"eo" (Contén)

PERSOEIRO

Poeta, publicista e revolucionario búlgaro. Escribiu o primeiro poema revolucionario da literatura búlgara, Gorski p’tnik (O camiñante dos bosques, 1857), poema épico moi popular e de gran repercusión na literatura búlgara.

1. Relativo ou pertencente ás ramnáceas.

2. Planta da familia das ramnáceas.

3. Familia de ramnais constituída por arbustos ou árbores, a miúdo con espiñas, de follas simples, alternas ou opostas, con estípulas pequenas e fugaces, de flores pouco aparentes, actinomorfas, pentámeras ou tetrámeras, xeralmente hermafroditas, de xineceo súpero e estames opostos aos pétalos, dispostas en inflorescencias cimosas, e de froitos de diversos tipos. Son propias dos países cálidos e temperados. Pertence a esta familia o sanguiño.

PERSOEIRO

Microbiólogo francés. En 1923 descubriu a maneira de converter a toxina diftérica na anatoxina correspondente que, ademais de non ser tóxica, conserva o poder antixénico.

PERSOEIRO

Historiador alemán. Catedrático na Universidade de Berlín (1834-1871), en 1841 converteuse no historiógrafo oficial de Prusia. Partidario da obxectividade e a minuciosidade, foi o principal historiador alemán do s XIX. Entre as súas obras destacan Geschichte der romanischen und germanischen Völker 1494-1535 (Historia dos pobos románicos e xermánicos 1494-1535, 1824); Deutsche Geschichte im Zeitalter der Reformation (Historia de Alemaña na época da Reforma, 1839-1847) e Neun Bücher preussischer Geschichte (Novos libros de historia prusiana, 1847-1848).

1. Relativo ou pertencente ás ranunculáceas.

2. Planta da familia das ranunculáceas.

3. Familia de ranunculais constituída por plantas xeralmente herbáceas e perennes de follas alternas, sen estípulas, a miúdo divididas, de flores coloreadas, hermafroditas, xeralmente actinomorfas, poliandrias, e de xineceo súpero apocárpico, e de froitos e folículo, en núcula ou en baga. Son propias case exclusivamente do hemisferio norte.

PERSOEIRO

Líder relixioso alemán. En 1803 emigrou a EE UU onde, tomando como modelo a primitiva sociedade apostólica, fundou xunto cos seus seguidores a colonia New Harmony (1810). Posteriormente fundou New Economy que tamén prosperou. Os seus adeptos desapareceron a comenzos do s XX.

1. 1. Relativo ou pertencente á raque.

   2. bulbo raquídeo

      Canal óseo oco que existe na columna vertebral e que contén a medula espiñal. OBS: Tamén se denomina conduto raquídeo.

2. Eixe da espícula das poáceas que está situado enriba das glumas.

1. Acción e efecto de rarear.

2. Eliminación de individuos para regular unha poboación cinexética que se realiza fóra da tempada de caza.

PERSOEIRO

Escultor e arquitecto italiano. Traballou en París pero, chamado a Peterburgo (1716), foi protexido por Pedro I de Rusia, para quen fixo Estatua ecuestre de Pedro o Grande na praza dos Enxeñeiros e a Estatua da tsarina Anna Ivanovna.

PERSOEIRO

Arquitecto, fillo de Bartolomeo Carlo Rastrelli. Iniciouse en París con R. de Cotte e o seu pai, e xunto con el e con Le Blond foi a Peterburgo en 1716. A Tsarina Isabel Petrovna nomeouno arquitecto da corte e en 1741 confioulle a transformación arquitectónica e urbanística da cidade con modelos italianos e franceses de inspiración renacentista e manierista. Das súas obras destacan os palacios de Verán (1741-1744), o Peterhof (1747-1752) e os palacios de Carskoje Selo (1749-1756) e de Inverno (1754-1762).

1. Preparado de ingredientes con que se enche ou reenche un alimento.

2. Calquera material con que se enche ou reenche algo.

1. Actividade que ten como obxectivo divertir ou entreter.

2. Tempo que teñen os alumnos para distraerse e descansar entre clases.

PUBLICACIÓNS

Publicación editada en Santiago de Compostela a partir do 11 de xaneiro de 1842. Cesou o 11 de setembro de 1943. Subtitulado “Periódico literario”, saíu dúas veces ao mes dos obradoiros de Xosé Nuñez Castro. Dirixido por Antonio Neira de Mosquera, tratou temas relacionados coa historia, a xeografía, as viaxes, a poesía ou a novela, cun maior peso da literatura. Chegou a ser unha revista literaria de calidade recoñecida en toda España.

1. Que está formado por liñas rectas.

2. Que vai en liña recta.

1. Acción e efecto de refrear ou refrearse.

2. Aquilo que serve para refrear, conter ou minorar.