"RDA" (Contén)

GALICIA

Gravador e pintor. Membro dunha familia de orixe italiana, asistiu a clases de debuxo na escola patrocinada polo conde de Ximonde. Na capela do Hospital Real de Santiago (1829) realizou os cadros sobre bronce situados no altar, e na igrexa de Santa María do Camiño pintou o arco toural e a sancristía (1830). Como gravador formouse en Santiago. Nas súas obras recolleu a influencia académica e os gustos populares da época. No ámbito técnico empregou o trazo, curto ou longo, pero non o punteado para acadar as sombras.

PERSOEIRO

Matemático. Profesor no College de France, fixo traballos de xeometría seguindo as directrices de Riemann e de topoloxía sobre as deformacións das superficies. Completou a teoría de grupos esbozada por Galois.

PERSOEIRO

Escultor. Activo en Valladolid, foi autor do retablo da igrexa de Santa María de Medina de Rioseco e do altar maior e do sepulcro do bispo Pedro de Gasca na igrexa da Magdalena de Valladolid. Non se conservan os retablos que fixo para o convento das Descalzas Reales de Madrid e para o mosteiro de Montserrat.

PERSOEIRO

Xogador de baloncesto. Considerado o mellor xogador de baloncesto da historia, gañou seis títulos da NBA cos Chicago Bulls (1991, 1992, 1993, 1996, 1997 e 1998), foi dúas veces campión olímpico (Los Angeles 1984 e Barcelona 1992), foi elixido cinco veces xogador máis valioso (MVP) da NBA (1988, 1991, 1992, 1996 e 1998), amais de acadar moitas marcas persoais.

CIDADES

Cidade de Kazakhstán e   capital da oblast’ homónima (157.400 h [1999]). Foi capital (1925-1929) da República Socialista Soviética Autónoma de Kazakhastán. Destacado centro industrial, nas súas proximidades localízanse empresas relacionadas coa alimentación e o téxtil.

PERSOEIRO

Predicador francés. Avogado, entrou no seminario e foi ordenado sacerdote en 1827. En 1830 fundou, xunto con Lamennais e Montalembert, o periódico L’Avenir, que foi condenado por Gregorio XVI en 1834. Someteuse e arredouse de Lamennais, co que polemizou. Obtivo o restablecemento da orde dos dominicos en Francia e, en 1840, pronunciou os votos. Entre 1850-1854 e 1858-1861 foi o superior da orde. Desde 1835 destacaron as súas conferencias en Notre-Dame de París.

1. 1. Facultade e dereito das persoas para obrar segundo os seus criterios, sen mandato ou imposición. Na tradición oral recóllense ditos como: “A liberdade non hai quen a pague, porque non se sabe o que vale. A moita liberdade, bota a perder ás veces a mocidade. Máis vale liberdade con pobreza, que cadea con riqueza. O que ten liberdade non sabe o que ten, se é que o pensa ben”.

   2. Permiso que ten alguén para facer algo.

   3. Desenvoltura ou naturalidade de movemento.

2. 1. liberdade civil

      Estado dos cidadáns que teñen os seus dereitos protexidos por unha comunidade civil organizada.

   2. liberdade condicional

      Beneficio que se lle concede a un penado polo que obtén a liberdade ata o fin da súa condena, e que pode ser concedida por unha autoridade xudicial, administrativa ou penitenciaria.

   3. liberdade de contratación

      Principio polo que toda persoa con capacidade suficiente pode concluír contratos privados con plena autonomía sempre que non atente contra as leis, a moral e a orde pública.

   4. liberdade de expresión

      Dereito fundamental polo que toda persoa pode manifestar publicamente as súas opinións e crenzas.

   5. liberdade de imprenta

      Dereito de imprimir canto se queira, coa suxección ás leis e sen censura.

   6. ...

1. Relativo ou pertencente ás licoperdáceas.

2. Fungo da familia das licoperdáceas.

3. Familia de fungos, da orde das licoperdais, de carpóforo redondeado co peridio dobre e a gleba loculada. A esta familia pertencen os bufos de vella (Lycoperdan).

1. Relativo ou pertencente ás licoperdais.

2. Fungo da orde das licoperdais.

3. Orde de fungos, da clase dos basidiomicetos, que adoitan ter un carpóforo globoso e liberan nubes de esporas cando rompen.

MONTES

Monte situado na parroquia de Torible (Lugo). O seu cumio acada os 601 m de altitude.

MONTES

Monte que marca o límite entre as parroquias de Friol, Santalla de Devesa e Guldriz (Friol). O seu cumio acada os 522 m de altitude.