Bug-Dniéster

Cultura neolítica (IV milenio a C) dos primeiros agricultores establecida ao redor dos ríos ucraínos Bug e Dniéster. Existen elementos que fan pensar que esta cultura procede dun desenvolvemento autóctono (nivel neolítico acerámico de Soroki), pero tamén existen indicios que demostran a existencia de contactos exteriores no desenvolvemento desa cultura (cerámicas relacionadas coa cultura moldava de Cris e Boian).