á narrativa, con obras como Fuga (1953), La sandía y otros cuentos (1969), El leve Pedro (1976) e El milagro y otros cuentos (1985).

PERSOEIRO

Historiador económico escocés. É autor de An Historical and Cronological Dedution on Trade and Commerce (‘Unha dedución cronolóxica e histórica do comercio’), que foi empregada dende 1762 polos economistas clásicos ingleses.

PERSOEIRO

Físico norteamericano. En 1930 comezou un estudo exhaustivo das partículas ionizadas producidas polos raios cósmicos. Mediante unha cámara de Wilson observou en 1932 a existencia efectiva do positrón, partícula definida teoricamente por Dirac pero non observada ata ese momento. Con este descubrimento acadou o Premio Nobel de Física no ano 1936, que compartiu co seu colega Victor F. Hess.

PERSOEIRO

Xeólogo escocés. Estudiou a dinámica das fallas, as intrusións ígneas, a alineación dos xistos e o vulcanismo; e deu unha primeira explicación das liñas de Becke, importante método da óptica mineral.

PERSOEIRO

Pastor escocés, xefe dunha loxia de francmasóns. Redactou as constitucións da francmasonería en The Constitutions of Free-Masons (1723) e publicou Royal genealogies (Xenealoxías reais, 1732).

PERSOEIRO

Economista e empresario agrícola escocés. Na súa obra Essays Relating to Agriculture and Rural Affairs (Ensaios relacionados coa agricultura e os asuntos rurais, 1775), definiu a teoría da renda diferencial da terra.

PERSOEIRO

Soprano norteamericana considerada, no repertorio italiano, a sucesora de J. Sutherland. Debutou, por vez primeira, no New York City Opera (1978) e axiña se converteu nunha cantante de proxección internacional.

PERSOEIRO

Realizador e crítico cinematográfico inglés. Foi o principal promotor e teórico do free-cinema. Iniciouse no cinema coa realización de documentais, nos que xa apuntaba unha decidida vontade testemuñal e crítica. En 1957 realizou o transcendental Every Day except Christmas (‘Todos os días agás Nadal’), obra básica do free-cinema. Con If (‘Se’,1969) gañou a Palma de Ouro do festival de Cannes dese mesmo ano. Tamén dirixiu Lucky Man (‘Home afortunado’, 1973) e The Whales of August (‘As baleas de agosto’,1987).

PERSOEIRO

Contralto norteamericana. O seu repertorio comprendía tanto negro-espirituais coma obras dos románticos alemáns. Foi a primeira cantante afroamericana admitida no Metropolitan Opera House de Nova York (1955).

PERSOEIRO

Dramaturgo norteamericano. Tentou renovar o teatro en verso e foi autor de libretos de comedias musicais. Son notables What Price Glory (1924), Winterset (1935), Key Largo (1940) e Anna of the 1000 Days (1949).

PERSOEIRO

Físico norteamericano. Traballou, especialmente, na física do estado sólido e estudiou a relación entre supercondutividade, superfluencia e láser, o efecto Josephson e os semicondutores amorfos. No 1977 recibiu o Premio Nobel de Física, xunto cos seus compañeiros J. H. Van Vleck e sir N. F. Mott, concedido polas súas contribucións ao estudo do comportamento dos electróns nos sólidos magnéticos non cristalinos.

PERSOEIRO

Narrador norteamericano. Publicou contos e novelas cun estilo directo que influiría na narrativa posterior, sobre todo na de Hemingway. Na súa obra preocupouse pola absorción aniquiladora do home dentro da sociedade industrial. Considerado un dos creadores da novela norteamericana, as súas obras principais son Winesburg, Ohio (1919) e Dark Laugther (1925). Postumamente publicou a autobiografía S. A.’s Memoirs (1942).

PERSOEIRO

Químico escocés. Descubriu a piridina, a lutidina e a colidina. Fixo un estudo detallado da codeína e doutros constituíntes do opio, así como do antraceno.

PERSOEIRO

Actriz de teatro e cine sueca. Bergman incorporouna ao Stadsteater de Malmö en 1953. No cine traballou para Gustaf Molander, Alf Sjöberg e, principalmente, para Ingmar Bergman.

PERSOEIRO

Poeta sueco de formación autodidacta. En 1914 comezou a publicar as súas poesías. Foi o iniciador da literatura “proletaria” no seu país. Coa súa obra, mestura de tintes sociais cunha especie de fe relixiosa, acadou decontado unha gran popularidade. Salienta Kolvaktarens visor (‘Cancións do carboneiro’, 1915).

PERSOEIRO

Actriz de teatro e cine sueca de vigorosa personalidade. Deuna a coñecer Ingmar Bergman, en 1952, co filme Sommaren med Monika (‘Verán con Mónica’).