"RG" (Contén)

PERSOEIRO

Escritora. Cultivou diversos xéneros literarios, poesía, prosa e comedias para a radio. Entre a súa obra poética cómpre salientar Die gestundete Zeit (O tempo aprazado, 1953); así mesmo, escribiu Das dreissigste Jahr (O ano trinta, 1961), unha obra en prosa narrativa e a novela Malina (1972).

PERSOEIRO

Navegante e explorador. Participou en diversas expedicións árticas e dirixiu a que saíu na busca de John Ross en 1833. Explorou o NO de Canadá ata o 1835 e fixo estudios sobre as auroras boreais e as variacións da agulla imantada. En 1836 descubriu o río que leva o seu nome. Publicou dous libros sobre as súas exploracións: Narrative of the Artic Land expedition to the mouth of the Great Fish-River 1833-1835 (Narración da expedición das Terras Árticas á boca do Gran Río dos Peixes 1833-1835, 1836) e Narrative of an expedition with H. M. ship “Terror” 1836-1837 (Descrición dunha expedición coa nave H. M. “Terror” 1836-1837, 1838).

CIDADES

Cidade do land de Hessen, Alemaña, na vertente meridional do Taunus (51.600 h [1990]). A cidade desenvolveuse ao carón do castelo dos landgraves de Hessen-Homburg, onde residiron desde 1622 ata 1886.

PERSOEIRO

Lingüista. Licenciado en Filoloxía Románica pola Universidade de Barcelona, no ano 1948 chegou a catedrático de Gramática Histórica da Lingua Española na Universidade de Barcelona e en 1977 a catedrático de Gramática Histórica Catalana. Foi reitor da Universidade de Barcelona (1978-1986). Desde 1987 foi o responsable do equipo catalán de PatRom (Patronímica Románica), dicionario histórico das liñaxes románicas. Desde 1989 presidiu a Sección Filolóxica do Instituto de Estudios Cataláns e foi presidente de honra da Société de Linguistique Romaine. A súa investigación no campo da lingüística histórica, sobre todo catalá, está dentro da tradición de Ramón Menéndez Pidal: tratou temas morfolóxicos, sintácticos, fonéticos, semánticos...

PERSOEIRO

Médico. Foi profesor na Sapienza de Roma e defensor das teorías iatromecánicas. Publicou De praxi medica (Da praxe médica, 1696) de sentido case hipocrático, que se converteu nun libro clásico de medicina.

PERSOEIRO

Arquitecto. Autor, en Dresden, da Frauenkirche (1726-1738), un dos grandes monumentos da arquitectura barroca protestante, destruída no ano 1945 polos bombardeos.

PERSOEIRO

Escritor canadense en lingua francesa. Entre as súas obras cómpre destacar Les médisances de Claude Perrin (As murmuracións de Claude Perrin, 1945) e La neige et le feu (A neve e o lume, 1948).

PERSOEIRO

Realizador cinematográfico e actor de teatro norteamericano. Dirixiu nos anos vinte comedias de John Bunny, dramas románticos e filmes de intriga policial que lle proporcionaron certo recoñecemento en Hollywood. Algúns dos seus filmes son The new stenographer (O novo escenógrafo, 1911), Bunny all at sea (Bunny no mar, 1912), Tarantula (Tarántula, 1916), Cinema murder (Asasinato de cine, 1920) e Revelation (Revelación, 1924).

PERSOEIRO

Ensaísta e propulsor teatral. Fundou na Universidade de Harvard o 47 Workshop, laboratorio teatral no que se formou unha xeración de actores e autores dramáticos norteamericanos. Escribiu The Development of Shakespeare as a Dramatist (O desenvolvemento de Shakespeare como dramaturgo, 1907) e Dramatic Technique (Técnica Dramática, 1919).

PERSOEIRO

Poeta, escribiu tanto en ruso como en lituano, sobre todo a partir de 1930. Entre as obras en ruso destacan Zeml’ia stupeni (Chanzos da terra, 1911) e Gornaja tropa (O camiño da montaña, 1912); entre as obras en lituano están Ikurtuves (Festa da iniciación, 1941) e Ašarų vainikas (A grinalda de bágoas, 1942).

PERSOEIRO

Historiador de arte. Elaborou o esquema evolutivo das formas anteriores ao Románico e defendeu a teoría de que a arte medieval de Occidente ten raíces orientais. É autor de Art sumerien, art roman (Arte sumeria, arte romana, 1934), Lithuanian folk art (Arte popular lituana, 1948), La troisième sculpture romaine (A terceira escultura romana, 1958) e Formations, déformations à la stylistique ornamentale dans le sculpture romaine (Formacións, deformacións na estilística ornamental na escultura romana, 1986). Estudou en profundidade a evolución dos termos fantásticos e simbólicos a través da arte medieval en obras como Le Moyen Âge fantastique (A Idade Media fantástica, 1955). Así mesmo, foi un profundo coñecedor da arte anamórfica: Anamorphoses ou perspectives curieuses (Anamorfoses ou perspectivas curiosas,...

CIDADES

Cidade do estado de Bengala Occidental, na India, preto da fronteira con Bangladesh (104.648 h [1991]).

CIDADES

Cidade de Baviera, Alemaña, á beira do Regnitz (70.200 h [1990]). Localízase nos contrafortes do Steigerwald e constitúe un importante núcleo industrial. Posúe abundantes edificios medievais, entre os que destaca a catedral (ss XI-XIII), que inclúe importantes esculturas (Cabaleiro de Bamberg). Ten a súa orixe nun establecemento comercial que xurdiu ao pé do castelo dos Babenberg. O Emperador Enrique II fundou no ano 1007 un bispado, que foi secularizado en 1803, cando a cidade se incorporou a Baviera. As forzas do exército alemán que reprimiron o goberno soviético e espartaquista de Múnic en xaneiro de 1919 partiron desta vila.