"ERS" (Contén)

CIDADES

Cidade do land de Renania-Palatinado, Alemaña (98.400 h [1990]). É un núcleo industrial, con industria metalúrxica, téxtil, papeleira e de fabricación de máquinas de coser.

PERSOEIRO

Actriz, bailarina, coreógrafa e directora de escena belga. Realizou estudios na escola Mudra de Bruxelas e en Nova York. Despois de presentar varios espectáculos como Asch ou Fase, en 1983 creou a compañía Rosas, coa que estreou nese mesmo ano o espectáculo Rosas danst Rosas, que lle valeu o recoñecemento internacional e no que mostrou os seus trazos máis característicos: minimalismo, movemento baseado en accións sinxelas e cotiás, traballo con obxectos básicos, forte acompañamento musical, ausencia de escenografía e a presenza única da muller bailarina. Outros traballos seus son Bartóc Aantekeningen (1986), Toccata (1993), Just Before (1997) ou Drumming (1998). Xunto con Pina Bausch ou Lucinda Childs, é unha das grandes formuladoras do xénero denominado danza-teatro e unha das coreógrafas máis destacadas.

CAPITAIS

Capital da oblast’ homónima, Ucraína (354.243 h [1999]). A súa economía baséase na industria téxtil, electrónica e de produción de aceiro.

CIDADES

Cidade de República Sudafricana (102.940 h [1985]). Fundada en 1887 a causa do descubrimento das minas de ouro, adoptou o nome do entón presidente da antiga República de Transvaal, S. J. P. Kruger.

PERSOEIRO

Naturalista occitano. Foi o fundador das estacións de bioloxía mariña de Rosco, en 1873, e de Banyuls de la Marenda, en 1882, o actual Laboratorio Aragón, que dirixiu ata 1901.

PERSOEIRO

Escritor e profesor. Desempeñou a cátedra de Retórica e Poética no Instituto de Lugo (1863-1873) e a de Literatura Latina e Española nas universidades de Valladolid e Santiago de Compostela (1876). Colaborador de La Ilustración Gallega y Asturiana e Galicia Humorística, publicou Ensayos críticos sobre filosofía, literatura e instrución pública españolas (1868) e Entretenimientos literarios (1879).

PERSOEIRO

Paleoantropólogo, fillo de Louis e Mary Leakey. Dirixiu expedicións a diferentes lugares de Kenya, especialmente ao lago Turkana, e ao val do río Omo en Etiopia. En 1969 atopou un cranio completo do Paranthropus boisei, cunha antigüidade de 1,7 millóns de anos. Novas excavacións permitíronlle atopar en 1983 a mandíbula, dentes e fragmentos do cranio do Sivapithecus, posible predecesor do home e do mono, cuns 17 millóns de anos de antigüidade. Foi director do Museo de Ciencias Naturais de Kenya (1968-1989) e posteriormente dos Servicios de Fauna de Kenya.

CONDADOS

Condado de Inglaterra (2.553 km2; 611.200 h [estim 2000]). A capital é Leicester. Corresponde aproximadamente ao antigo condado do mesmo nome, que foi un dos grandes feudos ingleses medievais.

PERSOEIRO

Escritor. Coñecido como Kaj Munk, influenciouse por William Shakespeare. As súas comedias son unha crítica en defensa da liberdade individual. Publicou Ordet (1925), En Idealis (1928) e Niels Ebbesen (1942).

PERSOEIRO

Fotógrafo francés. En 1914 trasladouse a Berlín onde traballou como cámara nos estudios cinematográficos da UFA (1915-1929). Especializado nos retratos, fixo unha serie deles publicados baixo o título Everady Heads (1931) e realizou unha serie de documentais fotográficos en Palestina (1931-1948), onde recompilou uns 175 retratos na serie Transformation Through Light.

PERSOEIRO

Médico, matemático, astrónomo, filósofo e eséxeta. Foi o pensador máis orixinal do xudaísmo medieval, despois de Maimónides. Escribiu libros de matemáticas, un dos primeiros en facelo sobre trigonometría plana, e tamén sobre astronomía e os cálculos de distancias entre estrelas. Inventou o báculo de Jakob, utilizado para medir ángulos na navegación ata o s XVIII.

PERSOEIRO

Político e escritor galés. Cofundou o partido nacionalista Plaid Cymru (1925) e traballou na recuperación do galés, lingua en que escribiu moitos dos seus textos, de xéneros tan diversos como poesía, teatro, ensaio e novela.