"CIO" (Contén)

Aglutinación sanguínea dos eritrocitos polas aglutininas doutro individuo da mesma especie.

Formación de anticorpos con antíxenos doutros individuos da mesma especie.

Doutrina política que propugna a non-intervención dun país en asuntos internacionais.

Acción e efecto de isomerizar.

Fundación privada vinculada ao concello de Barcelona, creada por Joan Miró en 1971. O edificio que a acolle, obra de Josep Lluís Sert, está situado no Parc de Montjuïc e abriuse ao público en xuño de 1975. Dedícase ao estudo e difusión da obra de Miró e á promoción da arte contemporánea de vangarda. O pintor dotouna cunha colección integrada por pinturas, esculturas, practicamente a colección completa da súa obra gráfica, e debuxos.

Premio convocado e organizado anualmente por Caixanova, dirixido a aqueles xornalistas e autores que publican artigos na prensa española. O primeiro galardoado foi Gonzalo Fernández de la Mora, cun artigo titulado “El prosista puro”, publicado no diario madrileño ABC o 28 de xullo de 1980. En cada convocatoria adoitan outorgarse, amais dos premios oficiais, algún accésit ás mellores reportaxes e premios especiais do xurado. Entre os autores premiados figuran escritores e xornalistas como Isaac Otero, Alfredo Conde, Víctor F. Freixanes, J. L. Martín Descalzo, Borobó, Mariano Tudela, Xesús A. Montero, X. Ferro Ruibal, Torcuato Luca de Tena, X. Neira Vilas, Carlos Casares e Diego Bernal.

Fundación sen ánimo de lucro creada en Ourense. Declarada pola Xunta de Galicia de interese cultural e galego, ten como fins a protección, divulgación e estudo da obra do gravador e pintor Xulio Prieto Nespereira e a conservación do seu patrimonio artístico e cultural.

Institución fundada en Madrid polo Real Decreto de 11 de xaneiro de 1907 cando era ministro de Instrución Pública Amalio Gimeno. O artigo 1 de fundación determinaba como competencias o servizo de ampliación de estudios dentro e fóra de España, as delegacións a congresos científicos, o servizo de información estranxeira e relacións internacionais en materia de ensino, o fomento dos traballos de investigación científica e a protección das institucións educativas no ensino secundario e superior. O primeiro regulamento foi publicado o 16 de xuño de 1907. A JAE naceu dentro do espírito gineriano de “europeizar” España e a súa composición orixinal reflicte a influencia da ILE (Santiago Ramón y Cajal, Gumersindo de Azcárate, Xosé Casares Gil, Ramón Menéndez Pidal e Eduardo Vicenti, entre outros). Entre 1906 e 1936 levou a cabo un fecundo labor de extensión cultural ao enviar como bolseiros ao estranxeiro a centos de mestres e inspectores. Aspirábase á formación do persoal docente e a...

Cada unha das xuntas que se crearon en España trala Revolución de Setembro de 1868.

Grupo creado na Escola de Maxisterio de Pontevedra por Antón Lamapereira e Manuel F. Vieites en 1987, ao abeiro da Aula de Teatro da citada escola universitaria. Despois de estrear Colorín Colorado en 1987, en 1988 presentaron Pimpirulandia, un espectáculo do que se realizaron máis de 65 funcións. En 1990 presentaron o espectáculo Rodatola, unha creación colectiva dirixida por Manuel F. Vieites e Manuela Rodríguez Lorenzo.

Ecuación que relaciona a variación de entalpía coa temperatura a presión constante. Permite calcular a variación de entalpía H dunha reacción á temperatura T2, coñecendo a variación da entalpía da reacción a unha certa temperatura T e as capacidades caloríficas dos produtos e dos reactivos a T1 e T2.

Reacción de condensación de compostos carbonílicos con grupos metilenos reactivos, en presencia de amoníaco ou aminas, segundo a reacción RCHO+H2C(COOH)2 "Times New → RCH = C(COOH)2 "Times New mso-ansi-language:ES-TRAD;mso-fareast-language: → RCH = CHCOOH + CO2

Okrug autónomo, na oblast’ de Kamčatka (301.500 km2; 30.700 h [estim 1999]). A súa capital é Palana (2.735 h [1970]).

Procedemento de carga continua dun cable telefónico, ideado por C. E. Krarup (1872 -1909), que consiste en dispoñer helicoildalmente un enrolamento de ferro ou dunha aliaxe magnética ao redor de cada un dos condutores do cable. Emprégase especialmente nos cables submariños.