"Mac" (Contén)

PERSOEIRO

Político guineano. Funcionario colonial desde 1944, foi vicepresidente do goberno autónomo (1964-1968) e presidente da República (1968-1979). En 1972 proclamouse presidente vitalicio pero foi derrocado polo seu sobriño, o coronel Teodoro Obiang.

PERSOEIRO

Poeta da escola galego-castelá. Tal vez orixinario de Padrón, estivo activo probablemente ao redor da segunda metade do s XIV e viviu no reinado de Pedro o Cruel. É o autor máis antigo dos que cultivaron a súa lírica con posterioridade aos trobadores galego-portugueses e anterior ao espallamento dos cancioneiros que tivo lugar a partir do segundo cuarto do s XV. Atribúenselle sete composicións en galego, de tema amoroso, que pertencen ao xénero da cantiga. Nestes poemas alterna os versos longos cos de pé quebrado e recorre á annominatio. Por iso e pola súa biografía, no s XV converteuse en arquetipo do poeta amoroso. Foi tratado de forma burlesca no s XVIII, pero a súa figura foi recuperada no Romanticismo, especialmente a partir das obras de Mariano José de Larra, o drama Macías, e o romance histórico El doncel de don Enrique el Doliente.

GALICIA

Químico. Catedrático de Edafoloxía da Universidade de Santiago de Compostela e Presidente da Sociedad Española de la Ciencia de Suelo, foi director da ETSI Agrónomos de Lugo e director da Axencia de Calidade Ambiental da Consellería de Ordenación do Territorio. Publicou numerosos traballos de investigación e monografías tanto en revistas nacionais coma estranxeiras.

GALICIA

Compositor. Foi membro fundador e presidente da Asociación Galega de Compositores. Ocupou diferentes cargos (1964) na Asociación de Jóvenes Compositores de Bos Aires e a súa obra orquestral Sindy foi escollida para representar a Arxentina nunha tribuna internacional. En 1984 retornou a Galicia. Compuxo obras orquestrais de cámara e para piano.

PERSOEIRO

Regatista. Participou en probas da clase 470 e Láser, e competiu nos Xogos Olímpicos de Atlanta (1996) e nos de Sydney (2000), onde navegou na clase Mistral. Conseguiu a medalla de bronce   no Campionato de Europa (1999) e a segunda praza na Semana de Hyères.

AFLUENTES

Afluente pola dereita do río Eume, que nace na parroquia de Goente e desemboca na de Vilavella (As Pontes de García Rodríguez).

PERSOEIRO

Político, arqueólogo e prehistoriador. Foi cronista oficial de Ortigueira (1892), e fundou e dirixiu os xornais El Cabo Ortegal e El Ortegano. Vinculouse á Federación Agraria de Ortigueira (FAO) e como alcalde impulsou o asociacionismo agrario e a creación do Boletín Oficial do Concello de Ortigueira (1916). Estudiou a prehistoria de Galicia, catalogou máis de 200 exemplares de arquitectura megalítica, realizou diversas escavacións arqueolóxicas e publicou numerosos artigos sobre o desenvolvemento agrario e temas históricos. Das súas monografías destacan Crónicas de Ortigueira (1892) e Bares. Puerto hispánico de la primitiva navegación occidental (1947). Foi membro da Real Academia Galega. No mes de xullo de 2000 constituíuse a Fundación Federico Maciñeira, dedicada ao desenvolvemento de actividades culturais.

PERSOEIRO

Pintor. Coñecido como Juan de Juanes, formouse no taller do seu pai Vicent Macip. Reaccionou contra os efectos da perspectiva arquitectónica propios de comezos do s XVI, mentres que na paisaxe continuou coa práctica da tradición clasicista. Creou temas relixiosos como o Xesús Cristo eucarístico, a Virxe do Leite, a Sagrada Familia e a Inmaculada Concepción. Foi o autor do retablo da igrexa de Sant Nicolau en València e as táboas de Sant Eloi, a Inmaculada, a Santa Cena (1550) e o ciclo da vida e martirio de Sant Esteve (1565).

PERSOEIRO

Pintor. Traballou moi a miúdo co seu fillo Joan Macip i Navarro. A súa obra evidencia unha estancia en Italia e puido comezar a súa formación baixo a influencia de Yáñez i Llanos. En 1516 traballou para a catedral de Murcia, e en València realizou traballos de ornamentación na catedral (1522-1525), onde pintou o Baptisme e fixo o retablo do Anxo Custodio. Foi autor tamén do retablo da sé de Sogorb (Castelló) entre 1520-1535, de estilo monumental, de El martiri de Santa Agnès e La Visitació, entre outras.

PERSOEIRO

Poeta lituano. Coñecido como Maironis, foi o máximo expoñente da poesía e do renacemento nacionalista lituano. A súa poesía, romántica,   reflicte a loita pola independencia do pobo lituano, como en Pavasario balsai (Voces primaverais, 1892), Jaunoji Lietuva (A Lituania nova, 1907) e Mūsu vargai (A nosa desventura, 1921). Escribiu tamén unha triloxía dramática de carácter épico e ensaios históricos.

1. Que ten unha estrutura sólida e compacta, sen ocos nin baleiros.

2. Que ten unha fisionomía rexa, forte e compacta.

3. Conxunto de montañas uniformes e dunha altitude moderada que están formadas por materiais antigos e duros, como rochas metamórficas, rochas cristalinas e sedimentos arrasados pola erosión, que pertencen a unha antiga serra dobrada. O relevo dun macizo pode ser modificado pola acción tectónica posterior ou pola acción da erosión diferencial.

4. Parcela de terreo nos xardíns dedicada ás flores ou plantas decorativas.

REXIÓNS

Rexión do centro-sur de Francia (85.000 km2), formada por un conxunto de terras altas que separan a conca de París de Languedoc e Aquitania do val do Ródano. É un extenso macizo antigo cun relevo moi compacto. Fragmentado durante o dobramento herciniano e formado por materiais cristalinos (granitos, gneis e xistos), foi afectado no Terciario por unha serie de dislocacións que o fracturaron en diversos bloques de altitude desigual e fosas tectónicas. Relacionado con estas dislocacións, as grandes masas de lava formaron o actual aparato volcánico que constitúe o centro do macizo. As cimas máis elevadas son aqueles volcáns, intensamente erosionados. En conxunto presenta o aspecto dun altiplano sucado por numerosos ríos, que forman profundas gorxas e ofrecen unha gran variedade de paisaxes. O clima é moi variado porque depende da altitude e da influencia mediterránea e atlántica. Esta rexión, illada dos grandes eixes de comunicacións, experimenta un intenso éxodo rural. A agricultura...