"SS" (Contén)

PERSOEIRO

Bailarina e actriz cinematográfica. Debutou en 1943 e protagonizou diversas longametraxes como Singing in the Rain (Cantando debaixo da chuvia, 1952), de S. Donen e Gene Kelly, Band Wagon (Melodías de Broadway, 1953), de V. Minnelli, e Silk Stockings (A bela de Moscova, 1957), de R. Mamoulian.

PERSOEIRO

Pintor francés. En 1831 comezou a asistir ao obradoiro de Ingress en Roma, onde realizou Lacordaire (1840). Nas súas obras intentou compaxinar o clasicismo de Ingress co colorido de Delacroix. En 1846 viaxou por Alxeria e, desde entón, cultivou a temática oriental (Toilette d’Esther, 1841). Atraído pola figura feminina, realizou nus dunha delicada elegancia (Ninfa durmida, 1850). Entre 1844 e 1848 decorou con alegorías da paz e da guerra a Cour des Comptes do Palais d’Orsay en París.

PERSOEIRO

Compositor. Licenciado en Dereito, realizou estudios musicais con Massenet no Conservatorio de París e foi secretario da Société Nationale de Musique. Influenciado por César Franck e Wagner, destacou na música de cámara (Concert, 1889 e Quatuor avec piano, 1897) e na música sinfónica (Symphonie en si bémol, 1890 e Poème, 1896). Compuxo, ademais, a ópera Le roi Arthus (1892-1896).

PERSOEIRO

Escritor suízo. Cultivou a poesía e a novela e recibiu o premio Goncourt pola obra L’Ogre (1973).

PERSOEIRO

Erudito, historiador e liturxista francés. Canónico e profesor en Lyon. Entre as súas obras destacan Répertoire des sources historiques du Moyen âge (Repertorio dos manantiais da Idade Media 1873-1903), e o Repertorium hymnologicum (1892-1912).

CIDADES

Cidade da provincia de Turín, no Piemonte, Italia, situada á beira do río Po (9.064 h [1991]). No seu termo municipal está instalada unha central térmica.

CIDADES

Cidade prerromana do litoral de Catalunya, de dubidosa situación. O seu nome relacionouse co de Cesse, que figura nas inscricións das moedas ibéricas, citadas polos historiadores romanos durante a segunda Guerra Púnica. No ano 218 a C, pouco despois do desembarco romano en Empúries, o xeneral Cneo Cornelio Escipión derrotou nesta cidade as forzas cartaxinesas dirixidas por Hanno.

PERSOEIRO

Poeta dinamarqués. Influído polo simbolismo e polas correntes ideolóxicas e estéticas de finais do s XIX, publicou recolleitas poéticas e narracións eróticas como Unge Bander (Lazos novos, 1894) e Kitty (1895).

PERSOEIRO

Boxeador norteamericano. No 1965 converteuse ao Islam co nome de Mu ḥ ammad Alī. Campión Olímpico nos Xogos de Roma 1960, conseguiu o campionato do mundo de pesos pesados profesionais (1964) e mantivo a imbatibilidade ata 1967. Renovou o título en 1974 e retirouse no 1980. Pola súa oposición á Guerra do Vietnam sufriu unha intensa campaña de desprestixio e mesmo houbo xestións do Comité Olímpico dos EE UU para desposuílo do seu título olímpico que finalmente fracasaron. Abafado, guindou ao mar a súa medalla de ouro. Enfermo de párkinson, converteuse nun destacado activista na loita contra esta enfermidade. En 1996 ofrecéuselle un acto de desagravio ao ser elixido para prender o lume olímpico nos Xogos da XXVI Olimpíada, celebrados en Atlanta. O Comité Olímpico Internacional entregoulle unha réplica da medalla obtida nos Xogos de Roma.

PERSOEIRO

Arquitecto e debuxante. Estudiou e debuxou con Robert Adams (1758) as ruínas do palacio de Spalato (actual Split). Foi arquitecto de Catarina II de Rusia (1783) e colaborou con Thomas Jefferson nos EE UU. Contribuíu á valoración da arquitectura da Antigüidade. Foi autor, entre outras obras, do Château Borely (1766), en Marsella, e do palacio do gobernador de Metz (1776-1781).

PERSOEIRO

Director de orquestra. En 1960 fundou a Orquestra de Cámara de Israel e foi director da Ópera de Bucarest, da Orquestra Sinfónica de Haifa (Israel), da Orquestra Sinfónica do Ulster e da de Baltimore. Así mesmo, asumiu a dirección das orquestras de Vancouver, Helsinqui e RTVE.