Leonardo/Leonarda

Nome xermánico de tradición franca, documentada no s VI como Leonhart ou nas formas do latín medieval Leonardus, Lionardus ou Lonardus, composto do préstamo do latín *leo- ou *lewo- ‘león’ e o adxectivo *hardhu ‘forte, valeroso’. Presenta a forma hipocorística Nardo/Narda. Teñen este nome san Leonardo de Noblac (s VI), celebrado o 6 de novembro, e san Leonardo de Porto Mauricio (1676-1751), celebrado o 26 de novembro.