"Eva" (Contén)

PUBLICACIÓNS

Publicación editada en Vigo a partir do 16 de maio de 1927, da que posiblemente só saíu un número. Subtitulada “Revista ilustrada, gráfica e informativa”, estivo dirixida por Víctor Fraiz Villanueva, mestre fusilado en 1937. Incluíu fotografías, contos, notas de sociedade, artigos e literatura. Firme defensora dos valores democráticos e de Galicia, tamén deu conta das actividades do Ateneo de Vigo.

SEMANARIOS

Semanario publicado en Madrid a partir do 17 de maio de 1937. Cesou en novembro de 1938, despois de trasladar a súa redacción a Barcelona por mor da guerra en xaneiro dese ano. Subtitulado “Portavoz de los antifascistas gallegos”, estivo dirixido por Xosé Gómez Gayoso e Manuel Moure. De tendencia comunista e antifascista, apoiou a Segunda República e fixo chamamentos para que os galegos se unisen e traballasen pola liberación de Galicia e pola creación do Frente Popular Antifascista Gallego. Nel colaboraron Ramón Cabanillas, Arturo Cuadrado ou Basilio Álvarez, promotor de El miliciano gallego, co que o semanario acabaría converxendo tras un período de convivencia de dous meses. En setembro de 1937 Castelao incorporouse á revista cos seus debuxos de guerra e textos de denuncia das atrocidades cometidas polos falanxistas en Galicia.

PUBLICACIÓNS

Publicación editada en Ferrol a partir de xullo de 1931. De carácter infantil e distribuída gratuitamente, tivo moi pouca duración. Dirixida por Pedro Guimarey Filgueira, contou coas colaboracións de Fernández Barreiro, López Bouza, Manuel Macías ou Manuel Vázquez Ogando. Incluíu artigos sobre educación infantil, pedagoxía, contos e galego para nenos.

DEPARTAMENTOS

Departamento de Nicaragua (3.123 km2; 148.492 h [1995]). A súa capital é Ocotal (25.264 h [1995]).

MONTES

Monte situado na parroquia de Pedrafita (A Teixeira). O seu cumio acada os 826 m de altitude.

PERSOEIRO

Relixioso, neto de Juan Pacheco, marqués de Villena e fillo de Alfonso Téllez-Girón y Portocarrero. Entrou ao servizo de Adrián de Utrecht e acompañouno a Roma, cando se converteu no Papa Adrián VI. Foi prelado doméstico do Papa Clemente VII e bispo de Mondoñedo (1532-1537), de Ciudad Rodrigo (1537-1539), de Pamplona (1539-1545), de Jaén (1545-1554) e de Sigüenza (1554-1560). Nomeado cardeal (1545) e bispo de Albano (1557), Carlos V fíxoo vicerrei de Nápoles (1553-1555). En 1555 foi nomeado inquisidor de Roma.

PERSOEIRO

Músico. Coñecido como Vangelis, comezou a súa carreira musical no grupo pop Formynx para logo pasar a formar parte de Aphrodite’s Child, xunto a Demis Roussos e Loukas Sideras. Xa en solitario, desenvolveu un estilo moi persoal e próximo á new age, feito que lle valeu o recoñecemento internacional. Os seus contactos co mundo do cine foron continuos, e destacou a súa participación en filmes como Chariots of Fire (1981, Oscar á mellor banda sonora orixinal), Blade Runner (1982), 1492: Conquest of Paradise (1992) e Alexandre (2004). Da súa discografía destacan Earth (1973), Direct (1988) e Mythodea (2001).

GALICIA

Historiador. Doutor en Historia Medieval pola Universidad Complutense de Madrid (1984), traballou en varios proxectos de investigación relacionados coa diplomática e a heráldica, e fixo traballos por encargo da Xunta de Galicia, o Consello da Cultura Galega, a Fundación Barrié de la Maza ou a Deputación de Lugo. Foi director do Instituto de Estudios Galegos Padre Sarmiento desde 1994, investigador do Consejo Superior de Investigacións Científicas (CSIC) e vicepresidente da comisión de heráldica da Xunta de Galicia desde 1993. Escribiu Manual de Heráldica Española (1987 e 2000), Palos, Fajas y Jaqueles. La fusión de armerías en Galicia en los siglos XIII al XVI (1996), Don Pedro Fernández de Castro, VII Conde de Lemos. Mecenas y político (1997), Emblemas Municipais de Galicia   I-II, e Los señores de Galicia (2000). Membro do Consello da Cultura Galega desde 1995 e da Real Academia de la Historia, é membro titular da Académie Internationale d’Heraldique...

PERSOEIRO

Poeta francés, vizconde de Parny. De nome Évariste-Désiré de Forges, empregou a ironía e a burla para escribir sobre temas relixiosos e políticos. Parte da súa obra dedicoulla á súa amada Esther Lelivre, que el mesmo bautizou como Eléonore. Escribiu Poésies érotiques (1778), Opuscules poetiques (1779) e a parodia bíblica La guerre des dieux (1799), contestada por Chateaubriand. Foi membro da Académie Française (1803).

GALICIA

Ilustrador e deseñador gráfico. Colaborou coa revista Caminar (1975) e desde 1977 traballou no eido da publicidade, nacional e internacional, e en publicacións como Faro de Vigo, La Voz de Galicia, Can sen Dono e Xo. Ilustrou obras como Os enredos de Olalla (1990), A fuxida dos nenos (1994), Gluf contra Blef (1998), Papá Ogro (1999), Soños de Carme (2000), Un susto para Glub (2000) e Estela, a domadora de ras (2002). Parte da súa obra está exposta no Museo do Humor de Fene.

PERSOEIRO

Diplomático e político. Foi deputado nas Cortes de Cádiz (1814), ministro de Estado (1820-1821 e 1838-1840) e embaixador en Lisboa (1834-1848). Presidiu o Consello de Ministros (1838-1840) e, coa derrota do goberno, tivo que exiliarse ata que acabou a rexencia de B. Espartero.