"GR" (Contén)

PERSOEIRO

Novelista norteamericano que describiu a vida dos barrios populares de Chicago, cidade onde residía. Dende Somebody in boots (Alguén con botas, 1935) e a través de Never Come Morning (Nunca chega a mañá, 1942) fixo unha denuncia da organización dunha sociedade que sería descrita na ácida reportaxe Who lost an American? (Quen perdeu un americano?, 1963).

MUNICIPIOS

Municipio da provincia de Granada, Andalucía, na bisbarra de Tierra de Alhama, (5.983 h [1996]). Termas árabes (s XII) de augas sulfocarbonatadas en explotación balnearia na actualidade. Igrexa (s XVI).

MUNICIPIOS

Municipio da provincia de Málaga, Andalucía, na bisbarra da Hoya de Málaga, atravesada polo ría Fahala (16.859 h [1996]). Ten agricultura mediterránea e árbores froiteiras.

PERSOEIRO

Realizador cinematográfico francés que salientou polas súas adaptacións de obras literarias como Sous les yeux d´Occident (Baixo os ollos de Occidente, 1936), segundo a novela de Joseph Conrad; e L´amant de Lady Chatterley (O amante de Lady Chatterley, 1955), baseada na obra de D. H. Lawrence.

PERSOEIRO

Realizador cinematográfico francés, irmán de Marc Allegret. Produciu as súas obras máis ríxidas dentro da escola realista de posguerra.

1. Movemento musical de ritmo vivaz, menos veloz que o allegro.

2. Fragmento musical escrito neste ritmo.

PERSOEIRO

Compositor italiano. Tenor da Capela Pontificia en tempos de Urbán VIII. Escribiu o Miserere que durante moito tempo fora propiedade intelectual exclusiva da Capela Sixtina, ata que Mozart o transcribiu de memoria no ano 1770, despois de tan só dúas audicións.

1. Fragmento musical de ritmo moi vivaz.

2. Fragmento escrito neste ritmo. Adoita constituír o primeiro tempo, ás veces tamén o último, da sonata, a sinfonía e o concerto.

PERSOEIRO

Pintor e escritor. Foi un dos principais representantes das vangardas en Portugal. Estivo en contacto co grupo Orpheus. Escribiu algúns dos máis irreverentes manifestos futuristas e outros, conferencias e varios textos doutrinais: Manifesto Anti-Dantas (1915), A Cena de Ódio (1923), Direcção Única (1933), Elogio da Ingenuidade (1938), entre outros. Mantivo contactos con Sonia Delaunay e cos ballets rusos. Formou unha compañía de ballet e traballou en París como bailarín (1919). Fixo decoracións murais en Madrid e en Lisboa. Publicou A Engomadeira (1917), A Invenção do Dia Claro (1921) e Nome de Guerra (1938), así como obras de teatro, Antes de começar (1919), Deseja-se mulher (1928) e Pierrot e Arlequim (1924).

1. Óxido de ferro vermello, terroso, empregado en pintura. É utilizado polos mestres de carpintería para tentar marcar as táboas.

2. Sinal feito sobre un obxecto.

3. Cor que presenta a terra con almagre.

ESPA¥A

Concello da provincia de Ciudad Real, Castela-A Mancha (8.436 h [1996]). Cómpre salientar entre o Patrimonio Cultural desta vila o Corral de Comedias do s XVII, que mantén a tipoloxía dos antigos teatros barrocos, o convento de dominicos (s XVI) e o Teatro (s XIX), onde se conserva o vestiario empregado en diversas funcións que alí tiveron lugar. A tradición teatral mantida nesa vila nos últimos tres séculos fixo posible a creación, alí mesmo, do Museo Nacional do Teatro (cun centro de estudios teatrais) e a celebración do Festival Internacional de Teatro Clásico.

PERSOEIRO

Arqueólogo. Catedrático de Prehistoria e Arqueoloxía nas Universidades de Barcelona e de Madrid. Foi director do Museu d’Arqueologia de Barcelona e, posteriormente, do Museo Arqueológico Nacional. Dende 1939 ata 1953 dirixiu as escavacións de Empuries, xacemento catalán con tres sectores ben diferenciados (dous gregos e un romano), sobre as que publicou un estudo epigráfico, Las inscripciones ampuritanas griegas, ibéricas y latinas (1952), e unha ampla memoria, Las necrópolis de Ampurias (1953, 1955). Foi tamén autor dun libro de síntese, moi difundido nas universidades españolas entre 1960 e 1980, titulado Manual de historia universal I. Prehistoria (1960).

PERSOEIRO

Militar castelán, conquistador do Perú e Chile. No ano 1524 acompañou a Francisco de Pizarro no descubrimento e conquista das terras das Indias meridionais. Produciuse un enfrontamento entre Almagro e Pizarro, que se agravou pola fundación de Cuzco. No 1533 Pizarro enviouno á exploración e conquista das terras do sur de Cuzco; atravesou todo o altiplano andino (hoxe Bolivia), ao S do lago Titicaca, e chegou ata Copiapó, na costa chilena. Cando volveu a Chile principiou unha oposición aberta entre os partidarios de Almagro e os de Pizarro que culminou no 1538 co aprisionamento e a decapitación de Almagro.

PUBLICACIÓNS

Publicación gratuíta en galego aparecida en 1953, destinada aos labregos, con información e publicidade da empresa química Zeltia SA do Porriño. Contiña datos sobre predicións do tempo, fases da lúa, traballos agrícolas, enfermidades de plantas, medidas agrarias, emprego de insecticidas ZZ, e datas e lugares de feiras.