"Bor" (Contén)

PERSOEIRO

Fotógrafo e xornalista. Estudiou Humanidades na Universidad del Valle (Cali) e Fotografía no Photojournalism de Toronto (Canadá) en 1976. Traballou como fotógrafo para o xornal El Popular de Toronto, na Faulkner Color Lab e na Gamma Photo de San Francisco. Tamén nas revistas Segundamano, Stanford University Humanities Review, The San Francisco Bay Guardian e no suplemento literario Voces do xornal Horizontes, todas elas publicacións de San Francisco. Participou no filme canadense Don´t be afraid (Non lle deas importancia, 1980) como asistente de produción; na exposición colectiva Contactos, realizada no San Francisco Mission Cultural Center en 1991 e foi co-fundador da axencia fotográfica Nexo. Publicou o catálogo titulado Si somos la misma cosa, unha tradución ao español de To the Promised Land (Á terra prometida, 1989) do fotógrafo norteamericano Ken Light e, xunto con Víctor Toro, o libro Voces de Ultramar (1993).

PERSOEIRO

Duquesa de Modena, Ferrara e Reggio. Filla do cardeal Rodrigo de Borja, despois Papa Alexandre VI, e de dona Vannozza Cattanei. Ao converterse en Pontífice, o seu pai pensou en utilizar a Lucrecia como instrumento da política vaticana e, na necesidade de reforzar a súa alianza coa familia Sforza, fixo que casara (1493) con Giovanni Sforza, señor de Pesaro. Posteriormente, volveu casar en dúas ocasións. Durante a súa vida na corte de Roma, conseguiu unha vida social sen precedentes: administraba o estado do Vaticano en ausencia do Papa (1500). O seu nome apareceu sempre ligado a episodios sinistros.

PERSOEIRO

Poeta e dramaturgo sueco. Escribiu dramas históricos de influencia shakespeariana como Erik den Fjortonde (Enrique XIV, 1846).

PERSOEIRO

Soprano dramática suíza. Debutou en Lucerna en 1940. Destacou en papeis wagnerianos e en Elektra de R. Strauss.

REXIÓNS

Rexión do Sáhara, no Chad, situada ao S do Tibesti. Forma unha chaira de pedra dunha altitude media de 200-300 m, con grandes oasis. Os principais recursos económicos son a gandería (camélidos, cápridos e óvidos) e a agricultura dos oasis. A localidade máis importante é Faya-Largeau. Antigamente era un estado vasalo do Wadai; en 1899 foi cedido a Francia polo tratado anglo-francés, aínda que as tropas francesas non o ocuparon ata 1907.

ILLAS

Illa do mar do Norte (36 km2), dependente administrativamente do land da Baixa Saxonia, Alemaña. Pertence ás illas Frisonas e está situada diante da desembocadura do Ems.

1. Ornamento composto por un botón do que penden moitos fíos ao xeito dunha campá. Emprégase como adorno nos uniformes militares, nas gaitas, nas cortinas, etc.

2. Insignia dos licenciados, graduados ou doutores no ámbito das universidades.

3. Herba do xénero Jasione, da familia das campanuláceas, de follas oblongas, de pequenas flores azuis con cinco estames, dous estigmas e corola de cinco lóbulos, dispostas en capítulos apertados. En Galicia están presentes: J. crispa subsp sessiliflora, no sueste; J. crispa subsp maritima, nos areais litorais; J. laevis subsp carpetana, nos sistemas de montaña orientais; e J. montana, en prados e ambientes secos de todo o país.

PERSOEIRO

Especialista en ciencias agrícolas norteamericano. Estudiou na Universidade de Minnesota. Por encargo da fundación Rockefeller desenvolveu en México novos métodos de cultivo do trigo, cos que aumentou a produción mexicana nun 50% en dous anos. Posteriormente, estendeu os seus métodos por América do Sur, Paquistán e a India. Foille outorgado o Premio Nobel da Paz en 1970.

PERSOEIRO

Latinista e crítico textual holandés. Foi profesor en Rotterdam, na Haia e en Leiden. A súa obra foi publicada principalmente nas revistas Mnemosyne, Museum, Philologische Wochenschrift e Vigiliae Christianae. Estudiou especialmente a Tertuliano e Paciano.

PERSOEIRO

Bailarín, coreógrafo e animador de espectáculos de ballet sueco. Creou, con Rolf de Maré, os famosos Ballets Suédois (1921-1925).

PERSOEIRO

Político alemán. Destacado colaborador de Hitler, en 1925 adheriuse ao partido nacionalsocialista. Foi xeneral das SS e xefe do gabinete de Rudolf Hess (1933), a quen sucedeu no mando da Chancelería do partido (1941). Lugartenente de Hitler, desapareceu en estrañas circunstancias trala caída de Berlín no 1945.

1. Enfermidade contaxiosa dos equinos (cabalos, asnos) producida pola bacteria Actinobacillus mallei e que se caracteriza principalmente pola inflamación e ulceración da mucosa nasal e dos ganglios linfáticos, o que provoca trastornos respiratorios que mesmo poden levar á morte. Pode ser transmitida a cans, cabras, ovellas e mesmo ao home.

2. Doenza que afecta ás galiñas que presentan un tumor debaixo da lingua e que pode chegar a asfixialas.

3. Estado da persoa que pola falta de sono experimenta unha sensación de atordamento e de cansazo mental.

MUNICIPIOS

Municipio da provincia de Sevilla, Andalucía (6.839 h [1996]). Situado 5 km ao SO de Sevilla, a súa economía, tradicionalmente baseada na agricultura especializada nos produtos mediterráneos (oliveira, viña e cereais), experimentou unha reorientación debida á súa inclusión na área metropolitana hispalense, causada pola expansión residencial da cidade, feito que provocou a aceleración do seu crecemento demográfico.

PERSOEIRO

Físico alemán. Foi profesor de Física Teórica nas universidades de Berlín (1916) e Frankfurt (1919), e director do Instituto de Física Teórica de Göttingen (1921). Exiliado de Alemaña (1933), ensinou nas universidades de Cambridge e de Edimburgo, ata o final do réxime nazi. Fixo contribucións básicas á teoría das calores específicas (1912) e ao estudo das forzas de cohesión nos sólidos (1919). Baseándose nas ideas de Heisenberg desenvolveu, en colaboración con Pascual Jordan, a mecánica das matrices. En 1926, pouco despois de que Schrödinger presentase a súa mecánica ondulatoria, propuxo a interpretación probabilística da Mecánica Cuántica, pola que foi galardoado co Premio Nobel de Física en 1954, que compartiu con W. W. Bothe. En Mecánica Cuántica, ideou a aproximación de Born. A partir dos traballos de L. Infeld (1934), elaborou con W. Peng unha teoría cuántica do campo electromagnético en 1943.