"An" (Contén)

1. 1. Anterior ao mediodía.

   2. Relativo ou pertencente á mañá.

2. Relativo á posición dun astro antes de pasar polo meridiano do observador.

PERSOEIRO

Arquitecto e físico bizantino. Recibiu o encargo de Xustiniano para dirixir as obras da basílica de Santa Sofía de Constantinopla (532-537), pero só chegou a trazar os planos. Coñecía a pólvora, construíu unha máquina de vapor e salientou no campo da óptica.

PERSOEIRO

Emperador romano de Occidente desde o ano 467 ata a súa morte. Sendo senador foi chamado por León o Grande, Emperador de Oriente, para exercer o cargo de Emperador en Occidente, onde contaba co apoio do xeneral suevo Ricimer. Posteriormente inimizáronse, feito que levou a Ricimer a sitiar Roma e, logo de vencer a Antemio, ordenou que o executasen.

1. Muro baixo de fortificación que se levanta diante do muro principal para maior defensa das murallas.

2. Porción continua de muralla entre dúas torres.

1. Apéndice cefálico articulado, propio dos artrópodos mandibulados (miriápodos, insectos e crustáceos) e dos onicóforos. Consta dunha base e dun flaxelo, onde adoita ter pilosidade abundante. Segundo a forma, a antena recibe diferentes nomes (filiforme, lameliforme, claviforme, pectinada, plumosa e capitada). Ten unha función sensitiva, xa que nela se localizan corpúsculos táctiles, gustativos, olfativos e, ás veces, auditivos.

2. 1. Dispositivo utilizado nas técnicas de telecomunicación para a captación (antena receptora) ou a produción (antena transmisora) de ondas electromagnéticas. Faise circular pola antena transmisora unha corrente eléctrica que induce ao seu redor un campo eléctrico e outro magnético (onda electromagnética) que se estende polo espazo e, ata atopar unha antena receptora, á que lle induce unha corrente eléctrica similar á orixinal. A antena é, entón, un dispositivo que transfire a enerxía eléctrica do transmisor ao aire, en forma de enerxía electromagnética, e do aire ao receptor, novamente en forma de enerxía eléctrica. Os parámetros que definen unha antena son: a impedancia (relación entre a tensión aplicada e a corrente que circula), a ganancia (que é a relación entre a enerxía transmitida e a recibida) e a directividade (propiedade de transmitir ou recibir con máis ganancia nunha ou en diversas direccións). A directividade exprésase mediante o diagrama...

   2. antena colectiva

      Antena utilizada conxuntamente por diversos usuarios. Para poder alimentar diversos receptores, é necesario amplificar o sinal antes de distribuílo. A miúdo, os sinais recibidos por diversas antenas colectivas de radio en AM e FM, e de televisión en VHF e UHF, son mesturadas nunha mesma liña de distribución e separadas despois para alimentar os distintos aparellos.

   3. antena de bolboreta

      Antena cunha forma que recorda a unha bolboreta coas ás despregadas. Acostuma estar formada por dous paos perpendiculares, cada un deles en forma de dobre triángulo, unidos polos seus vértices. Utilízase principalmente como emisora en televisión.

   4. antena de cadro

      Antena formada por un bastidor sobre o que se enrola un condutor formando un cadro.

   5. antena de núcleo de ferrita

      Antena consistente en diversas espirais de fío condutor enroladas sobre un núcleo de ferrita. As propiedades da ferrita permiten concentrar as ondas radioeléctricas no núcleo, e reducir considerablemente as dimensións da antena. Emprégase en pequenos receptores de radios portátiles.

   6. antena dipolo

      Antena formada por dous condutores rectos, de igual longura, un a continuación do outro. Poden estar dobregados ata que os seus extremos se xunten; entón chámaselle dipolo pregado.

   7. antena parabólica

      Antena formada por unha superficie condutora en forma de casco paraboloide; nun dos focos desta están situados o transmisor e o receptor. Nesta antena, as ondas electromagnéticas recibidas dun punto afastado son reflectidas pola superficie parabólica e concentradas no foco. Emprégase para a transmisión ou recepción a moi altas frecuencias en radar, comunicacións vía satélite, comunicacións militares de campaña, enlaces de televisión por microondas e outras formas de comunicación.

   8. antena telescópica

      Antena vertical da que o condutor está formado por diversos tubos de distinto diámetro, de maneira que uns entran dentro dos outros. Así conséguese pregar a antena cando non se emprega.

   9. ...

1. Provisto de antenas.

2. mandibulado.

PERSOEIRO

Escultor de estilo arcaico da Ática. Entre as súas obras o grupo escultórico dos tiranicidas Harmodio e Aristoxiton, dun estilo ático que rompe coas convencións arcaicas introducíndose nos canons do vulto redondo do estilo severo. Levadas estas esculturas de Atenas polo Rei persa Xerxes durante as Guerras Médicas, foron recuperadas trala vitoria grega. Por comparación de estilo, atribúeselle o frontón de mármore do templo dos alcmeónidas en Delfos.