"Est" (Contén)

CIDADES

Cidade da Bretaña, no departamento de Finistère, Francia, situada á beira da rada de Brest (153.099 h [1990]). Atópase baixo un dominio climático húmido, recollendo unha precipitación anual media superior aos 1.300 mm. Porto, base militar e arsenal, é un importante centro redistribuidor para o comercio marítimo e núcleo industrial, destacando os sectores eléctrico, de maquinaria, químico, alimentario e téxtil. Tamén é centro de ensino superior, sede da Université de Bretagne Occidentale e do Centro Oceanográfico de Bretaña. Desde 1239 pasou a formar parte do Ducado de Bretaña; do 1342 ao 1397 pasou a ser posesión inglesa, data na que retornou a Bretaña. No 1491 foi integrada na monarquía francesa. Brest, aínda así, non adquiriu relevancia ata que Richelieu iniciou en 1631 a construción do porto e a fortificación da cidade, que converterían Brest nunha importante base naval. Ocupada polos alemáns en 1940, converteuse no cuartel xeral da flota de submarinos que exerceron o bloqueo de Gran...

GALICIA

Pintor e gravador. Iniciouse na arte do gravado da man do seu irmán Isidoro Brocos con quen estudiou na Real Sociedade Económica de Amigos do País de Santiago de Compostela. En 1871 trasladouse a Bos Aires, onde colaborou como gravador en diferentes publicacións. En 1872 instalouse en Rio de Janeiro onde ampliou estudios na Academia de Belas Artes. Colaborou en La Ilustración Gallega y Asturiana, onde realizou un gravado que despois realizou o seu irmán en xeso: Os últimos momentos de Herodes. En 1877 trasladouse por primeira vez a París para estudar na Escola Nacional de Belas Artes xunto a Lekman. Entre 1879 e 1881 estudiou na Real Academia de Bellas Artes de San Fernando de Madrid baixo a tutela de Federico de Madrazo. Regresou a París e foi discípulo de Hebert. Interesado pola obra de Ingres, gustou do debuxo e fixo da beleza un ideal. En 1883 por Rebeca dando de beber a Elizer, obtivo unha bolsa da Deputación da Coruña para estudar en Roma durante catro anos...

PERSOEIRO

Astrónomo e matemático inglés. Profesor de matemáticas aplicadas no Haverford College (Pennsylvania 1891-1907) e na Universidade de Yale (1907-1932), investigou en mecánica celeste. Elaborou unhas táboas da Lúa (1920) e estudiou o movemento de rotación da Terra (1926), no que descubriu a existencia de certas irregularidades, e investigou sobre as teorías planetarias, os asteroides e a resonancia.

CAPITAIS

Capital de Romanía, situada na rexión de Muntenia ou Gran Valaquia, que constitúe un muncipio autónomo á marxe da administración provincial do país (228 km2; 2.027.512 h [1997]). Atravesan a cidade o río Dîmbovita e o seu afluente, o Colentina. A cidade ten un aspecto moderno, con amplas avenidas e máis de vinte parques. Desde 1918 a cidade foi medrando e converteuse no centro político, educativo, cultural, financeiro e industrial do país. A súa situación, no centro de rutas comerciais cara a Bulgaria, Hungría e Ucraína, con abundantes recursos de petróleo, sal e auga, facilitaron o seu desenvolvemento industrial. É tamén un centro de ensino superior: Universitatea din Bucureşti, fundada no ano 1864 e o Institutul Politehnic Gheorghe Gheorghiu-Dej, fundado no ano 1819. Fundada probablemente no lugar onde se situaba unha antiga fortaleza romana, a primeira referencia documental data do s XIV. No s XVII substituíu a Tîrgovişte como capital do principado de Valaquia. Durante...

CAPITAIS

Capital de Hungría, situada na beira do Danubio, na saída das gorxas entre os macizos de Pilis e Börzsöny, que na división administrativa do país constitúe un condado (525 km2; 1.861.383 h [1998]). Consta de dúas partes: Buda, o núcleo antigo, situada sobre os outeiros de Buda e o monte Gellért, á beira dereita do río, e Pest, situada nunha chaira aluvial, na beira esquerda do Danubio. Ambos os dous núcleos desenvolvéronse en círculos concéntricos: no primeiro están os distritos comerciais; o segundo desenvolveuse a partir do s XIX; o terceiro, que se estende ata un cinto de parques e xardíns, comprende os barrios residenciais a ambas as bandas de amplas avenidas radiais. Xa antes da Segunda Guerra Mundial a cidade experimentara un novo crecemento a causa do desenvolvemento da industria, que provocou o nacemento de barrios obreiros, habitados principalmente por inmigrantes procedentes das comarcas rurais. En 1950 a cidade ampliouse de novo coa anexión de sete localidades veciñas....

1. Relativo ou pertencente aos bupréstidos.

2. Coleóptero da familia dos bupréstidos.

3. Familia de coleópteros principalmente tropical e escasamente representada en Europa. Os insectos adultos son de coloración brillante e teñen o corpo de forma ovada, a cabeza afundida no tórax, ollos xeralmente grandes e antenas curtas e dentadas. As larvas teñen os segmentos torácicos dilatados e deprimidos e desenvólvense principalmente na madeira ou talos de herbáceas, aínda que unhas poucas son minadoras de follas ou forman bugallos.