"To" (Contén)

Organización, fundada en 1929, que agrupa a algunhas asociacións de pais de alumnos (APAs) dos centros privados de ensino, especialmente os de ensino confesional, ademais dalgunhas do sector público. Está representada no Consejo Escolar del Estado.

Organización sindical xurdida en 1977 ao abeiro do Partido del Trabajo de España (PTE). Nas primeiras eleccións sindicais de 1978 acadaron 17 representantes nas principais empresas galegas: oito en Megasa, sete en Astano e dous en Barreras.

Formación política creada en Madrid a comezos de marzo de 1933 que agrupou o partido de Acción Popular, de Gil Robles, a Derecha Regional Valenciana, dirixida por Luis Lucía e outros grupos monárquicos, mauristas e democristiáns. Nas eleccións de novembro de 1933 foi o partido que conseguiu máis deputados (115), pero non os suficientes para gobernar en solitario. Alcalá Zamora, presidente da República, encargou a formación de goberno ao Partido Radical liderado por Lerroux, que gobernou en solitario ata outubro de 1934. Nese ano constituíuse un goberno radical-cedista que outorgou tres carteiras a membros da CEDA, feito que desencadeou a Revolución de Outubro de 1934. Centraron a súa acción de goberno en frear o reformismo republicano e convertéronse en instrumento dos grandes propietarios agrarios e industriais. O 6 de marzo de 1935 entraron novamente cinco cedistas no goberno, con Gil Robles no ministerio de Guerra. Nas eleccións de febreiro de 1936, a CEDA perdeu o 20% dos seus postos...

Organización sindical constituída en 1973 en Bruxelas por iniciativa da Confederación Internacional de Sindicatos Libres (CISL). O seu obxectivo é defender os intereses dos traballadores europeos, en particular ante as institucións europeas (UE e EFTA). A súa estrutura interna está formada polo Congreso, elixido por catro anos e que se ocupa do nomeamento do secretario xeral, das dúas secretarías xerais deputadas e do presidente; polo Comité Executivo, que se reúne catro veces ao ano cos representantes de todos os afiliados e elixe as delegacións que negocian coas organizacións de empresarios europeos; polo Comité Directivo, que ten a responsabilidade de continuar as decisións do Comité Executivo no tempo que media entre as súas sesións; polo Secretariado, que se ocupa de seguir a evolución das actividades da Confederación de manter as relacións coas institucións europeas e coas organizacións de empresarios; e polo secretario xeral, que actúa como voceiro. En outubro de 1998, a Confederación...

Organización internacional constituída na Haia en 1920. Integrada por sindicatos de obediencia protestante e católica, reconstituíuse no ano 1968, cando abandonaron toda referencia ao cristianismo e adoptaron o nome de Confederación Mundial do Traballo.

Conferencia internacional, coñecida como Cumio da Terra, realizada en Rio de Janeiro en xuño de 1992 co obxectivo de atopar un equilibrio entre o crecemento económico e demográfico e o respecto ao medio ambiente. Entre outros acordos, aprobouse a convención sobre a diversidade biolóxica (biodiversidade), que entrou en vigor en 1994 e que insta aos estados a preservar as áreas e as especies con interese ecolóxico, e a convención sobre o cambio climático, para o que os estados deben reducir a emisión de dióxido de carbono, entre outros gases, para non provocar cambios climáticos na Terra (obxectivos fixados para o ano 2000). Firmáronse tamén as normas do Programa 21, a Declaración de Rio sobre Medio Ambiente e Desenvolvemento, onde se definen os dereitos e responsabilidades das nacións para o progreso da humanidade, e unha Declaración de Principios. Tamén se estableceron uns períodos extraordinarios de sesións, para os anos 1997 (Cumio da Terra +5) e 2002 (Cumio da Terra +10), para...

Organismo internacional creado polas Nacións Unidas en 1964, que se ocupa das cuestións relacionadas co comercio internacional e das relacións económicas entre países desenvolvidos e subdesenvolvidos. Reúnese normalmente cada catro anos, desde a primeira, celebrada en Xenebra en 1964, ata a décima, en Bangkok en febreiro do 2000. A UNCTAD edita numerosas publicacións como Bulletin e Trade and Development Report.

Conferencia na que se reúnen algúns estados pertencentes ás Nacións Unidas para tratar diferentes aspectos relacionados coa situación da poboación do planeta e onde se ofrecen as pautas a seguir en política demográfica. A I Conferencia Internacional de Poboación tivo lugar en Roma en 1954, e a II Conferencia en Belgrado, en 1965. Na III Conferencia, levada a cabo en Bucarest en 1974 (Ano Mundial da Poboación), os países desenvolvidos presentaron o Plan de Acción Mundial sobre Poboación, baseado nun maior control da natalidade, coa intención de frear a desmesurada explosión demográfica mundial. Os países desenvolvidos opuxéronse ao plan por considerar que atribuía á superpoboación as causas do subdesenvolvemento, orixinado en realidade pola explotación dos países pobres por parte dos ricos. A IV Conferencia tivo lugar en México en 1984, e a V Conferencia no Cairo en 1994.

1. Estado prolongado de oposición ou contenda entre persoas ou cousas.

2. Situación dada por unha discordancia entre as tendencias e os intereses ou imposicións externas. Distínguense tres tipos: apetencia-apetencia, aversión-aversión e apetencia-aversión. No último caso, o mesmo obxecto ten á vez dúas pulsións de sentido contrario. Hai unha serie de mecanismos psicolóxicos para resolver os conflitos: sublimación, represión, desprazamento, etc; cando estes fallan, prodúcese a neurose.

3. Tensión ou oposición da acción narrativa que xorde do enfrontamento de personaxes (protagonista/antagonista) ou grupos sociais, e que dificulta a consecución dos obxectivos perseguidos no curso dunha acción. Ás veces, xérase pola tensión interna do protagonista, que se debate entre o cumprimento do deber e os seus propios desexos ou sentimentos, e adopta a forma de monólogo. A súa orixe pode estar nunha rivalidade amorosa, económica ou política; no choque entre dúas concepcións do mundo, entre dous tipos de moral irreconciliables; na loita moral; na confrontación entre o individuo e a sociedade; ou no combate moral ou metafísico do home cun principio ou desexo, como a figura de Deus ou a superación persoal. Segundo a preceptiva clásica, o conflito debe resolverse feliz ou traxicamente no momento do desenlace ou catástrofe. Finalmente, o seu resultado pode ser cómico e conciliatorio ou tráxico, se ningunha das partes presentes pode ceder na súa postura sen desacreditarse.

4. conflicto cognoscitivo /

   Situación que se produce no proceso de adquisición de novos coñecementos, se os coñecementos previos do alumno entran en contradición coas novas informacións que se quere integrar na súa estrutura cognoscitiva. Este estado de contradición cognoscitiva xera un desequilibrio que debe servir para modificar os esquemas de coñecemento do alumno e enriquecelos a través da precisión, a ampliación ou o afondamento.

5. conflicto colectivo de traballo

   Alteración nas relacións de traballo, que se caracteriza porque os efectos derivados da solución acadada esténdense a persoas que non actuaron como partes na solución do conflito. O conflito pode ser xurídico, cando o obxecto da pretensión consiste na demanda do cumprimento ou aplicación dunha norma xa existente, ou de regulamentación, cando as diferencias entre as partes xorden por solicitar un cambio substancial nas condicións de traballo.

6. conflicto de competencia

   Controversia orixinada cando dous entes pertencentes ás ordes civil, penal, contencioso-administrativa ou social, e dotados de personalidade xurídica, se consideran competentes nun asunto (conflito positivo) ou declinan as súas atribucións na materia (conflito negativo).

7. conflicto de dispositivos

   Situación na que varios programas de ordenador que se executan á vez, tentan usar un idéntico dispositivo (como un módem ou unha impresora) ao mesmo tempo. Os sistemas que operan en multitarefa manexan este conflito de varias formas diferentes: poñendo en cola de impresión a saída das impresoras ata que estea dispoñible o dispositivo solicitado ou denegando sinxelamente o acceso a un dispositivo que xa está en uso.

8. conflicto de leis

   Controversia orixinada pola concorrencia de dúas ou máis normas xurídicas na regulación dun feito concreto.

9. conflicto de obras públicas

   Conflito orixinado entre órganos pertencentes a unha mesma administración pública, non relacionados entre si xerarquicamente, sobre feitos sobre os que non finalizara en prazo un procedemento administrativo. Poden ser positivos ou negativos, segundo os órganos se consideren igualmente competentes ou incompetentes.

10. ...

Acción e efecto de confortar.

Acción e efecto de congraciar ou congraciarse.