"AND" (Contén)

PERSOEIRO

Pintor brasileiro. Despois dunha tempada en París utilizou técnicas expresionistas e surrealistas. Nos seus murais e cadros mostrou as duras condicións da vida dos cangaceiros, campesiños, pastores e seringueiros, mediante cores vivas e frescas con liñas limpas. Evolucionou cara ao expresionismo dramático e brutal. Da súa produción destacan O traballo da terra brasileira e Xogos de nenos.

PENÍNSULAS

Península da costa SL de Inglaterra, situada no canal da Mancha. Ten 26 km de longo.

CIDADES

Cidade do estado de Oregon, EE UU, no Océano Pacífico (529.121 h [2000]). Situada á beira do río Willamette, é o primeiro porto do estado e un centro industrial. Destaca como a primeira cidade do mundo na transformación da madeira.

PERSOEIRO

Eclesiástico e político, marqués de Montesclaros e conde de Palma del Río. En 1669 foi ordenado cardeal polo Papa Clemente IX. Foi vicerrei de Sicilia (1677-1678) e ao volver ocupou a sé de Toledo e foi membro do Consello Real de Carlos II. Conseguiu que Xosé Fernando de Baviera fose nomeado sucesor da coroa e, cando este morreu, decantouse polos Borbón. Morto Carlos II (1700), ocupou a rexencia ata a chegada de Filipe V, que o nomeou lugartenente de Catalunya (1701). En 1703 pasou á corte, pero debido á súa ineficacia nos altos cargos financeiros foi confinado á súa arquidiocese (1705).

PERSOEIRO

Historiador da arte estadounidense. Doutorouse en Literatura Castelá en Harvard coa tese Mediaeval Spanish Allegory (1909). Escribiu A History of European and American Sculpture (1924) e A History of Spanish Painting (iniciada en 1930), en catorce volumes, onde compilou exhaustivamente e case por primeira vez a pintura medieval, e parte da renacentista, hispánica.

PERSOEIRO

Político e militar ruso. Participou na Primeira Guerra Ruso-turca (1768-1774). Foi o favorito de Catarina II de Rusia (1774-1776), sobre a que tivo unha grande influencia política. Impulsou a anexión do Khanato de Crimea ao Imperio Ruso (1783) e a fundación de Sebastopol (1784). Organizou a Segunda Guerra Ruso-turca (1789-1791), pero non tivo éxito e perdeu a influencia política sobre Catarina II.

PERSOEIRO

Pintor e tratadista italiano. Membro da Compañía de Xesús, decorou moitos templos da orde. Cun gran sentido escenográfico, utilizou a perspectiva para conseguir efectos plásticos. Traballou en Viena ao servizo do príncipe de Liechtenstein. Influíu no estilo decorativista da pintura mural barroca alemá e austríaca do s XVIII. Destaca o Altare di Sant’Ignazio para a igrexa do Gesù de Roma. Escribiu Prospettiva de’ pittori ed architetti (1693-1698).

PARROQUIA

Parroquia do concello de Covelo baixo a advocación de Santiago.

1. Relativo ou pertencente ás comidas.

2. Que ocorre como efecto de comer.

PERSOEIRO

Arquitecto austríaco. Cultivou o estilo barroco, dedicouse á arquitectura relixiosa, e construíu, entre outras obras, a abadía de Melk (1700-1726) e a igrexa de Christkindl (1708).

PERSOEIRO

Físico alemán. Profesor de física (1904) na Universidade de Göttingen, deu a coñecer a teoría da capa límite, moi importante na mecánica dos fluídos. Estudou tamén os fenómenos de transmisión da calor.

GALICIA

Xeógrafo. Catedrático de Xeografía na Universidade de Santiago de Compostela e director do máster de Desenvolvemento Local e Comarcal, as súas investigacións centráronse nos estudos urbanos, as redes urbanas e as súas relación coa planificación e o desenvolvemento local e rexional. Foi Director do Gabinete de Planificación e Desenvolvemento Territorial (1989-1997) e secretario xeral de Planificación e Desenvolvemento Comarcal da Xunta de Galicia (1997-2003). Realizou os mapas comarcal (1996) e parroquial (1997) de Galicia e puxo en marcha o Plan de Desenvolvemento Comarcal, o Sistema de Información Territorial de Galicia (SITGA) e o Centro Telemático aplicado ao Desenvolvemento Comarcal, e creou a rede de Centros Comarcais. Pertence ao Instituto de Estudios Económicos Pedro Barrié de la Maza. Colaborador de La Voz de Galicia, das súas publicacións destacan Galicia. Estrutura del territorio y organización comarcal (1986), La Red urbana (1990), Ciudad y desarrollo...