"CIO" (Contén)

1. Acción e efecto de limitar ou limitarse.

2. Aquilo que limita ou impide o desenvolvemento de algo ou de alguén.

GALICIA

Historiador. Licenciado en Xeografía e Historia (1984), foi secretario da Fundación Castelao (1990-1999) e membro da súa xunta rectora desde o   2000. Traballou en   Encrucillada (1984-2002) e na Revista Galega de Ciencias Sociais (2003). Escribiu O Val de Barcala (1900-1936). Agrarismo, vida política, emigración e cultura (1988), Negreira na guerra do 36 (1995) e Feiraco, 25 anos (1969-1994) (1995) e Un modelo de Agroindustria cooperativa (1995), e foi coautor do Dicionario Eladio Rodríguez (2001) e do Dicionario Antón Avilés de Taramancos (2003). Recibiu o Premio Modesto R. Figueiredo (1985), o Premio Vila de Negreira de Xornalismo (1989) e de Historia (1991) e a Medalla de Ouro do Concello de Negreira (2002).

MUNICIPIOS

Municipio da provincia de Cádiz, Andalucía, situado na baía de Algeciras, e que limita co territorio de Xibraltar (59.437 h [2001]). É un núcleo urbano de construción moderna, destaca como porto e centro comercial. A poboación activa moi influída polo territorio de Xibraltar dedícase principalmente á pesca e ás actividades industriais derivadas.

1. 1. Acción e efecto de liquidar.

   2. Proceso polo que os bens mobles, inmobles ou os activos en xeral dunha empresa se converten en diñeiro en efectivo.

   3. enda polo miúdo con carácter extraordinario e cunha gran rebaixa de prezos que se fai nun establecemento comercial por cesamento da actividade, reforma ou traslado. Dunha maneira regular poden realizarse para dar saída a stocks acumulados.

2. Acto de dar por finalizada unha relación laboral, principalmente entre unha empresa e un traballador, e documento en que se fai constar que as contas quedan axustadas e saldadas.

3. licuefacción.

1. Operación de extracción en que se separa, por medio dun disolvente (fase líquida), un ou máis compoñentes dun material sólido (fase sólida). Industrialmente efectúase a operación en tres etapas. Na primeira etapa póñense en contacto as dúas fases (sólida e líquida). Na segunda etapa ten lugar a separación ou decatación das dúas fases, e na terceira, recupérase o sólido disolto. Emprégase especialmente en minería, en metalúrxia extractiva e nas industrias química, farmacéutica e alimentaria.

2. Proceso que consiste na migración descendente de elementos solubles e coloidais, orixinada pola auga da choiva. 

3. biolixiviación.

PERSOEIRO

Arquitecto. En 1768 presentou en Lugo un proxecto de reconstrución da fachada da catedral. Está documentado como contratista dos capiteis e basas da catedral lucense e en 1771 participou nas obras do Arsenal de Ferrol, onde tamén realizou a igrexa do Perpetuo Socorro. En Donostia realizou, con Miguel de Salezán, a igrexa de Santa María e o proxecto de ampliación do porto (1773).

1. Acción e efecto de arrendar.

2. Contrato que se establece entre dúas partes, o locador ou propietario e o locatario, polo que o primeiro traspasa ao segundo unha propiedade a cambio dunha renda periódica para que faga uso e obteña beneficio dela.

1. Acción e efecto de localizar ou localizarse.

2. Factor que expresa a relación de calquera feito xeográfico con outros, en función da súa situación no espacio. Expresa as condicións que presenta calquera emprazamento respecto ás funcións que se cumpren. Fai referencia ás condicións que determinan a elección dun lugar e non doutro, para establecer un cultivo, unha industria ou unha cidade. Inicialmente as condicións adoitan ser favorables, pero os cambios económicos, a multiplicación das relacións e os cambios sociais poden chegar a anular estas vantaxes, e mesmo, obrigar a loitar contra os inconvenientes dunha mesma localización. Feito eminentemente xeográfico, enmarcou tradicionalmente todos os estudios de xeografía como primeiro factor, considerado ás veces determinante. A introdución do librecambismo e o crecemento do valor do solo, sen embargo, fixeron que os economistas se interesasen no seu estudio, e chegaron a elaborar unha teoría da localización. Os seus precedentes sitúanse nos estudios de localización na agricultura de Von...

1. Lavado que se realiza cunha pequena cantidade de líquido sobre unha parte do corpo, con fins cosméticos ou medicinais.

2. Líquido acuoso ou hidroalcohólico, con substancias medicinais en suspensión, que se emprega para lavar ou bañar zonas determinadas da pel, dunha ferida ou dos cabelos durante un curto período de tempo. Son moi empregadas en dermatoloxía, con fins medicinais e cosméticos.

1. Feito de moverse dun lugar a outro.

2. Manifestación da posibilidade que teñen os animais de moverse dun lugar a outro empregando medios propios. Os principais tipos de locomoción son o terrestre (coas variedades de marcha e reptación), o aéreo e o acuático.

3. Conxunto de diversos vehículos que se utilizan para desprazar ou trasladar mercadorías ou persoas.

1. Maneira ou forma falar ou de expresarse.

2. Combinación fixa de dúas ou máis palabras, unidas a miúdo por unha sintaxe particular, con sentido unitario e familiar a unha comunidade lingüística. Algúns autores, como J. Casares, dividen as locucións en significativas e conexivas. As primeiras están dotadas de significación e poden subdividirse en substantivas, que equivalen a un nome, como cabalo de mar ou arco da vella; adxectivas, que equivalen a un adxectivo, como ser un croio; verbais, como poñerse levado do demo; e adverbiais, que equivalen a un adverbio, como a deshora. As conexivas, ou relacionantes, serven como nexo gramatical e poden ser conxuntivas, como posto que ou a pesar de, e prepositivas, como con respecto a ou en fronte de.